ମୁମ୍ବାଇ, ୨୮/୧ :  କୃତି ସେନନଙ୍କ ଅପ୍ କମିଂ ମୁଭିର ରିଲିଜ୍ ଡେଟ୍ ଘୋଷଣା । ନିଆରା ଅନ୍ଦାଜରେ ନଜର ଆସିଲେ କୃତି ସେନନ । ସବୁବେଳେ ଭିନ୍ନ ଲୁକ୍ ପାଇଁ ସେ ଇଣ୍ଡଷ୍ଟ୍ରିରେ ଜଣାଯାଇଥାନ୍ତି । ଆଜିର ଏହି ଲୁକ୍ ଦେଖି ତାଙ୍କର ଫ୍ୟାନ୍ସମାନଙ୍କ ଉତ୍ସାହ ବଢିଯାଇଛି । 

୨୦୧୩ରେ ରିଲିଜ ହୋଇଥିବା ଫିଲ୍ମ ‘ରାଞ୍ଝଣା’ ପରେ ପାଓ୍ବାର ହାଉସ ତିକଡ଼ୀ ଆନନ୍ଦ ଏଲ ରୟ, ଧନୁଷ ଏବଂ ଏ.ଆର.ରହମାନ ଏକ ତରଫା ପ୍ରେମ ଏବଂ ଇମୋଶନାଲ ଲଭ୍ ଷ୍ଟୋରୀ ନେଇ ଆସୁଛନ୍ତି । ପ୍ରଥମେ ମେକର୍ସ ଫିଲ୍ମ ‘ତେରେ ଇସ୍କ ମେ’ରେ ଧନୁଷ ଷ୍ଟାରର ଏକ ଟିଜର ରିଭିଲ କରିଥିଲେ । ସେହିଭଳି ଏବେ ପୁଣି ଏକ ଟିଜର ସହ ଫିଲ୍ମର ଲିଡ୍ ରୋଲରେ ଥିବା ଅଭିନେତ୍ରୀ ଏବଂ ରିଲିଜ ଡେଟ୍ ଉପରୁ ପରଦା ଉଠାଇଛନ୍ତି ।

‘ତେରେ ଇସ୍କ ମେ’ର ଲାଟେଷ୍ଟ ଟିଜରରେ କୃତି ସେନନଙ୍କ ଆଖିରେ ଲୁହ, ହାତରେ କିରୋସିନୀ ତେଲର ଡବା ନେଇ ରାସ୍ତାରେ ଚାଲୁଥିବା ଦେଖାଯାଉଛନ୍ତି । ଏହାପରେ ସେ କିରୋସୀନ ନିଜ ଉପରେ ଢାଳୁଛନ୍ତି । ତାଙ୍କ ପଛରେ କିଛି ଜଣ ଦୌଡ଼ାଦୌଡ଼ି ହେଉଥିବା ଦେଖାଯାଉଛନ୍ତି । ଯାହା ପରେ ସେ ମୁହଁରେ ସିଗାରେଟ ଲଗାଉଛନ୍ତି, ଇମୋଶନାଲ ହୋଇ ଗୋଟିଏ ଜାଗାରେ ବସୁଛନ୍ତି । 

ଏହା ପୂର୍ବରୁ ମେକର୍ସ ଧନୁଷ ଷ୍ଟାରର ଟିଜର ରିଲିଜ କରିଥିଲେ । ଏହି ଫିଲ୍ମକୁ ଆନନ୍ଦ ଏଲ୍ ରାୟ ନିର୍ଦ୍ଦେଶନା କରିଛନ୍ତି ଏବଂ ହିମାଂଶୁ ଶର୍ମା ଲେଖିଛନ୍ତି । ଏହାକୁ ଏ.ଆର. ରହମାନ ମ୍ୟୁଜିକ ଦେଇଛନ୍ତି । ଏହାର ସଂଗୀତ ଇରଶଦ କାମିଲ ଦେଇଛନ୍ତି । ଧନୁଷ ଏବଂ କୃତି ସେନନଙ୍କ ଏହି ଫିଲ୍ମ ୨୮ନଭେମ୍ବର ୨୦୨୫‌ରେ ଓ୍ବାର୍ଲ୍ଡ ଓ୍ବାଇଡ ହିନ୍ଦୀ ଏବଂ ତାମିଲରେ ରିଲିଜ ହେବାକୁ ଅଛି । tere-ishk-mein-teaser-out-kriti-sanon