ନିଶ୍ଚିନ୍ତକୋଇଲି, ୧୨/୬ : କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଅସୁରେଶ୍ୱର ସୁଭଦ୍ରା ମହତାବ ମହାବିଦ୍ୟାଳୟ ପରିସରରେ ଗୃହ ନିର୍ମାଣ ପାଇଁ ବଳି ପଡ଼ିଲା ଗଛ। ଛୁଟି ଦିନରେ ଠିକାଦାର କଲେଜ ପରିସରରୁ ତିନୋଟି ଶାଗୁଆନ ଗଛ କାଟି ଦେଇଥିବା ଅଭିଯୋଗ ହୋଇଛି। ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଏକ କାଠ କଟା କରତ, ତିନୋଟି ଟାଙ୍ଗିଆ ସହ ଶାଗୁଆନ କାଠ ଜବତ କରିଛନ୍ତି।
ସୂଚନାନୁଯାୟୀ, ଅସୁରେଶ୍ୱର ସୁଭଦ୍ରା ମହତାବ ମହାବିଦ୍ୟାଳୟର ଗୃହ ନିର୍ମାଣ ନିମନ୍ତେ ସରକାର ଅର୍ଥ ମଞ୍ଜୁର କରିଥିଲେ। ଠିକାଦାର ବିନା ଅନୁମତିରେ କଲେଜ ପରିସରରେ ଥିବା ତିନୋଟି ଶାଗୁଆନ୍ ଗଛ କାଟି ଦେଇଥିବା ଅଭିଯୋଗ ହୋଇଥିଲା। ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି କଟା ଯାଇଥିବା ଶାଗୁଆନ କାଠ ସମେତ ଏକ ଯାନ୍ତ୍ରିକ କରତ ଏବଂ ତିନୋଟି ଟାଙ୍ଗିଆ ଜବତ କରିଛନ୍ତି। ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବନ ବିଭାଗ ୩ ଜଣଙ୍କୁ ଅଟକ ରଖି ଘଟଣାର ତଦନ୍ତ କରୁଛି।
