ଚନ୍ଦ୍ରଶେଖରପୁର,୧୮/୧୧: ରାଜ୍ୟର ଅଗ୍ରଣୀ ହୋଣ୍ଡା ୨ ଚକିଆ ଡିଲର ଗୁଗନାନୀ ମୋଟର୍ସ, ପଟିଆ ହୋଣ୍ଡା ବିଙ୍ଗ୍ ୱିଙ୍ଗ୍ ଠାରେ ବହୁ ପ୍ରତିକ୍ଷୀତ ପ୍ରିମିୟମ ଟ୍ରାନ୍ସ୍ଲାପ୍ ୭୫୦ ବାଇକ୍ର ଉନ୍ମୋଚନ କରାଯାଇଛି । ଏହା ସହ ହୋଣ୍ଡା ସିବି ୩୫୦ର ପ୍ରଥମ ବାର୍ଷିକୋତ୍ସବ ମଧ୍ୟ ପାଳନ କରାଯାଇଛି । ଏହି ଅବସରରେ ହୋଣ୍ଡା ବିଗ୍ ୱିଙ୍ଗ୍ ପୂର୍ବାଞ୍ଚଳର ଏରିଆ ଇନ୍ଚାର୍ଜ ସ୍ନେହାଶିଷ ପାଣିଗ୍ରାହୀ ଏବଂ ଗୁଗ୍ନାନୀ ହୋଣ୍ଡାର ପରିଚାଳନା ନିର୍ଦ୍ଦେଶକ ୟସ୍ନୀତ ଗୁଗନାନୀ ଉପସ୍ଥିତ ଥିଲେ । ଏହି ଅବସରରେ ଅଭିନେତା ଶୁଭାଶିଷ ନାଥ ଶର୍ମାଙ୍କ ସମେତ ୧୦୦ରୁ ଊର୍ଦ୍ଧ୍ୱ ସୋ ରୁମ୍ ପୃଷ୍ଠପୋଷକ ଏଥିରେ ଯୋଗ ଦେଇଥିଲେ ।
୧୧.୫ ଲକ୍ଷ ମୂଲ୍ୟରୁ ଆରମ୍ଭ ହୋଇଥିବା ଟ୍ରାନ୍ସ୍ଲାପ୍ ୭୫୦ ବାଇକ ଏକ ଅଦ୍ଭୁତ ରୋମାଞ୍ଚକର ବାଇକ ଯାହାର ୭୫୫ ସିସି ପାରାଲାଲ ଟ୍ୱିନ୍ ଇଞ୍ଜିନ୍ ରହିଛି । ଏହା ୯୨ ହର୍ସପାୱାର ଓ ୭୫ ଏନ୍ଏମ୍ ଟର୍କ ପାୱାର ସହ ଡିଜାଇନ୍ ହୋଇଛି । ୫ ଇଞ୍ଚର ଟିଏଫ୍ଟି ଡିସ୍ପ୍ଲେ , ବିଭିନ୍ନ ରାଇଡିଂ ମୋଡ୍, ଟ୍ରାକ୍ସନ କଣ୍ଟ୍ରୋଲ ସହ ଷ୍ଟାଇଲିସ୍ ଡିଜାଇନ୍ ହେଉଛି ଏହାର ପ୍ରମୁଖ ବୈଶିଷ୍ଟ୍ୟ ଯାହା ଉଭୟ ଅଫ୍ ରୋଡ୍ ଓ ସହରୀ ଗଳି ପାଇଁ ଉପଯୋଗୀ । ୨.୧୦ ଲକ୍ଷ ମୂଲ୍ୟରୁ ଆରମ୍ଭ ହୋଇଥିବା ସିଙ୍ଗଲ-ସିଲିଣ୍ଡର ଇଞ୍ଜିନ୍, ରେଟ୍ରୋ-ମର୍ଡେନ ଡିଜାଇନ୍, କଟିଂ ଏଜ୍ ଟେକ୍ନୋଲୋଜି, ଡୁଆଲ -ଚ୍ୟାନେଲ ଏବିଏସ୍ , ବ୍ଲୁ ଟୁଥ୍ ସହ ଆରାମଦାୟକ ହୋଣ୍ଡା ସିବି ୩୫୦ର ପ୍ରଥମ ବର୍ଷ ପୂର୍ତ୍ତୀ ଅବସରରେ ଏହାର ବର୍ଣ୍ଣନା କରାଯାଇଥିଲା । ରାଜ୍ୟରେ ବାଇକ ଚାଳକମାନଙ୍କ ମଧ୍ୟରେ ଏହା ବେଶ୍ ଲୋକପ୍ରିୟତା ଅର୍ଜନ କରିପାରିଛି ବୋଲି ସୋ ରୁମ୍ ପକ୍ଷରୁ କୁହାଯାଇଥିଲା
