ତିଗିରିଆ, ୧୭/୭: ତିଗିରିଆ ବ୍ଲକ କଂଗ୍ରେସ କମିଟି ତରଫରୁ ଓଡ଼ିଶା ବନ୍ଦ । ରାଜ୍ୟରେ ମହିଳାଙ୍କ ପ୍ରତି ହେଉଥିବା ଅନ୍ୟାୟକୁ ବିରୋଧ କରି ତିଗିରିଆରେ ଆନ୍ଦୋଳନ । ବାଲେଶ୍ଵର ଏଫ୍‌ଏମ୍‌ କଲେଜ ଛାତ୍ରୀ ସୌମ୍ୟାଶ୍ରୀଙ୍କୁ ନ୍ୟାୟ ଦାବିରେ ଆନ୍ଦୋଳନ ହୋଇଛି । 

ପ୍ରଦେଶ କଂଗ୍ରେସ କମିଟିର ସଭାପତି ଭକ୍ତ ଚରଣ ଦାସ ଆହ୍ଵାନ କ୍ରମେ ନାରୀ ସୁରକ୍ଷା ଓ ନ୍ୟାୟ ପ୍ରଦାନ ପରିପ୍ରେକ୍ଷୀରେ ତିଗିରିଆ ବ୍ଲକ କଂଗ୍ରେସ ପକ୍ଷରୁ ଗୁରୁବାର ବନ୍ଦ ପାଳନ ହୋଇଛି । କର୍ମକର୍ତ୍ତାମାନେ ବ୍ଲକର ସମସ୍ତ ଅଞ୍ଚଳରେ ପିକେଟିଂ କରି ବନ୍ଦ କରିବା ସହ ଗୋହିରି ମୁଣ୍ଡ ଛକ ନିକଟରେ ରାଜ୍ୟ ରାଜପଥ ନଂ ୬୫ ଉପରେ ଆନ୍ଦୋଳନରେ ବସିଥିଲେ l ସେଠାରେ ପ୍ରତିବାଦ ସଭା କରିଥିଲେ l ବ୍ଲକ୍ ସଭାପତି ସୋମନାଥ ଦାସଙ୍କ ନେତୃତ୍ୱରେ ଗିରିଜା ଶଙ୍କର ପଟ୍ଟନାୟକ, ଅଭିଷେକ ପଟ୍ଟନାୟକ, ସୁବାଶିଷ ମିଶ୍ର, ମାନସ ଜେନା, ମନୋରଞ୍ଜନ ଦାସ, ପ୍ରସନ୍ନ ନାୟକ, ମାୟାଧର ସାହୁ, ଜୟ କୃଷ୍ଣ ଗୁଇଁ, ପ୍ରତାପ ରଣା, ନିରଞ୍ଜନ ସାମଲ, ଜିତେନ୍ଦ୍ର ମାଝୀ, ସୁଦାମ ସାହୁ ପ୍ରମୁଖଙ୍କ ସହ ଶତାଧିକ କର୍ମୀ ଉପସ୍ଥିତ ଥିଲେ l