ଭୁବନେଶ୍ବର,୦୭/୦୨: ସରିଥିଲା ବାହାଘର । କନ୍ୟାଘରୁ ବାହୁଡ଼ିଥିଲା ବର । ହେଲେ ଘରେ ପହଞ୍ଚି ପାରିଲାନି । ବାଟରେ ଘଟିଗଲା ଅଘଟଣ । ଖୁସିରେ ଲାଗିଗଲା ଗ୍ରହଣ । ସମ୍ୱଲପୁର ଜିଲ୍ଲା ଜମନକିରା ଥାନା ଅନ୍ତର୍ଗତ ୫୩ ନମ୍ୱର ଜାତୀୟ ରାଜପଥର କୁଲୁଣ୍ଡି ନିକଟରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା ।
ଟ୍ରକ୍ ଧକ୍କାରେ ଚାଲିଗଲା ମହିଳାଙ୍କ ଜୀବନ, ପରିଚୟ ଅସ୍ପଷ୍ଟ
ସୂଚନା ମୁତାବକ, ଗୁରୁବାର ରାତିରେ ଦେବଗଡ଼ର ସୁମିତ ମୋଦିଙ୍କ ବିବାହ ସମ୍ୱଲପୁରେ ଅନୁଷ୍ଠିତ ହୋଇଥିଲା । ସମ୍ବଲପୁରରୁ ବିବାହ ସରିବା ପରେ ଦେବଗଡ଼କୁ ଫେରୁଥିଲେ ନବ ବରବଧୂ । ଶୁକ୍ରବାର ବରକନ୍ୟା ଦେବଗଡ ଫେରୁଥିବା ବେଳେ ୫୩ ନମ୍ୱର ଜାତୀୟ ରାଜପଥର କୁଲୁଣ୍ଡି ନିକଟରେ ଘଟିଲା ଦୁର୍ଘଟଣା । ବରଗାଡ଼ିକୁ ମୁହାଁମୁହିଁ ଧକ୍କା ଦେଲା ଟ୍ରକ୍ । ଫଳରେ ଗାଡ଼ିରେ ଯାତ୍ରା କରୁଥିବା ବରକନ୍ୟାଙ୍କ ସହ ଆଉ ୫ ଜଣ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପହଞ୍ଚି ସମସ୍ତ ଆହତଙ୍କୁ ଉଦ୍ଧାର କରି ସମ୍ବଲପୁର ଡାକ୍ତରଖାନାକୁ ଚିକିତ୍ସା ପାଇଁ ପଠାଇଛି ଜମନକିରା ପୋଲିସ ।
