ମୁମ୍ବାଇ, ୩/୪ : ସନି ଦେଓଲଙ୍କ ଜାଟ୍ ଚଳିତ ମାସ ଫିଲ୍ମ ହଲରେ ରିଲିଜ ହେବାକୁ ଯାଉଛି । ଭେଟରାନ ଅଭିନେତା ଏବେ ନିଜ ଫିଲ୍ମର ଜୋର-ଶୋର ପ୍ରମୋଶନ କରିବାକୁ ଲାଗିଛନ୍ତି । ଶେଷ ଥର ସନି ଦେଓଲ ଫିଲ୍ମ ଗଦର ୨ରେ ନଜର ଆସିଥିଲେ । ଯାହା ବକ୍ସ ଅଫିସରେ ରେକର୍ଡ଼ସ୍ତରର କଲେକ୍ସନ କରିଥିଲା । ଏଭଳି ସ୍ଥଳେ ସନି ଦେଓଲଙ୍କ ଫ୍ୟାନ୍ସଙ୍କୁ ଫିଲ୍ମ ଜାଟରୁ ବହୁ ଆଶା ରହିଛି । ସେହିଭଳି ଏବେ ଅଭିନେତା କହିଛନ୍ତି କି ନିଜ ଫିଲ୍ମ ସେ କିଭଳି ବାଛିଥାନ୍ତି । ସନି ଦେଓଲ ନିକଟରେ କୋମଳ ନାହଟାଙ୍କ ସହ ଏକ ପୋଡ଼କାଷ୍ଟରେ ନଜର ଆସିଥିଲେ । ତାଙ୍କ ସହ କଥା ହେବା ସମୟରେ ସେ କହିଛନ୍ତି କି ସେ ନିଜ ଫିଲ୍ମ କିଭଳି ଭାବେ ଚୟନ କରିଥାନ୍ତି ଏବଂ କିଭଳି ଭାବେ ସେ ଜାଟକୁ ଚୟନ କରିଛନ୍ତି ।
ସେ କେବେ ବି ଭିନ୍ନ ପ୍ରକାରର କାହାଣୀକୁ ଚୟନ କରିବାକୁ ଭୟ କରନ୍ତି ନାହିଁ ଫିଲ୍ମ ବକ୍ସ ଅଫିସରେ କିଭଳି ପ୍ରଦର୍ଶନ କରିବ । ସନି ଦେଓଲଙ୍କ କହିବା ଅନୁସାରେ ପ୍ରତି କାହାଣୀ ଏଭଳି ହୋଇନଥାଏ ଯାହା ଦର୍ଶକଙ୍କୁ ଉତ୍ସାହିତ କରି ବଡ଼ ସଂଖ୍ୟାରେ ଦେଖିବାକୁ ଆସିବେ । ମାତ୍ର ଜଣେ କଳାକାର ରୂପରେ ସେ ଏଭଳି ପ୍ରୋଜେକ୍ଟ ଚୟନ କରିଥାନ୍ତି ଯାହା ତାଙ୍କ ପର୍ସନାଲ୍ଟି ସହ ମ୍ୟାଚ କରିଥାଏ । ସନି ଦେଓଲ କହିଛନ୍ତି ମୋ ପାଖରେ କୌଣସି ନିର୍ଦ୍ଦିଷ୍ଟ ମାନଦଣ୍ଡ ନାହିଁ । ମୋର ଧାରଣା କି ଯେତେବେଳେ କାହାକୁ କୌଣସି କାହାଣି ଶୁଣାଯାଏ ଯଦି ତାହା ତାଙ୍କ ହୃଦୟକୁ ଛୁଇଁଥାଏ ତ ଏହା ବହୁତ ଅଟେ ।
