ନୂଆଦିଲ୍ଲୀ : ରାଜ୍ୟରେ ଚାଲୁ ଥିବା ଭୋଟର ତାଲିକାର ସ୍ପେଶାଲ ଇଣ୍ଟେନସିଭ୍ ରିଭିଜନ (ଏସଆଇଆର)ରେ କାହାକୁ ମଧ୍ୟ ପ୍ରତିବନ୍ଧକ ସୃଷ୍ଟି କରିବାକୁ ଅନୁମତି ଦିଆଯିବ ନାହିଁ। ଏହି କଥା ସୁପ୍ରିମକୋର୍ଟ ସୋମବାର କହିଛନ୍ତି। କିଛି ଅରାଜକତାବାଦୀ ଉପାଦାନ ପକ୍ଷରୁ ନିର୍ବାଚନ ଆୟୋଗର ନୋଟିସ୍ ଜଳାଇବାର ଅଭିଯୋଗରେ , ସୁପ୍ରିମକୋର୍ଟ ବଙ୍ଗଳାର ଡିଜିପିଙ୍କୁ ଆଫିଡେଭିଟ୍ ଦାଖଲ କରିବାକୁ କହିଛନ୍ତି। ଏହା ବ୍ୟତୀତ ସୁପ୍ରିମକୋର୍ଟ ନିର୍ବାଚନ କମିଶନଙ୍କ ଏହି ଯୁକ୍ତିକୁ ବିଚାର କରିଥିଲେ ଯେ, ଉପଦ୍ରବୀଙ୍କ ବିରୁଦ୍ଧରେ କୌଣସି ଏଫଆଇଆର ରୁଜୁ କରାଯାଇ ନାହିଁ। ସିଲିସିଟର ଜେନେରାଲ ତୁଷାର ମେହଟ୍ଟା ସୁପ୍ରିମକୋର୍ଟରେ ଯୁକ୍ତି ଦେଇଛନ୍ତି ଯେ, ଏହି ବାର୍ତ୍ତା ଯିବା ଉଚିତ୍ ଯେ, ଦେଶର ସମ୍ୱିଧାନ ସବୁ ରାଜ୍ୟ ଉପରେ ଲାଗୁ ହୋଇଥାଏ। ଏହି ସମୟରେ ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ, ଭୋଟର ତାଲିକା ସଂଶୋଧନ ସଂପର୍କରେ ଚୂଡ଼ାନ୍ତ ନିଷ୍ପତ୍ତି ସର୍ବଦା ଭୋଟର ତାଲିକା ଅଧିକାରୀଙ୍କ ପକ୍ଷରୁ ନିଆଯିବ।
ଆହୁରି ମଧ୍ୟ ପଢନ୍ତୁ : ଏପଷ୍ଟିନ ଫାଇଲ୍ସରେ ରୁଷୀୟ ରାଷ୍ଟ୍ରପତି, ୧୦୦୫ ଥର ଆସିଛି ପୁଟିନଙ୍କ ନାଁ ; ହୋଇଥିଲା ସାକ୍ଷାତ୍ ?
ପ୍ରକୃତ କଥା ହେଲା , ସୁପ୍ରିମକୋର୍ଟ ପଶ୍ଚିମବଙ୍ଗର ଏସଆଇଆର ସହ ଜଡ଼ିତ ଅନେକ ମାମଲା ଉପରେ ଶୁଣାଣି କରୁଛନ୍ତି। ଏଥିରେ ମମତା ବାନାର୍ଜୀଙ୍କ ଏକ ପିଟିସନ ମଧ୍ୟ ଅନ୍ତର୍ଭୁକ୍ତ ଥିଲା। ଏଥିରେ ସେ ଅନ୍ୟ ପ୍ରସଙ୍ଗ ସହ ଲଜିକାଲ ଡିସ୍କ୍ରିପେନ୍ସି ତାଲିକାରେ ଭୋଟରଙ୍କୁ ଯେଉଁପରି କାଟେଗୋରୀରେ ବଣ୍ଟା ଯାଇଛି, ଏହାକୁ ଚ୍ୟାଲେଞ୍ଜ ଦିଆଯାଇ ଥିଲା।
ନିର୍ବାଚନୀ ରୋଲ୍ର ସ୍ପେଶାଲ ଇଣ୍ଟେନସିଭ୍ ରିଭିଜନ ( ଏସଆଇଆର)କୁ ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କର ନିର୍ବାଚନ ଆୟୋଗ ସହ ଦୀର୍ଘ ମୁକାବିଲା ଗତ ସପ୍ତାହରେ ଆହୁରି ବଢି ଯାଇ ଥିଲା, ଯେବେ ସେ ନିଜେ ସୁପ୍ରିମକୋର୍ଟରେ ହାଜର ହୋଇଥିଲେ ଏବଂ ଗଣତନ୍ତ୍ରର ସୁରକ୍ଷା ପାଇଁ ଦଖଲ ଦେବାକୁ ଅପିଲ କରିଥିଲେ। ଏସଆଇଆର ପ୍ରକ୍ରିୟାର ବୈଧତା ଉପରେ ପ୍ରଶ୍ନ କରି ମୁଖ୍ୟମନ୍ତ୍ରୀ ତାଙ୍କ ଆବେଦନରେ ଭାରତୀୟ ନିର୍ବାଚନ କମିଶନ(ଇସିଆଇ) ଉପରେ ରାଜନୀତିକ ପକ୍ଷପାତିତା ରଖି କାମ କରୁଥିବା ଅଭିଯୋଗ କରିଛନ୍ତି।
ତାଙ୍କର ଅଭିଯୋଗ ଯେ, ଯେଉଁ ଭଳି ଭୋଟର ରିଭିଜନ ଏକ୍ସରସାଇଜ୍ କରାଯାଉଛି, ଏଥିରେ ସମାଜର ଅବହେଳିତ ବର୍ଗର ଲକ୍ଷ ଲକ୍ଷ ଭୋଟରଙ୍କ ନାମକୁ ହଟେଇ ଦିଆଯିବ। ସେ ନିର୍ବାଚନ ସଂସ୍ଥାକୁ ଏସଆଇଆର ଏକ୍ସରସାଇଜ୍ ବେଳେ କୌଣସି ବି ଭୋଟକଙ୍କ ନାମ ହଟେଇବାରୁ ରୋକିବା ପାଇଁ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶନାମା ମାଗିଛନ୍ତି। ବିଶେଷକରି ସେହି ଲୋକଙ୍କ ନାଁ ଯିଏ ଲଜିକାଲ ଡିସ୍କ୍ରିପେନ୍ସି କ୍ୟାଟେଗୋରୀରେ ରଖାଯାଇଛି। ଗତ ଶୁଣାଣିରେ ସୁପ୍ରିମକୋର୍ଟ ସିଏମ୍ ମମତାଙ୍କ ଆବେଦନ ଉପରେ ଇସିଆଇଙ୍କୁ ନୋଟିସ ଜାରି କରିଥିଲେ।
