ନୂଆଦିଲ୍ଲୀ – ଡିଜିଟାଲିକରଣର ଏହି ଦୁନିଆରେ ସ୍କାମ୍, ଫ୍ରଡ୍ ନିଜର ଏକ ସ୍ୱତନ୍ତ୍ର ସ୍ଥାନ ନେଇ ସାରିଛି। ଏଆଇ ଆସିବା ପର ଠାରୁ ଏହି ଠକମାନେ ଆହୁରି ଆକ୍ଟିଭ୍ ହୋଇ ଯାଇଛନ୍ତି। ଏହା ବ୍ୟତୀତ ମଧ୍ୟ ଅନେକ ଠକ ଛଦ୍ମବେଶ ହୋଇ ଲୋକଙ୍କୁ ବୋକା ବନାନ୍ତି। ତାଜା ମାମଲା ହରିଦ୍ୱାରର। ଏଠାରେ ଜଣେ ବ୍ୟକ୍ତି ନିଜକୁ ଆଇସିସିର ଅଧ୍ୟକ୍ଷ ଜୟ ଶାହଙ୍କ ସଚିବ କହି ଠକେଇ କରିଛି। ହରିଦ୍ୱାର ପୁଲିସ ଜଣେ ୩୫ ବର୍ଷିୟ ବ୍ୟକ୍ତିଙ୍କୁ ଏହି ମାମଲାରେ ଗିରଫ କରିଛି। ପୁଲିସ ତାକୁ ଏକ ହୋଟେଲରୁ ଗିରଫ କରିଛି।
ହରିଦ୍ୱାରର ବରିଷ୍ଠ ପୁଲିସ ଅଧିକାରୀ ପ୍ରମେନ୍ଦ୍ର ଡୋଭାଲ କହିଛନ୍ତି ଯେ, ଅଭିଯୁକ୍ତ ଅମରିନ୍ଦର ସିଂହ (୩୫) ନିବାସୀ ନଜୁଶାହ, ଫିରୋଜପୁର , ପଞ୍ଜାବର ହରିଦ୍ୱାରର ଏଆରଟିଓ ସ୍କ୍ୱୋୟାର ପାଖରୁ ,ଏକ ହୋଟେଲରୁ ଗିରଫ କରାଯାଇଛି। ସେ କହିଛନ୍ତି- ସୋମବାର ହୋଟେଲର ରିସେପ୍ସନିଷ୍ଟ ବିଶାଳ ପୋଖରିଆଲ ଅଭିଯୋଗ ରୁଜୁ କରିଥିଲେ ଯେ, ଜଣେ ବ୍ୟକ୍ତି ନିଜକୁ ଆଇସିସି ଅଧ୍ୟକ୍ଷ ଜୟ ଶାହଙ୍କ ସଚିବ କହି ଲୋକଙ୍କୁ ପ୍ରଭାବିତ କରିବାକୁ ଚେଷ୍ଟା କରୁଛି। ହୋଟେଲରେ ଥିବା ସୁବିଧାର ଭୁଲ୍ ଫାଇଦା ଉଠାଉଛି ଏବଂ ଏମିତି ବୈଠକ କରୁଛି , ଯାହା କି ସଦିଗ୍ଧ ଲାଗୁ ଥିଲା।
ସେ କହିଛନ୍ତି କି, ଏହି ଅଭିଯୋଗ ଆଧାରରେ ପୁଲିସ ଟିମ୍ ଉଡମାନ ଆର୍କିଡ୍ ହୋଟେଲରେ ଚଢଉ କରି ଥିଲା ଏବଂ ସଦିଗ୍ଧକୁ ପଚରାପଚରି କରିଥିଲା। ଅଭିଯୁକ୍ତର ପାଖରୁ ଏକ ଫେକ୍ ପରିଚୟ ପତ୍ର ମଧ୍ୟ ଜବତ କରାଯାଇଛି। ପୁଲିସ ଅଧିକାରୀ ପ୍ରମେନ୍ଦ୍ର ଡୋଭାଲ କହିଛନ୍ତି କି ସହର କୋତବାଲିରେ ଅଭିଯୁକ୍ତ ବିରୋଧରେ ଭାରତୀୟ ନ୍ୟାୟ ସଂହିତାର ଧାରା ୩୧୯ (୨) –ଛଦ୍ମନାମ , ୩୩୬(୨) –ଜାଲିଆତି , ୩୩୮-ମୂଲ୍ୟବାନ ଡକ୍ୟୁମେଣ୍ଟର ଜାଲିଆତି ଓ ୩୪୦(୨)-ଜାଲ୍ କାଗଜପତ୍ରର ବ୍ୟବହାର କରିବାର ଆଧାରରେ ମାମଲା ରୁଜୁ କରାଯାଇଛି। ସେ କହିଛନ୍ତି ଯେ, ମାମଲାର ଯାଞ୍ଚ ଆରମ୍ଭ କରିଦିଆ ଯାଇଛି ଏବଂ ପୁଲିସ ଏହା ପଛରେ ଥିବା ଅପରାଧିକ ହିଷ୍ଟ୍ରିକୁ ଜାଣିବାକୁ ଚେଷ୍ଟା କରୁଛି।
