ନୂଆଦିଲ୍ଲୀ,୨୦।୧୦: ଗତ ୫ ବର୍ଷରେ ଭାରତରେ ଗ୍ରାମୀଣ ପରିବାର ପାଇଁ ନଳ ପାଣିର କନେକ୍ସନରେ ୫ ଗୁଣା ବୃଦ୍ଧି ଦେଖିବାକୁ ମିଳିଛି। ଏସବିଆଇ ଏକ ରିପୋର୍ଟ ଜାରି କରି ଏହାର ସୂଚନା ଦେଇଛି। ରିପୋର୍ଟରେ ଏହି ପ୍ରଗତିର ଶ୍ରେୟ ଜଳ ଜୀବନ ମିଶନ୍(ଜେଜେଏମ୍)କୁ ଦିଆଯାଇଛି। ଏହି ମିଶନ୍ର ଆରମ୍ଭ ୧୫ ଅଗଷ୍ଟ ୨୦୧୯ ରେ କରାଯାଇଥିଲା। ଏହାର ଏକମାତ୍ର ଲକ୍ଷ୍ୟ ୨୦୨୪ ପର୍ଯ୍ୟନ୍ତ ଗ୍ରାମୀଣ ଅଞ୍ଚଳର ପ୍ରତ୍ୟେକ ଘରେ ନଳ ପାଣି ଉପଲବ୍ଧ କରିବା।
ରିପୋର୍ଟ ଅନୁସାରେ, ଅକ୍ଟୋବର ୨୦୨୪ ପର୍ଯ୍ୟନ୍ତ ନଳ କନେକ୍ସନ କରିଥିବା ଗ୍ରାମୀଣ ପରିବାରର ସଂଖ୍ୟା ବଢି ୧୫.୨୦ କୋଟି ହୋଇଯାଇଛି। ଜେଜେଏମ୍ର ଲଞ୍ଚ ବେଳେ କେବଳ ୩.୨୩ ଗ୍ରାମୀଣ ପରିବାର ନିକଟରେ ନଳ ପାଣି କନେକ୍ସନ ଥିଲା, କିନ୍ତୁ ବର୍ତ୍ତମାନ ସମୟରେ ଏଥିରେ ୫ଗୁଣା ବୃଦ୍ଧି ହୋଇଛି। ରିପୋର୍ଟରେ କୁହାଯାଇଛି, ୧୦ ଅକ୍ଟୋବର ୨୦୧୪ ପର୍ଯ୍ୟନ୍ତ ଜେଜେଏମ୍ ଅନୁସାରେ. ୧୧.୯୬ ଅତିରିକ୍ତ ଘରକୁ ନଳର ନକ୍ସେନ ପ୍ରଦାନ କରାଯାଇଥିଲା। ଏହା ସହ ଏବେ ବର୍ତ୍ତମାନ ସମୟରେ ୧୫.୨୦ କୋଟି ଗ୍ରାମୀଣ ପରିବାର ନଳର କନେକ୍ସନର ଲାଭ ଉଠାଉଛନ୍ତି।
ଗତ ୫ ବର୍ଷରେ ଏହି ମିସନ୍ର ଖୁବ୍ ଲାଭ ହୋଇଛି। ଏହାର ଉଦେଶ୍ୟ ୨୦୨୪ ପର୍ଯ୍ୟନ୍ତ ୧୯.୩୪ କୋଟି ପରିବାରକୁ ନଳର କନେକ୍ସନ ମିଳିବ। ଉଲ୍ଲେଖନୀୟ ଯେ, ଗ୍ରାମୀଣ ଅଞ୍ଚଳର ଲୋକଙ୍କ ପର୍ଯ୍ୟନ୍ତ ପିଇବା ଯୋଗ୍ୟ ପାଣି ପହଁଞ୍ଚିବା କାରଣରୁ ଜୀବନର ଗୁଣବତ୍ତାରେ ଖୁବ୍ ସୁଧାର ହୋଇଛି। ଫଳରେ ସ୍ବାସ୍ଥ୍ୟ ପରିଣାମରେ ସୁଧାର ହୋଇଛି ଓ ସ୍ବସ୍ଥ ପାଣି କାରଣରୁ ଜଳରୁ ହେଉଥିବା ବିପଦ କମ୍ ହୋଇଯାଉଛି।
