ଶ୍ରୀନଗର,୩୧/୦୧: ସୀମାରେ ଫୁଟିଲା ଗୁଳି । ସୁରକ୍ଷାକର୍ମୀକୁ ବଡ ସଫଳତା । ଏଲଓସିରେ ଆତଙ୍କୀଙ୍କ ପ୍ରବେଶ ଯୋଜନା ପଣ୍ଡ ହୋଇଛି । ଯବାନଙ୍କ ଗୁଳିରେ ଟଳିଲେ ୩ ଆତଙ୍କୀ । ଜମ୍ମୁକାଶ୍ମୀର ପୁ଼ଞ୍ଚରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା ଏଥିରେ ୩ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଛି ସୁରକ୍ଷାବଳ । ସର୍ଚ୍ଚ ଅପରେସନ ଜାରି ରହିଛି ।
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ଜମ୍ମୁ କାଶ୍ମୀର ପୁଞ୍ଚ ସେକ୍ଟର ନିୟନ୍ତ୍ରଣ ରେଖା ଅଞ୍ଚଳରେ ଗୁରୁବାର ବିଳମ୍ବିତ ରାତିରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଥିଲା । ଆତଙ୍କୀର ଏକ ଦଳ ଏଲଓସି ପାର କରି ଭାରତୀୟ ସୀମାକୁ ପ୍ରବେଶ କରିବାକୁ ଯୋଜନା କରୁଥିଲେ । ଏହି ଯୋଜନାକୁ ପଣ୍ଡ କରିଥିଲା ଭାରତୀୟ ସେନା । ଖରମାର ଅଞ୍ଚଳରେ ନିୟୋଜିତ ସେନା ଆତଙ୍କୀଙ୍କ ଉପସ୍ଥିତି ନେଇ ସୁରାଗ ପାଇଥିଲେ । ଆଖପାଖ ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହାପରେ ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରୁ ଦୀର୍ଘ ସମୟ ଧରି ଗୁଳିବିନିମୟ ହୋଇଥିଲା । ଯେଉଁଥିରେ ୩ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଛି ଭାରତୀୟ ସେନା ।
ଏହା ବି ପଢନ୍ତୁ..ପାକିସ୍ତାନରେ ସେନା-ଆତଙ୍କବାଦୀ ମୁହାଁମୁହିଁ, ମେଜର ସମେତ ୨ ସୁରକ୍ଷାକର୍ମୀଙ୍କ ମୃତ୍ୟୁ
ବର୍ଷର ପ୍ରଥମ ଏନକାଉଣ୍ଟରରେ ସେନାକୁ ସଫଳତା ମିଳିଛି । ଏଲଓସିରେ ଆତଙ୍ଗୀଙ୍କ ପ୍ରବେଶ ଯୋଜନା ପଣ୍ଡ ହୋଇଛି । ଏବେ ବି ସର୍ଚ୍ଚ ଅପରେସନ ଜାରି ରହିଛି । ୩ଟି ଏକେ-୪୭ ରାଇଫଲ ଜବତ ହୋଇଛି । ଗତବର୍ଷ ପୁଞ୍ଚ ଓ ରଜୌରୀରେ ଆତଙ୍କୀଙ୍କ କାର୍ଯ୍ୟକଳାପ ହ୍ରାସ ହୋଇଥିବା ଦେଖିବାକୁ ମିଳିଥିଲା । ଡୋଡା, କିସ୍ତାୱାର, କାଠୁଆ, ଉଦ୍ଧମପୁରରେ ହଠାତ୍ ଆତଙ୍କୀ କାର୍ଯ୍ୟକଳାପ ଦେଖିବାକୁ ମିଳିଛି । ଯାହା ସୁରକ୍ଷା ଏଜେନ୍ସିଂଙ୍କ ପାଇଁ ଚିନ୍ତାର କାରଣ ହୋଇଛି ।
