ନୂଆଦିଲ୍ଲୀ: ସାୟୋନୀ ଘୋଷଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କଲା ଟିଏମସି । ଦଳ ତାଙ୍କୁ ଟିଏମସି ଯୁବ ସଭାପତି ପଦରୁ ହଟାଇ ଦେଇଛି। ବିଦ୍ରୋହୀ ସାଂସଦ ତାଲିକାରେ ସାୟୋନୀ ଯୋଗଦେବା ନେଇ ଚର୍ଚ୍ଚା ହେଉଛି। ଯେଉଁଠାରେ ଗୋଟିଏ ପାର୍ଶ୍ୱରେ ଟିଏମସିରେ ବିଭାଜନ ଆରମ୍ଭ ହୋଇଛି । ସୋମବାର ଦଳର ବିଦ୍ରୋହୀ ସାଂସଦ ମାନେ ଲୋକସଭା ବାଚସ୍ପତିଙ୍କୁ ଭେଟିଥିବା ବେଳେ ବର୍ତ୍ତମାନ ଦଳ ଏକ ବଡ଼ ଧରଣର ଅଦଳବଦଳ କରିଛି। ନ୍ୟୁଜ୍ ଏଜେନ୍ସି ANI ରିପୋର୍ଟ କରିଛି ଯେ, ଟିଏମସି କହିଛି ଯେ ଅର୍ଣ୍ଣବ ବାନାର୍ଜୀଙ୍କୁ ରାଜ୍ୟ ତୃଣମୁଳ ଯୁବ କଂଗ୍ରେସର ସଭାପତି ଭାବରେ ନିଯୁକ୍ତ ହୋଇଥିବା ବେଳେ କୁନାଲ ଘୋଷଙ୍କୁ ଉତ୍ତର କୋଲକାତା ସଂଗଠନ ଜିଲ୍ଲାର ସଭାପତି ଭାବେ ନିଯୁକ୍ତ କରାଯାଇଛି। କୁନାଲଙ୍କୁ ଉତ୍ତର କୋଲକାତା ସଂଗଠିତ ଜିଲ୍ଲାର ସଭାପତି ପଦ ପାଇଁ ସାଂସଦ ସୁଦୀପ ବନ୍ଦୋପାଧ୍ୟାୟଙ୍କ ସ୍ଥାନରେ ଦେଇଛନ୍ତି।
ପାର୍ଟିରେ ଆଭ୍ୟନ୍ତରୀଣ ମତଭେଦ କ୍ରମାଗତ ଭାବେ ବୃଦ୍ଧି ପାଉଛି…
ବଙ୍ଗଳା ବିଧାନସଭା ନିର୍ବାଚନର ଫଳାଫଳ ବାହାରକୁ ଆସିବା ପରେ ଏଠାରେ ଟିଏମସି ମଧ୍ୟରେ ଆଭ୍ୟନ୍ତରୀଣ ମତଭେଦ ରହିଛି । ଏହା ଥମିବାର ନା ନେଉନାହିଁ । ଦଳ ବିଧାନସଭାରେ ନିଜର ସଂସଦୀୟ ଦଳ ଉପରେ ନିୟନ୍ତ୍ରଣ ହରାଇ ସାରିଛି। ବିଦ୍ରୋହର ଲକ୍ଷଣ ଲୋକସଭାରେ ମଧ୍ୟ ସ୍ପଷ୍ଟ ଦେଖାଯାଉଛି।
ଜୁନ୍ ୧ ତାରିଖରେ ଲୋକସଭାରେ ଟିଏମସି ସାଂସଦ ମାନଙ୍କର ଏକ ବଡ଼ ଅଂଶ ଦଳର ମୁଖ୍ୟ ମମତା ବାନାର୍ଜୀଙ୍କ ନେତୃତ୍ୱରେ ଅସନ୍ତୋଷ ବ୍ୟକ୍ତ କରିଥିଲେ। ସେହି ଦିନ ଯେତେବେଳେ ମମତା ବାନାର୍ଜୀ ଏବଂ ଦଳର ସାଧାରଣ ସମ୍ପାଦକ ଅଭିଷେକ ବାନାର୍ଜୀ ଦିଲ୍ଲୀରେ ବିରୋଧୀ 'ଇଣ୍ଡିଆ' ମିଳିତ ବୈଠକରେ ଯୋଗ ଦେଉଥିଲେ, ସେତେବେଳେ ଲୋକସଭାରେ ଟିଏମସି ସାଂସଦଙ୍କ ମଧ୍ୟରେ ବିଭାଜନ ଖବର ପ୍ରକାଶ ପାଇଥିଲା।
