କଣିହାଁ,୧୪।୫ (ଆପ୍ର): କଣିହାଁ ବ୍ଲକ୍ ଏନଟିପିସି ଥାନା ବିଜିଗୋଳ ପଞ୍ଚାୟତ ଆମ୍ବପାଳ ଛକରେ ଜଣେ ଗାଡି ଚାଳକଙ୍କ ମୃତ୍ୟୁ ଘଟିଛି। । ଗାଡି ଚାଳକ ଜଣକ ହେଲେ ଝାରଖଣ୍ଡ ରାଜ୍ୟ ଆଗଲିଓ ସାହେବଗଞ୍ଜ ଅଞ୍ଚଳର ଆକବର ହୁସେନ(୪୬)।
ଜିଗୋଳ ପଞ୍ଚାୟତ ଆମ୍ବପାଳ ଛକରେ ଗାଡି ଚାଳକ ଆକବର ଅଚେତ ହୋଇଯାଇଥିଲେ। ଖବର ପାଇ ଏନଟିପିସି ପୋଲିସ ଘଟଣା ସ୍ଥଳରେ ପହଞ୍ଚି ଆକବରଙ୍କୁ ଉଦ୍ଧାର କରି କଣିହାଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ମେଡିକାଲ ନେବା ପୂର୍ବରୁ ଆକବରଙ୍କ ମୃତ ହୋଇଯାଇଥିବା ସିଏଚସି ଡାକ୍ତର ପ୍ରକାଶ କରିଥିଲେ।ଏନଟିପିସି ଡେରେଙ୍ଗ ପାଉଁଶ ପୋଖରୀ ରୁ ଟ୍ରକ ଯୋଗେ ଠିକା ସଂସ୍ଥା ଜରିଆରେ ପାଉଁଶ ପରିବହନରେ ଚାଳକ ଭାବରେ ଆକବର କାମ କରିଆସୁଥିଲେ। ସବୁଦିନ ଭଳି ଆଜି ଆମ୍ବପାଳ ଛକରେ ଟ୍ରକକୁ ଛିଡ଼ା କରି ବିଶ୍ରାମ ନେଉଥିବା ବେଳେ ଘଟଣା ସ୍ଥଳରେ ଟଳି ପଡ଼ିଥିଲେ।ପୋଲିସ ମୃତ ଶରୀର କୁ ଜବତ କରି ପରିବାର ଲୋକଙ୍କୁ ଅପେକ୍ଷା କରିଛି।ଅଂଶୁଘାତ ଜନିତ ଆକବର ଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି।
