ନୂଆଦିଲ୍ଲୀ, ୧୧/୧୨ : ଆଫଗାନିସ୍ତାନର ରାଜଧାନୀ କାବୁଲରେ ବୁଧବାର ଏକ ଆତ୍ମଘାତୀ ବମ୍ ଧମାକାରେ ତାଲିବାନ ସରକାରରେ ଶରଣାର୍ଥୀ ମାମଲାରେ ମନ୍ତ୍ରୀଙ୍କ ମୃତ୍ୟୁ ହୋଇଛି । ଗୃହ ମନ୍ତ୍ରାଳୟର ଅଧିକାରୀ ଏହି ସୂଚନା ଦେଇଛନ୍ତି । ଅଧିକାରୀ କହିଛନ୍ତି କି ଏହି ବିସ୍ଫୋରଣ ମନ୍ତ୍ରାଳୟ ଭିତରେ ହୋଇଥିଲା ଏବଂ ଶରଣାର୍ଥୀ ମାମଲାରେ ମନ୍ତ୍ରୀ ଖଲୀଲ ହକ୍କାନୀଙ୍କ ମୃତ୍ୟୁ ହୋଇଛି । ହକ୍କାନୀ ଏଭଳି ପଦାଧିକାରୀ ଥିଲେ ଯାହାଙ୍କ ଆଫଗାନିସ୍ତାନର ସରକାରରେ ୩ବର୍ଷ ପୂର୍ବରୁ ତାଲିବାନ ଦ୍ବାରା କବ୍ଜା କରାଯିବା ପରେ ହୋଇଥିବା ବମ ଧମାକାରେ ମୃତ୍ୟୁ ହୋଇଛି । ଏହି ଧମାକାର ଏବେ ଯାଏ କୌଣସି ଲୋକ ଦାୟୀ କରିନାହାନ୍ତି ।
ସୂଚନା ଅନୁଯାୟୀ, ଏହି ଆକ୍ରମଣ ଶରଣାର୍ଥୀ ମନ୍ତ୍ରଣାଳୟ ନିକଟରେ ହୋଇଛି। ଆକ୍ରମଣ ସେତେବେଳେ ହୋଇଥିଲା ଯେତେବେଳେ ଖୋସ୍ତରୁ ଆସିଥିବା ଏକ ଗ୍ରୁପ ସହ ହକ୍କାନୀ ଆଲୋଚନା କରୁଥିଲେ। ଏପର୍ଯ୍ୟନ୍ତ ହୋଇଥିବା ତଦନ୍ତରୁ ଜଣାପଡ଼ିଛି ଯେ, ଏହା ଏକ ଆତ୍ମଘାତୀ ଆକ୍ରମଣ ଥିଲା। ଅବଶ୍ୟ ଆତ୍ମଘାତୀ ଆକ୍ରମଣକାରୀ ମନ୍ତ୍ରଣାଳୟ ଭିତରକୁ କିଭଳି ଆସିଲେ ସେନେଇ କିଛି ସ୍ପଷ୍ଟ ହୋଇନାହିଁ। ତେବେ ଶରଣାର୍ଥୀ ମନ୍ତ୍ରଣାଳୟରେ ହୋଇଥିବା ଏହି ବିସ୍ଫୋରଣରେ ଇସଲାମିକ ଷ୍ଟେଟର ହାତ ଥିବା ନେଇ ଆଶଙ୍କା କରାଯାଉଛି।
ପ୍ରକୃତରେ ୨୦୨୧ରେ ଆଫଗାନିସ୍ତାନର ଶାସନ ତାଲିବାନ ହାତକୁ ଗଲା ପରେ ଆମେରିକା ସେନା ତାଲିବାନ ଯୁଦ୍ଧକୁ ସମାପ୍ତ କରିଛି। କିନ୍ତୁ ଇସଲାମିକ ଷ୍ଟେଟ ଏବଂ ଖୁରାସନା ଏବେବି ଆଫଗାନିସ୍ତାନରେ ସକ୍ରିୟ ରହିଛି, ଆଉ ବିଭିନ୍ନ ସମୟରେ ସେଠିକାର ନାଗରିକ ଏବଂ ତାଲିବାନ ଅଧିକାରୀଙ୍କୁ ଟାର୍ଗେଟ କରୁଛି।
