ବାରିପଦା ୨୫/୧୧: ଏନକ୍ଲୋଜରରୁ ମୁକ୍ତ ହେଲା ଦ୍ୱିତୀୟ ବାଘୁଣୀ ଜୀନତ୍। ମୁକ୍ତ ହେବା ପରେ ଶିମିଳିପାଳର କୋର୍ ଏରିଆରେ ଛଡାଯାଇଛି। ବନବିଭାଗ ଏକ ଟିମ୍ ବାଘୁଣୀ ଜୀନତ୍ ଉପରେ ନଜର ରଖଛନ୍ତି।
ସୂଚନା ମୁତାବିକ, ରବିବାର ରାତି ପ୍ରାୟ ସାଢ଼େ ୯ଟାରୁ ଏନକ୍ଲୋଜରରୁ ବାହାରି ଜଙ୍ଗଲକୁ ଯାଇଛି ଜୀନତ୍। ମୁକ୍ତ ହେବାପରେ ଜଙ୍ଗଲରେ ବିଶ୍ରାମ କରୁଛି ବୋଲି ସୂଚନା ମିଳିଛି। କଲର୍ ଆଇଡ଼ି ଦ୍ଵାରା ଯମୁନା ଓ ଜୀନତ ଉପରେ ୨୪ଘଣ୍ଟା ନଜର ରଖ ଯାଇଛି ଓ ଦୁଇ ବାଘୁଣୀ ଏବେ ସୁସ୍ଥ ଅଛନ୍ତି ବୋଲି କହିଛନ୍ତି ଆର୍.ସି.ସି.ଏଫ୍ ପ୍ରକାଶ ଚାନ୍ଦ ଗୋଗୀନେନି।
ଉଲ୍ଲେଖ ଯୋଗ୍ୟ ଯେ,ମହାରାଷ୍ଟ୍ରରୁ ତଡ଼ବା ଅନ୍ଧାରୀ ବ୍ୟାଘ୍ର ପ୍ରକଳ୍ପରୁ ନଭେମ୍ବର ୧୫ରେ ଶିଳିପାଳକୁ ଆସିଲା ବାଘୁଣୀ ଜୀନତ ପରେ ୧୬ ତାରିଖରେ ଜୀନତ୍ ତାର ପ୍ରଥମ ଶିକାର କରିଥିଲା। ସେ ବାର୍ହାକୁ ଶିକାର କରି ସାରିବା ପରେ ପେଟ ଭରି ଖାଇଥିଲା। ପରେ ଆଉ ଏକ ବାରହାକୁ ମଧ୍ୟ ଶିକାର କରି ଖାଇଥିଲା।
