କଟକ,୨୨/୬ : ରେଜଙ୍ଗ'ଲା ଯୁଦ୍ଧର ବୀର ଗାଥା ଓ ଶହିଦମାନଙ୍କ ରଥ କଳସ ଯାତ୍ରା କଟକରେ ପହଂଚିଛି । ଏହି ପରିପ୍ରେକ୍ଷୀରେ କଟକ ଜିଲ୍ଲା ଓ ମହାନଗର ଯାଦବ ମହାସଭା ଆନୁକୁଲ୍ୟରେ ଏକ ବିଶାଳ ମୋଟର ସାଇକଲ ଶୋଭାଯାତ୍ରା ମାଧ୍ୟମରେ କର୍ମକୁ ପରିଭ୍ରମଣ କରାଯିବ। ପୋତାପୋଖରୀ ରାଧାମୋହନଜିୟୁସ୍ଥିତ କଟକ ଜିଲ୍ଲା ଯାଦବ ମହାସଭା କାର୍ଯ୍ୟାଳୟରୁ ଆରମ୍ଭ ହୋଇ ଖାନନଗର, ରାଜାବଗିଚା, ଦୋଳମୁଣ୍ଡାଇ, ରାଣୀହାଟ, ମଙ୍ଗଳାବାଗ, ନୂଆପାଟଣା, ବକ୍ସିବଜାର, ଚଣ୍ଡୀଛକ, ଶେଖବଜାର, ଚାନ୍ଦିନୀଚୌକ, ଡଗରପଡା, ବିଡାନାସୀ, ଚହଟା ଦେଇ ବାରବାଟୀ ଷ୍ଟାଡିୟମସ୍ଥିତ ହର୍ଷଗେଟଠାରେ ପହଂଚିଥିଲା।
ଏହି ଅବସରରେ ପବିତ୍ର କଳସମାଟିକୁ ବିଭିନ୍ନ ଛକ ବଜାରରେ ପୂଜାର୍ଚ୍ଚନା କରାଯିବା ସହ ଜୟ ଯାଦବ, ଜୟ ମାଧବ ସ୍ବରରେ ପ୍ରକମ୍ପିତ ହୋଇଥିଲା କଟକ ସହର। ଏହି ଶୋଭାଯାତ୍ରାରେ ବିଧାୟକ ଲକ୍ଷ୍ମଣ ବାଗ୍, ଉତ୍କଳ ଯାଦବ ମହାସଭାର ସଭାପତି ଆଶୀର୍ବାଦ ବେହେରା, କାର୍ଯ୍ୟକାରୀ ସଭାପତି ସୁବାଷ ବେହେରା, ସର୍ବ ଭାରତୀୟ ଯାଦବ ମହାସଭାର ଇଂ.ପ୍ରଦୀପ ବେହେରାଙ୍କ ସମେତ ୨ ହଜାରରୁ ଅଧିକ ଯାଦବ କାର୍ଯ୍ୟକର୍ତ୍ତା ଯୋଗଦେଇଥିଲେ।
