ନୂଆଦିଲ୍ଲୀ, ୧୯/୦୧: ଚୀନ୍ ସଟ୍ ଭିଡିଓ ଆପ୍ ଟିକଟକ୍ କୁ ପୁଣି ଲାଗିଛି ଆଉ ଏକ ଶକ୍ତ ଝଟକା । ଭାରତ ପରେ ଏବେ ଆମେରିକାରେ ବନ୍ଦ ହେଲା ଟିକଟକ୍ ଆପ । ଆମେରିକାରେ ଟିକଟକ୍ ଉପରେ ଲାଗିଲା ପ୍ରତିବନ୍ଧକ । ଆମେରିକା କର୍ତୃପକ୍ଷ ଗତକାଲି ଟିକଟକ ଉପରେ କଟକଣା ଲଗାଇଛନ୍ତି । ଏହି ପ୍ରତିବନ୍ଧକ ଯୋଗୁଁ ଆପ୍ ମାତ୍ର ଦୁଇ ଦିନ ମଧ୍ୟରେ ବନ୍ଦ ହୋଇଯିବ ବୋଲି କୁହାଯାଇଛି । ଯାହା ମନୋରଞ୍ଜନ, ଇ-କମର୍ସ ଏବଂ ବିଜ୍ଞାପନ ପାଇଁ ଏହି ପ୍ଲାଟଫର୍ମ ଉପରେ ନିର୍ଭର କରୁଥିବା ଲକ୍ଷ ଲକ୍ଷ ଉପଭୋକ୍ତାଙ୍କୁ ପ୍ରଭାବିତ କରିବ ।
ତେବେ କୋର୍ଟ ଟିକଟକର ମୂଳ କମ୍ପାନୀକୁ ଆମେରିକାରେ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ଜାତୀୟ ସୁରକ୍ଷା ପ୍ରତି ବିପଦ ବୋଲି କୁହାଯାଇଛି ।ଏହାର ଅର୍ଥ ହେଉଛି ଆମେରିକାରେ ୧୭୦ ନିୟୁତ ଲୋକ ବ୍ୟବହାର କରୁଥିବା ଟିକଟକ୍ ଆଜିଠାରୁ ପ୍ଲେ ଷ୍ଟୋରରେ ଉପଲବ୍ଧ ହେବ ନାହିଁ । ତେବେ ଏହି ପ୍ରତିବନ୍ଧକ କେତେ ଦିନ ପର୍ଯ୍ୟନ୍ତ ରହିବ ତାହା ବର୍ତ୍ତମାନ ସୁଦ୍ଧା ଘୋଷଣା କରାଯାଇ ନାହିଁ ।କାରଣ ସୋମବାର ଦିନ ନବନିର୍ବାଚିତ ରାଷ୍ଚ୍ରପତି ଡୋନାଲ୍ଡ ଟ୍ରମ୍ପ ପଦଭାର ଗ୍ରହଣ କରିବେ । ସେ କହିଛନ୍ତି ଯେ, ଆପକୁ କାର୍ଯ୍ୟକ୍ଷମ ରଖିବା ପାଇଁ ଏହି ସମସ୍ୟା ସହିତ ଲଢ଼ିବେ। ଏହାର ଏକ ସମାଧାନ ବାହାର କରିବା ପାଇଁ ସେ ଚେଷ୍ଚା ଜାରି ରଖିବେ ବୋଲି କହିଛନ୍ତି । ପ୍ରକାଶ ଥାଉକି, ପୂର୍ବରୁ ଏହା ଭାରତ ଓ ପାକିସ୍ତାନରେ ବ୍ୟାନ କରାଯାଇଛି ।
