ଭୁବନେଶ୍ବର,୪/୪ : ପ୍ରେମିକା ଆଗରେ ଝୁଲି ପଡିଲା ପ୍ରେମିକ । ରାଜଧାନୀରେ ଅଭାବନୀୟ ଘଟଣା । ପ୍ରେମିକାର ଭଡ଼ା ଘରେ ଝୁଲି ପଡ଼ିଲା ପ୍ରେମିକ । ମୃତକ ହେଲେ କେନ୍ଦ୍ରାପଡ଼ାର ପ୍ରଭୁ ମହିମା ବେହେରା । ଗତକାଲି ରାତିରେ ଗୋଠପାଟଣା ଅଂଚଳରେ ଘଟିଛି ଘଟଣା । ପ୍ରେମିକା ରହୁଥିବା ଭଡ଼ା ଘରେ ପ୍ରେମିକର ଓଢଣୀରେ ଝୁଲି ପଡ଼ିଲେ ପ୍ରଭୁ । ମୃତଦେହକୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି ଚନ୍ଦକା ଥାନା ପୋଲିସ ।
ଉଭୟଙ୍କ ମଧ୍ୟରେ ଦୀର୍ଘ ଦିନ ହେବ ପ୍ରେମ ସମ୍ପର୍କ ଥିଲା । ଗତ କିଛି ଦିନ ଉଭୟଙ୍କ ମଧ୍ୟରେ ଝଗଡ଼ା ଲାଗି ରହୁଥିଲା । ପରିବାର ଉପସ୍ଥିତରେ ଆପୋଷ ବୁଝୁବଣା ହୋଇଥିଲା । ହେଲେ ଗତକାଲି ସନ୍ଧ୍ୟାରେ ପ୍ରେମିକା ରହୁଥିବା ଭଡ଼ା ଘରକୁ ଯାଇଥିଲେ ପ୍ରଭୁ । ସେପଟେ ପରିବାର ଆଣିଛନ୍ତି ହତ୍ୟା ଅଭିଯୋଗ । ପ୍ରେମିକା ଓ ତାର ସାଙ୍ଗମାନେ ହତ୍ୟା କରିଥିବା ଅଭିଯୋଗ କରିଛନ୍ତି । ପ୍ରଭୃଙ୍କ ବେକରେ କୌଣସି ଦାଗ ନ ଥିବାରୁ ଶ୍ୱାସରୁଦ୍ଧ କରି ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ପରିବାର ପୁରା ଘଟଣାକୁ ତଦନ୍ତ କରୁଛି ।
