ବାଙ୍ଗିରିପୋଷି,୮/୧: ବାଇକକୁ ଧକ୍କା ଦେଇ ବିଚ୍ ରାଜ ରାସ୍ତାରେ ହୁ ହୁ ହୋଇ ଜଳିଗଲା ଟ୍ରକ୍। ଅଳ୍ପକେ ବର୍ତ୍ତିଲେ ବାଇକ୍ ଚାଳକ। ମୟୁରଭଞ୍ଜ ଜିଲ୍ଲା ଦେଇ ଯାଇଥିବା ୧୮ ନମ୍ବର ଜାତୀୟ ରାଜପଥର ବାଙ୍ଗିରିପୋଷି ଥାନା ଅଧୀନସ୍ଥ ଜଗନ୍ନାଥଖୁଣ୍ଟା ହାଇସ୍କୁଲ ସମ୍ମୁଖରେ ଘଟିଛି ଦୁର୍ଘଟଣା।
ରାସ୍ତାର ଗୋଟିଏ ପାର୍ଶ୍ୱରୁ ଅନ୍ୟ ପାର୍ଶ୍ୱକୁ ଏକ ବାଇକ ଆରୋହୀ ପାର ହେଉଥିବା ବେଳେ ବାଇକ୍ ସହ ମୁହାଁ ମୁହିଁ ଧକ୍କା ହୋଇଥିଲା। ବାଇକ୍ ଆରୋହୀ ରାସ୍ତା କଡକୁ ଛିଟିକି ପଡ଼ିଥିବା ବେଳେ ଟ୍ରକ୍ ତଳେ ବାଇକ୍ ଟି ଲାଗି ହୋଇ କିଛି ବାଟ ଘୋଷାଡି ହୋଇଥିଲା । ପ୍ରଚଣ୍ଡ ଶବ୍ଦ ହେବା ପରେ ଟ୍ରକ୍ ରେ ନିଆଁ ଲାଗି ଯାଇଥିଲା। ଘଟଣା ସ୍ଥଳରେ ଅଗ୍ନିଶମ ବାହିନୀ ଓ ବାଙ୍ଗିରିପୋଷି ପୋଲିସ ପହଞ୍ଚି ନିଆଁ ଲିଭାଇବାକୁ ପ୍ରୟାସ କରିଥିଲେ ମଧ୍ୟ ଟ୍ରକ ଟି ସମ୍ପୂର୍ଣ ଜଳି ଯାଇଥିଲା।
