ପ୍ରମୂଖ ଖବର
  • ପୁରୀ : ଦୀଘା ମନ୍ଦିର ପ୍ରତିଷ୍ଠାର ମୁଖ୍ୟ କାରଣ ଅର୍ଥ ପ୍ରଲୋଭନ: ଜଗତଗୁରୁ ଶଙ୍କରାଚାର୍ଯ୍ୟ
  • ||
  • Operation Sindoor: ଅର୍ଦ୍ଧ ସାମରିକ ବାହିନୀର ଛୁଟି ରଦ୍ଦ, ଆଲର୍ଟରେ ଗୃହ ମନ୍ତ୍ରାଳୟ
  • ||
  • ଭୁବନେଶ୍ୱର : ଯୁଦ୍ଧ ଛାନିଆରେ ପରିବା ଦୋକାନରେ ଖଚାଖଚ୍ ଭିଡ଼, ଅତ୍ୟାବଶ୍ୟକ ସାମଗ୍ରୀ କିଣି ନେଉଛନ୍ତି ଲୋକେ
  • ||
  • Operation Sindoor: ପାକିସ୍ତାନ ଛାତିରେ ଏୟାରଷ୍ଟ୍ରାଇକ୍, ଦେଖନ୍ତୁ ୯ ଆତଙ୍କୀ ଆଡ୍ଡାର ଲିଷ୍ଟ
  • ||
  • Operation Sindoor: ଭାରତୀୟ ସେନାର ତିନି ମୁଖ୍ୟଙ୍କ ସହ କଥା ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଆଜି ଦିନ ୧୦ଟାରେ ହେବ ପ୍ରେସ କନଫରେନ୍ସ
  • ||
  • ଆଇସିଏଆର୍‌ରେ ପିଜି ଏବଂ ପିଏଚ୍‌ଡି ନାମଲେଖା ପ୍ରକ୍ରିୟା ଆରମ୍ଭ, ଜୁନ୍‌ ୫ ଯାଏ ଆବେଦନ
  • ||
  • ସମ୍ଭାବ୍ୟ ଯୁଦ୍ଧ ପରିସ୍ଥିତିର ମୁକାବିଲା ପାଇଁ BMC ପକ୍ଷରୁ ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌, ତଦାରଖ କଲେ ଖୋର୍ଦ୍ଧା ଜିଲ୍ଲାପାଳ
  • ||
  • ବୌଦ୍ଧ : ନଦୀକୁ ଶୌଚ ହେବାକୁ ଯାଇ ନିଖୋଜ ହୋଇଥିଲେ ଯୁବକ, ଉଦ୍ଧାର ହେଲା ମୃତଦେହ
  • ||

ପିଲାଙ୍କୁ ସଞ୍ଚୟ ଶିଖାନ୍ତୁ

Published By : Prameya | May 8, 2025 1:00 PM

ଭୁବନେଶ୍ଵର : ଆଜିର ମହଙ୍ଗା ଦୁନିଆରେ ପିଲାଙ୍କୁ ପାଠ ପଢାଇ ମଣିଷ କରିବା ଅଭିଭାବକଙ୍କ ପାଇଁ ଚ୍ୟାଲେଞ୍ଜ ହୋଇପଡିଛି । ତେଣୁ ଏହି ପରିସ୍ଥିତିରେ ପିଲାଙ୍କୁ ଟଙ୍କାର ପ୍ରକୃତ ମୂଲ୍ୟ ବୁଝାଇବା ଖୁବ୍‌ ଜରୁରି । ପିଲାଟିଏ ଟଙ୍କାର ପ୍ରକୃତ ମୂଲ୍ୟ ବୁଝିବା ଦ୍ୱାରା ହିଁ ତା’ ଖର୍ଚ୍ଚରେ ପରିବର୍ତ୍ତନ ଆସିଥାଏ । ତେଣୁ ଛୋଟ ବେଳୁ ହିଁ ପିଲାକୁ ଅର୍ଥର ମୂଲ୍ୟ ବୁଝାଇବାକୁ ପ୍ରୟାସ କରନ୍ତୁ । ଫଳରେ ସେ ବିଭିନ୍ନ ଜିନିଷ ପାଇଁ ଭିନ୍ନ ଭିନ୍ନ ସ୍ଥାନରେ ଜିଦି କରିବ ନାହିଁ । 

ଅର୍ଥର ମୂଲ୍ୟ ବୁଝାନ୍ତୁ : ମହଙ୍ଗା ଦୁନିଆରେ ପିଲାକୁ ଅର୍ଥର ବାସ୍ତବ ମୂଲ୍ୟ ବୁଝାଇବା ଖୁବ୍‌ ଜରୁରି । ମା’ ପିଲାଙ୍କୁ ଏକଥା ବୁଝାଇବା ଦରକାର ଯେ ସାରା ଦିନ ପରିଶ୍ରମ କରି ଅଭିଭାବକ କେତେ ଟଙ୍କା ରୋଜଗାର କରୁଛନ୍ତି । ତେଣୁ କୌଣସି ଜିଦି କରିବା ପୂର୍ବରୁ ସେ ନିଜ ବାପାମା’ଙ୍କ ପରିଶ୍ରମକୁ ବୁଝିବା ଆବଶ୍ୟକ ବୋଲି ପିଲାକୁ ଜଣାନ୍ତୁ । ଅଯଥା ଖର୍ଚ୍ଚ କଲେ କିପରି ଋଣ ଭାରରେ ବୁଡ଼ି ରହିବାକୁ ପତେ, ତାକୁ ବୁଝାନ୍ତୁ । 

ସବୁ ଦାବି ପୂରଣ କରନ୍ତୁନି: ଯଦି ଆପଣ ପିଲାର ସମସ୍ତ ଦାବି ପୂରଣ କରିବାରେ ଅଭ୍ୟସ୍ତ, ତେବେ ଏପରି ଅଭ୍ୟାସଠାରୁ ଦୂରେଇବାକୁ ପ୍ରୟାସ କରନ୍ତୁ । କାରଣ ଆପଣଙ୍କର ଏଭଳି ଅଭ୍ୟାସ ପିଲାକୁ ବିଗାଡି ଦେଇପାରେ । ଏପରିକି ପିଲା ଜିଦିଆ ହେବାର ଆଶଙ୍କା ଉପୁଜିପାରେ । ଫଳରେ ତା’ ଭିତରେ ଅପରାଧିକ ମନୋବୃତ୍ତି ବିକଶିତ ହୋଇପାରେ । ପିଲାକୁ ଛୋଟ ବେଳୁ ହିଁ ଆବଶ୍ୟକତା ଓ ଦେଖାଇ ହେବା ମଧ୍ୟରେ ଫରକ୍‌ ଶିଖାନ୍ତୁ । 

ପିଲାର ସଞ୍ଚୟ ଖାତା ଖୋଲନ୍ତୁ: ପିଲାକୁ ଛୋଟ ବେଳୁ ହିଁ ସଞ୍ଚୟ ଅଭ୍ୟାସ ସହ ଏହାର ଫାଇଦା ଜଣାନ୍ତୁ । ସେ କେମିତି ପ୍ରତି ମାସରେ କିଛି ନା କିଛି ନିବେଶ କରିପାରିବ, ତାକୁ ଶିଖାନ୍ତୁ । ପିଲାର ଏକ ସଞ୍ଚୟ ଖାତା ଖୋଲିବା ସହ ପ୍ରତି ମାସରେ ପିଲାର ସଞ୍ଚିତ ଅର୍ଥକୁ ସେଠାରେ ନିବେଶ କରନ୍ତୁ । ଚେଷ୍ଟା କରନ୍ତୁ ପିଲାର ସଞ୍ଚୟ ଅର୍ଥ ସେ ବ୍ୟାଙ୍କରେ ନିଜେ ନିବେଶ କରୁ । ଏଥିପାଇଁ ତାକୁ ବ୍ୟାଙ୍କ ନିଅନ୍ତୁ । ତାକୁ ଖୁସି ଲାଗିବ । ଏହି ଛୋଟ ଛୋଟ ସଞ୍ଚୟ ହୁଏତ କାଲି ହୁଏତ ବଡ଼ ଆବଶ୍ୟକତାକୁ ପୂରଣ କରିଦେଇପାରେ । 

ପକେଟ୍‌ ମନି ନିଜେ ରୋଜଗାର କରିବା ଶିଖାନ୍ତୁ: ପ୍ରତି ମାସରେ ପିଲାକୁ ଦିଆଯାଉଥିବା ପକେଟ୍‌ ମନି ବ୍ୟତୀତ ସେ ନିଜେ କିପରି ପକେଟ୍‌ ମନି ରୋଜଗାର କରିପାରିବ ଶିଖାନ୍ତୁ । ଏଥିପାଇଁ ଆପଣ ପ୍ରୋତ୍ସାହିତ କରିବା ଜରୁରି । ଘରର କିଛି କାମରେ ପିଲାକୁ ନିୟୋଜିତ କରି ତାକୁ ପୁରସ୍କାର ଆକାରରେ କିଛି ଟଙ୍କା ଦିଅନ୍ତୁ । କାମ ଅନୁସାରେ ଟଙ୍କା ଦେବାକୁ ଚେଷ୍ଟା କରନ୍ତୁ । ଏହାଦ୍ୱାରା ପିଲା ରୋଜଗାରର କଷ୍ଟ ସହ କାମ କରିବା ଉଭୟ ଦିଗକୁ ଭଲ ଭାବେ ଶିଖିପାରିବ । ଆଉ ଏହି ଅର୍ଥକୁ ସେ ନିଜ ପାଇଁ ସଞ୍ଚୟ କରିବା ଦ୍ୱାରା ନିଜକୁ ସମୃଦ୍ଧ ମଧ୍ୟ କରିପାରିବ । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.