ନୂଆଦିଲ୍ଲୀ : ଇରାନ ଯୁଦ୍ଧ ଯୋଗୁଁ ଭାରତ ସମେତ ଅନେକ ଦେଶରେ ତୈଳ ଓ ଗ୍ୟାସର ସଙ୍କଟ ସୃଷ୍ଟି ହୋଇଛି। ବର୍ତ୍ତମାନ ଭାରତରେ ପେଟ୍ରୋଲ ଓ ଡିଜେଲର ପର୍ଯ୍ୟାପ୍ତ ପରିମାଣରେ ରିଜର୍ଭ ରହିଛି, କିନ୍ତୁ ଏଲପିଜିର ଯୋଗାଣରେ ଏହାର ତୁରନ୍ତ ପ୍ରଭାବ ଦେଖିବାକୁ ମିଳିଛି। ଦେଶର ଅନେକ ସହରରେ ରେଷ୍ଟୁରାଣ୍ଟରେ ଗ୍ୟାସ୍ ଚୁଲା ବନ୍ଦ ହେବାର ସ୍ଥିତିରେ। ଏହା ବ୍ୟତୀତ ସଂସଦରେ ମଧ୍ୟ ଏହି ପ୍ରସଙ୍ଗରେ ହଙ୍ଗାମା ସୃଷ୍ଟି ହୋଇଛି। ଯଦି ଷ୍ଟ୍ରେଟ୍ ଅଫ୍ ହୋର୍ମୁଜରେ ଏହିପରି ବନ୍ଦ ସ୍ଥିତି ଲାଗି ରହେ ତ ଆଗାମୀ କିଛି ଦିନରେ ସମସ୍ୟା ଆହୁରି ବଢିପାରେ।
ଏହି ସ୍ଥିତିରେ ପ୍ରଶ୍ନ ଏହା ଯେ, ଶେଷରେ ଏହି ସଙ୍କଟରୁ ମୁକ୍ତି କେବେସୁଦ୍ଧା ମିଳିବ। ଉକ୍ତ ସମ୍ୱନ୍ଧରେ ଭୂ-ରାଜନୀତିକ ମାମଲାରେ ଅବଗତ ଥିବା ହିମାଚଳ ପ୍ରଦେଶ କେନ୍ଦ୍ରୀୟ ବିଶ୍ୱବିଦ୍ୟାଳୟର ଆସିଷ୍ଟାଣ୍ଟ ପ୍ରଫେସର ଡାକ୍ତର ବିମଳ କଶ୍ୟପ କହି ଥିଲେ , ଷ୍ଟ୍ରେଟ୍ ଅଫ୍ ହୋର୍ମୁଜ ଦ୍ୱାରା ଦେଶର ଆବଶ୍ୟକତାର ଗ୍ୟାସ ଓ ତୈଳର ବଡ଼ ଭାଗ ଆସି ଥାଏ। ଏଥିପାଇଁ ଇରାନରେ ଯଦି ଯୁଦ୍ଧ ଚାଲେ ,ଏହି ରୁଟ୍ ପ୍ରଭାବିତ ହୁଏ ତ ଭାରତ ଉପରେ ଏହାର ସିଧାସଳଖ ପ୍ରଭାବ ପଡ଼ିବ। କିନ୍ତୁ ଏହି ସଙ୍କଟରେ କିଛି ବିକଳ୍ପର କଥା ମଧ୍ୟ ସେ କହିଛନ୍ତି। ସେ କହିଛନ୍ତି ପ୍ରଥମ ବିକଳ୍ପ ଏହା ଯେ, ଆମେରିକା ଭାରତକୁ ଏକ ମାସ ପାଇଁ ସମୟ ଦିଆ ଯାଇଛି। ଏହି ସମୟରେ ଆମେ ରୁଷୀୟ ତୈଳର କ୍ରୟ କରି ପାରିବା। ଆମକୁ ପ୍ରୟାସ କରିବା ଦରକାର ଯେ, ଏହି ଅବଧିରେ ନିଜର ଅଏଲ ରିଜର୍ଭକୁ ବଢାଇ ନେବା। ଆମ ପାଖରେ କିଛି ବିକଳ୍ପ ଉତ୍ସ ମଧ୍ୟ ଅଛି, ଯେମିତି ବ୍ରୁନେଇ। ଏଠାରେ ବହୁତ ଅଧିକ ଉତ୍ପାଦନ ହୋଇ ନଥାଏ, କିନ୍ତୁ ୧୯୯୦ ଦଶନ୍ଧି ଯାଏ ଆମେ ଏଠାରୁ କ୍ରୟ କରିଛୁ।
ଆହୁରି ମଧ୍ୟ ପଢନ୍ତୁ : ପଶ୍ଚିମ ଏସିଆରୁ ଫେରିବେ ଭାରତୀୟ: ଏୟାର ଇଣ୍ଡିଆର ବଡ଼ ଘୋଷଣା, ଉଡ଼ିବ ୫୮ଟି ସ୍ୱତନ୍ତ୍ର ବିମାନ
ବର୍ତ୍ତମାନ ବ୍ରୁନେଇରୁ ତୈଳ ଓ ଗ୍ୟାସର କ୍ରୟ କରୁଥିବା ଦେଶରେ ଜାପାନ ଓ ଚୀନ ପ୍ରମୁଖ। ଭାରତ ମଧ୍ୟ ଗତ କିଛି ବର୍ଷରେ ଏହି ସମ୍ୱନ୍ଧରେ ପ୍ରୟାସ ଦ୍ରୁତ କରିଛି। ପ୍ରଥମ ଥର ଭାରତୀୟ ପିଏମ୍ ଭାବେ ନରେନ୍ଦ୍ର ମୋଦି ବ୍ରୁନେଇ ଗସ୍ତ ମଧ୍ୟ କରିଥିଲେ। ଏଠାରୁ ତୈଳ ଓ ଗ୍ୟାସ୍ର କ୍ରୟ ଯଦି ଭାରତ ବୃଦ୍ଧି କରାଏ ତ ଏହାର ସପ୍ଲାଇ ଷ୍ଟ୍ରେଟ୍ ଅଫ୍ ମଲକ୍କା ଦ୍ୱାରା ହେବ ଏବଂ ଏଠାରେ ଯୁଦ୍ଧ ଜାରି ରହିବାର ସ୍ଥିତିରେ ମଧ୍ୟ ପ୍ରତିବନ୍ଧକ ହେବ ନାହିଁ। ଏହ ପରି ଏଠାରୁ ହେବାକୁ ଥିବା ତୈଳ କ୍ରୟ ଭାରତକୁ ତତ୍କାଳ ଭାବେ କିଛି ଆଶ୍ୱସ୍ତି ଦେଇ ପାରେ। ଏହି ସ୍ଥିତିରେ ସେ ଯଦି କିଛି ବିଶେଷ ଦେଶ ଉପରେ ନିଜର ଆବଶ୍ୟକତା ପାଇଁ ନିର୍ଭରଶୀଳ ରହେ ତ ଚିନ୍ତା ସର୍ବଦା ଲାଗି ରହିବ। ଏଥିପାଇଁ ନିଜର ଆବଶ୍ୟକ ମୁତାବିକ ଯୋଗାଣର ଅଲଗା ଅଲଗା ବିକଳ୍ପ ରଖିବା ଜରୁରି।
