ପାଟଣା,୨୦/୧୧: ଏନଏଚ୍ ୪୯ ଚେମେଣା ନର୍ସରୀ ଛକରେ ଦୁର୍ଘଟଣା । କେନ୍ଦୁଝରରୁ କଲିକତା ଯାଉଥିବା ବେଳେ ଭାରସାମ୍ୟ ହରାଇ ଓଲଟି ପଡିଲା ବିଲାତି ବୋଝେଇ ଟ୍ରକ୍‌ । ଏହା ଦୁର୍ଘଟଣାରେ ଗାଡ଼ିର ଡ୍ରାଇଭର ଆହତ ହୋଇଛନ୍ତି । ଦୁର୍ଘଟଣା ପରେ ସ୍ଥାନୀୟଲୋକେ ଟମୋଟୋ ବୋହି ନେଇଥିବା ଦେଖିବାକୁ ମିଳିଛି । କେନ୍ଦୁଝର ଜିଲ୍ଲା  ପାଟଣା ଅଞ୍ଚଳର ଏନଏଚ୍ ୪୯ ଚେମେଣା ନର୍ସରୀ ଛକରେ ଏଭଳି ଘଟଣା ଘଟିଛି ।  

ସୂଚନା ମୁତାବକ, ଏକ ବିଲାତି ବୋଝେଇ ଟ୍ରକ୍ କେନ୍ଦୁଝର ପଟରୁ କଲିକତା ଆଡ଼କୁ ଯାଉଥିଲା । ଶୀତର ଲହରୀ ଆରମ୍ଭ ହୋଇଥିବା କାରଣରୁ ଅନେକ ସ୍ଥାନରେ କୁହୁଡ଼ି ହୋଇଥିବା ବେଳେ ଏନଏଚ୍ ୪୯ ଚେମେଣା ନର୍ସରୀ ଛକରେ ଭାରସାମ୍ୟ ହରାଇ ଟ୍ରକ୍‌ଟି ଓଲଟି ପଡ଼ିଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିବା ବେଳେ ଟ୍ରକ୍‌ରୁ ବିଲାତି ବୋହି ନେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଆହତ ଡ୍ରାଇଭରଙ୍କୁ ଗାଡ଼ିରୁ ଉଦ୍ଧାର କରି ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାକୁ ପଠାଇଛି ପୋଲିସ ।