ସାଧାରଣତଃ ଆମେ ଘରେ କୌଣସି ଖାଦ୍ୟ ବଳିଗଲେ ତାକୁ ଆମେ ଫ୍ରିଜରେ ରଖିଥାଉ । ପନିପରିବା ଓ ଫଳମୂଳ ଦୀର୍ଘ ଦିନ ପର୍ଯ୍ୟନ୍ତ ସତେଜ ରହିବା ଓ ନଷ୍ଟ ନ ହେବା ପାଇଁ ଫ୍ରିଜରେ ରଖୁ । କିନ୍ତୁ ଏପରି କିଛି ଖାଦ୍ୟ ଅଛି, ଯାହାକୁ ଆଦୌ ଫ୍ରିଜରେ ରଖିବା ଠିକ୍ ନୁହେଁ । ତେବେ ଆସନ୍ତୁ ଜାଣିବା ।
ଆଳୁ: ଫ୍ରିଜରେ ରଖିବା ଦ୍ବାରା ଆଳୁରେ ଥିବା ଷ୍ଟାର୍ଚ ସୁଗାରରେ ପରିଣତ ହୋଇଯାଏ । ଆଉ ସୁଗାର ଆମ ସ୍ବାସ୍ଥ୍ୟ ପାଇଁ ଖରାପ । ଏହାର ସ୍ବାଦ ଓ ଟେକ୍ସଚର ମଧ୍ୟ ପ୍ରଭାବିତ ହୁଏ । ତେଣୁ ଆଳୁକୁ ଫ୍ରିଜରେ ରଖିବା ବଦଳରେ ଏକ ଥଣ୍ଡା ଓ ଅନ୍ଧାରିଆ ସ୍ଥାନରେ ରଖନ୍ତୁ ।
ଟମାଟୋ: ଥଣ୍ଡା ତାପମାତ୍ରା ଟମାଟୋ ସ୍ବାଦ ଖରାପ କରିପାରେ ଓ ଏହାକୁ ନରମ କରିଥାଏ । ତେଣୁ ଏହାକୁ ସବୁବେଳେ ରୁମ୍ ତାପମାତ୍ରାରେ ରଖିବା ଓ ବଜାରରୁ ଆଣିବାର କିଛି ଦିନ ମଧ୍ୟରେ ବ୍ୟବହାର କରିବା ଉଚିତ୍ ।
କଦଳୀ: ଫ୍ରିଜରେ କଦଳୀ ରଖିଲେ ଏହାର ଚୋପା ବ୍ରାଉନ ହୋଇଯାଇପାରେ । ଯଦିଓ ଏହାର ଭିତର ଅଂଶ ଖାଇବା ଯୋଗ୍ୟ ରହିଥାଏ, କିନ୍ତୁ ସତେଜତା ଓ ସ୍ବାଦ କମିଯାଏ । ସବୁବେଳେ କଦଳୀକୁ ରୁମ୍ ତାପମାତ୍ରାରେ ରଖିବା ଉଚିତ୍ ।
ରସୁଣ: ପିଆଜ ଭଳି ରସୁଣ ମଧ୍ୟ ଫ୍ରିଜରେ ରଖନ୍ତୁ ନାହିଁ । ହେଲେ ଅନେକ ଲୋକ ଚୋପା ଛଡାଇ ରସୁଣ ଫ୍ରିଜରେ ରଖିଦିଅନ୍ତି । ଏମିତି କଲେ ଏହା ନରମ ହୋଇ ଅଙ୍କୁରିତ ହେବାରେ ଲାଗେ ତେଣୁ ଏହାରୁ ଫ୍ରିଜରେ ରଖିବା ଉଚିତ୍ ନୁହେଁ।
ବ୍ରେଡ: ଫ୍ରିଜରେ ବ୍ରେଡ ରଖିଲେ ଏହା ଶୀଘ୍ର ଶୁଖିଯାଏ ଓ ବାସି ହୋଇଯାଏ । ଏଥିରେ ଫଙ୍ଗସ୍ ହୋଇଯାଏ । ତେଣୁ ବ୍ରେଡ ସବୁବେଳେ ରୁମ୍ର ତାପମାତ୍ରାରେ ସିଲ୍ଡ ବ୍ୟାଗ ଓ ବ୍ରେଡ ବକ୍ସରେ ରଖିବା ଉଚିତ୍ । ସାମାନ୍ୟ ତାପମାତ୍ରାରେ ରହିଲେ ବ୍ରେଡ ଅଧିକ ଦିନ ଯାଏଁ ଭଲ ରହେ ।
ପିଆଜ: ଫ୍ରିଜରେ ପିଆଜ ମଧ୍ୟ ରଖିବା ଅନୁଚିତ୍ । ଏହାକୁ ସବୁବେଳେ କମ୍ ଥଣ୍ଡା ଓ ଶୁଖିଲା ଜାଗାରେ ରଖିବା ଆବଶ୍ୟକ, ଯେଉଁଠି ଠିକ୍ ଭାବେ ବାୟୁ ଚଳାଚଳ ହେଉଥିବ । ଫଳରେ ପିଆଜ ଅନେକ ଦିନ ଯାଏ ନଷ୍ଟ ହୋଇନଥାଏ ।
ରନ୍ଧା ଚିକେନ: ସେହିପରି ଫ୍ରିଜରେ ୨ରୁ ୩ ଦିନ ଯାଏଁ ରନ୍ଧା ଚିକେନ ରଖିବା ଦ୍ବାରା ଏହା ନଷ୍ଟ ହୋଇଯାଏ। ଚିକେନ ସ୍ବାଦ ବଦଳିଯିବା ସହ ଥଣ୍ଡା ତାପମାତ୍ରା ଏହାର ଟେକ୍ସଚର ଓ ଫ୍ଲେବର ବିଗାଡିଦିଏ । ଏମିତିକି ରେଫ୍ରିଜରେଟେଡ ଚିକେନ ଖାଇବା ଫଳରେ ଫୁଡ୍ ପଏଜନିଂ ହେବାର ସମ୍ଭାବନା ଥାଏ।
