ଟାଙ୍ଗୀ,୧୮।୧ : ଚଳିତ ବର୍ଷ ଚିଲିକାରେ ବୃଦ୍ଧି ପାଇଛି ପକ୍ଷୀଙ୍କ ସଂଖ୍ୟା। ସମଗ୍ର ଚିଲିକାକୁ ୧୯୬ ପ୍ରଜାତିର ୧୧ ଲକ୍ଷ ୩୨ ହଜାର ୨୦୦ ଦେଶୀ-ବିଦେଶୀ ପକ୍ଷୀ ଆସିଛନ୍ତି । ଗତ ବର୍ଷ ସମଗ୍ର ଚିଲିକାକୁ ୧୯୬ ପ୍ରଜାତିର ୧୧ ଲକ୍ଷ ୨୭ ହଜାର ୨୨୮ ଦେଶୀ-ବିଦେଶୀ ପକ୍ଷୀ ଆସିଥିଲେ । ଗତବର୍ଷ ତୁଳନାରେ ଚଳିତ ବର୍ଷ ଚିଲିକାକୁ ୪ ହଜାର ୯୭୨ ପକ୍ଷୀ ଅଧିକ ଆସିଛନ୍ତି । ପ୍ରଜାତି ସଂଖ୍ୟା ସମାନ ମାତ୍ର ପକ୍ଷୀଙ୍କ ସଂଖ୍ୟା ବୃଦ୍ଧି ପାଇଛି ।
ଚଳିତ ବର୍ଷ ଚିଲିକା କୁ ୧୯୬ ପ୍ରଜାତିର ୧୧ ଲକ୍ଷ ୩୨ ହଜାର ୨୦୦ ଆସିଛନ୍ତି । ସେଥିମଧ୍ୟରୁ ୧୦୬ ଟି ବିଦେଶାଗତ ପ୍ରଜାତିର ପକ୍ଷୀ ହୋଇଥିବା ବେଳେ ସେମାନଙ୍କ ସଂଖ୍ୟା ୧୧ ଲକ୍ଷ ୧୦ ହଜାର ୨୫୭ ଟି ହୋଇଥିଲା । ସେହିପରି ୯୦ ଟି ସ୍ଥାନୀୟ ପ୍ରଜାତିର ପକ୍ଷୀ ( ଦେଶୀ ପକ୍ଷୀ ) ଥିଲେ ଏବଂ ସେମାନଙ୍କ ସଂଖ୍ୟା ୨୧ ହଜାର ୯୪୩ ଟି ପକ୍ଷୀ ଥିଲେ ବୋଲି ରେକର୍ଡରୁ ଜଣାପଡ଼ିଛି। ଗତବର୍ଷ ତୁଳନାରେ ଚଳିତ ବର୍ଷ ଚିଲିକାରେ ପକ୍ଷୀ ଙ୍କ ସଂଖ୍ୟା ବୃଦ୍ଧି ପାଇଛି କିନ୍ତୁ ପ୍ରଜାତିର ସଂଖ୍ୟା ସମାନ । ପକ୍ଷୀ ବିଶେଷଜ୍ଞ ତଥା ବମ୍ବେ ନ୍ୟାଚ୍ୟୁରାଲ୍ ହିଷ୍ଟ୍ରି ଅଫ୍ ସୋସାଇଟି ( B.N.H.S. ) ର ବରିଷ୍ଠ ଗବେଷକ ଙ୍କ ଉପସ୍ଥିତିରେ ଏହି ପକ୍ଷୀ ଗଣନା ର ଫଳାଫଳ ରିପୋର୍ଟ ଘୋଷଣା କରିଛନ୍ତି ବାଲୁଗାଁ ଚିଲିକା ବନ୍ୟପ୍ରାଣୀ ଡିଭିଜନ ।
ଚିଲିକା ପକ୍ଷୀ ଗଣନା ରିପୋର୍ଟ ....
୧- ୨୦୨୨-୨୦୨୩ ମସିହାରେ - ୧୮୪ ପ୍ରଜାତିର ୧୧ ଲକ୍ଷ ୩୧ ହଜାର ୯୨୯ ପକ୍ଷୀ
୨- ୨୦୨୩-୨୦୨୪ ମସିହାରେ - ୧୮୭ ପ୍ରଜାତିର ୧୧ ଲକ୍ଷ ୩୭ ହଜାର ୭୫୯ ପକ୍ଷୀ
୩- ୨୦୨୪-୨୦୨୫ ମସିହାରେ - ୧୯୬ ପ୍ରଜାତିର ୧୧ ଲକ୍ଷ ୨୭ ହଜାର ୨୨୮ ପକ୍ଷୀ।
୪- ୨୦୨୫-୨୦୨୬ ମସିହା ରେ -୧୯୬ ପ୍ରଜାତିର ୧୧ ଲକ୍ଷ୍ୟ ୩୨ ହଜାର ୨୦୦ ଟି ପକ୍ଷୀ।
