ନୂଆଦିଲ୍ଲୀ,୧।୧୦: ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ସୁପ୍ରିମକୋର୍ଟଙ୍କ କଡା ପ୍ରତିକ୍ରିୟା। ସୁପ୍ରିମକୋର୍ଟଙ୍କ କହିବା ଅନୁସାରେ, ଜନତାଙ୍କ ସୁରକ୍ଷା ସର୍ବପ୍ରଥମ। ସଡକ ଉପରେ କୌଣସି ଧାର୍ମିକ ଢାଞ୍ଚାକୁ ହଟାଯିବା ଜରୁରୀ। କୋର୍ଟ ମଙ୍ଗଳବାର ଅପରାଧିଙ୍କ ବିରୋଧରେ ବୁଲଡୋଜର ଆକ୍ସନ ବିରୋଧରେ ଶୁଣାଣି ଶୁଣାଣି କରୁଥିଲେ। ଜଷ୍ଟିସ୍ ବିଆର ଗଭଇ ଓ ଜଷ୍ଟିସ୍ କେଭି ବିଶ୍ବନାଥନ୍ ଶୁଣାଣି କରିଛନ୍ତି।
କୋର୍ଟ କହିଛନ୍ତି, ଲୋକଙ୍କ ସୁରକ୍ଷା ସବୁଠାରୁ ଉପରେ ରହିଛି। ସେ କହିଛନ୍ତି, ମନ୍ଦିର, ଦରଘା,ସଡକ, ଜଳମାର୍ଗ କିମ୍ବା ରେଳଓ୍ବେ ଟ୍ରାକ୍କୁ ଅବରୋଧ କରୁଥିବା କୌଣସି ଧାର୍ମିକ ଢାଞ୍ଚାକୁ ହଟାଇବା ଜରୁରୀ। ଏହା ସହ କୋର୍ଟ ଏହି କଥା ଉପରେ ଜୋର ଦେଇଛନ୍ତି ଯେ, ଭାରତ ସେକୁଲାର ଦେଶ ଓ ବୁଲଡୋଜର ଆକ୍ସନକୁ ନେଇ ନିର୍ଦେଶ ସବୁ ନାଗରିକଙ୍କ ପାଇଁ ସମାନ ରହିବ, ସେ ଯେ କୌଣସି ଧର୍ମ ହୋଇଥାନ୍ତୁ।
ଖଣ୍ଡପୀଠ କହିଛନ୍ତି, ଆମ ଦେଶ ହେଉଛି ଧର୍ମନିରପେକ୍ଷ ରାଷ୍ଟ୍ର। ଆମର ସବୁ ନିର୍ଦେଶ ସମସ୍ତଙ୍କ ପାଇଁ ରହିବ। ତାହା କୌଣସି ଧର୍ମ କିମ୍ବା ସମ୍ପ୍ରଦାୟର ମନ୍ଦିର, ଦରଘା ଓ ଗୁରୁଦ୍ବାର ହେଉ ଯଦି ସର୍ବସାଧାରଣ ରାସ୍ତାରେ ଆସେ ତେବେ ଏହାକୁ ନିଶ୍ଚିତ ପକ୍ଷେ ହଟାଯିବ। ଜଷ୍ଟିସ୍ ଗଭଇ କହିଛନ୍ତି, ବେଆଇନ ନିର୍ମାଣ ପାଇଁ ଏକ ଆଇନ ତିଆରି ହେବା ଦରକାର। ଏହା କୌଣସି ଧର୍ମ ଉପରେ ନିଭର କରିବା ଉଚିତ୍ ନୁହେଁ।’
