ନୂଆଦିଲ୍ଲୀ : ପଶ୍ଚିମ ଏସିଆର ସଙ୍କଟକୁ ବନ୍ଦ କରିବା ପାଇଁ ପାକିସ୍ତାନରେ ହେବାକୁ ଥିବା ଶାନ୍ତି ବାର୍ତ୍ତା ପୁଣି ଥରେ ବାଧାପ୍ରାପ୍ତ ହୋଇଛି। ଆମେରିକୀୟ ରାଷ୍ଟ୍ରପତି ଶନିବାର କହିଛନ୍ତି , ସେ ଇରାନ ଶାନ୍ତି ଆଲୋଚନା ପାଇଁ ପାକିସ୍ତାନ ଯାଉଥିବା ନିଜ ଟିମର ଯାତ୍ରାକୁ ବାତିଲ କରି ଦେଇଛନ୍ତି। କହି ରଖୁଛି କି , ଜେରେଡ କୁଶନର ଓ ଷ୍ଟିଭ୍ ୱିଟକଫ୍ ଇରାନୀ ଅଧିକାରୀଙ୍କ ସହ କଥା ହେବା ପାଇଁ ଇସଲାମାବାଦ ଯିବାର ଥିଲା। କିନ୍ତୁ ସମ୍ପ୍ରତି ଖବର ଆସିଛି ଯେ, ଇରାନର ଅଧିକାରୀ ପାକିସ୍ତାନ ଫିଲ୍ଡ ମାର୍ଶଲ ଆସିମ ମୁନିର ଓ ପ୍ରଧାନମନ୍ତ୍ରୀ ଶହବାଜ ଶରିଫଙ୍କୁ ସାକ୍ଷାତ୍ କରି ତେହେରାନ ଅଭିମୁଖେ ଉଡ଼ାଣ ଭରି ସାରିଛନ୍ତି। ଏହାପରେ ଟ୍ରମ୍ପ ମଧ୍ୟ ଆମେରିକୀୟ ପ୍ରତିନିଧିଙ୍କ ଏହି ଯାତ୍ରାକୁ ବାତିଲ କରି ଦେଇଛନ୍ତି।
ଫକ୍ସ ନ୍ୟୁଜ୍ ସହ କଥା ହୋଇ ଟ୍ରମ୍ପ କୁଶନର ଓ ୱିଟକଫଙ୍କ ପାକିସ୍ତାନ ଯାତ୍ରାକୁ ବାତିଲ କରିବା ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି-ମୁଁ ଏବେ କିଛି ସମୟ ପୂର୍ବରୁ ପାକିସ୍ତାନ ଯାଉଥିବା ନିଜ ଟିମକୁ ତାଙ୍କର ଯାତ୍ରା ବାତିଲ କରିବା ପାଇଁ କହି ଦେଇଛି। ମୁଁ ତାଙ୍କୁ କହିଥିଲି ଯେ, ଆପଣ ସେଠାକୁ ଯିବା ପାଇଁ ୧୮ ଘଣ୍ଟାର ଉଡ଼ାଣ ଭରିବେ ନାହିଁ। ଆମ ପାଖରେ ସବୁ ବିକଳ୍ପ ପୂର୍ବରୁ ରହିଛି। ସେ ଯେବେ ଚାହିଁଲେ ଆମକୁ ଫୋନ୍ କରି ପାରିବେ , କିନ୍ତୁ ଆପଣ ଏବେ ଆହୁରି ୧୮ ଘଣ୍ଟାର ଉଡ଼ାଣ ଭରି ସେଠାରେ ବସି ମୂଲ୍ୟହୀନ କଥାବାର୍ତ୍ତା କରିବାକୁ ଯିବେ ନାହିଁ।
ସୋସିଆଲ ମିଡ଼ିଆ ସାଇଟ୍ ଟ୍ରୁଥ୍ ସୋସିଆଲରେ ମଧ୍ୟ ଏହାର ସୂଚନା ଦେଇ ଟ୍ରମ୍ପ କହିଛନ୍ତି ଯେ, ଇରାନର ଲିଡରସିପ୍ ମଧ୍ୟରେ ଭୟଙ୍କର ଆନ୍ତରିକ କଳହ ରହିଛି। ସେ ଲେଖିଛନ୍ତି – ଯାତ୍ରା କରିବାରେ ବହୁତ ସମୟ ନଷ୍ଟ ହୋଇଥାଏ। ଏହା ବ୍ୟତୀତ ଇରାନର ଲିଡରସିପ୍ ମଧ୍ୟରେ ଖୁବ୍ ଭୟଙ୍କର ଆଭ୍ୟନ୍ତରୀଣ କନ୍ଦଳ ଓ ଭ୍ରମିତ ସ୍ଥିତି ରହିଛି। କାହାକୁ ଜଣା ନାହିଁ କି କ୍ଷମତା କାହା ହାତରେ ଅଛି, ଏମିତି କି ଯିଏ କ୍ଷମତାରେ ଅଛନ୍ତି , ତାଙ୍କୁ ମଧ୍ୟ ଏହାର ସୂଚନା ନାହିଁ।
ଏହାସହ ମଧ୍ୟ ପଢନ୍ତୁ : ଆତଙ୍କୀ ପ୍ରସାର କରୁଥିବା ପାକିସ୍ତାନ ଦେଉଛି ଜ୍ଞାନ , ଡେପୁଟି ସିଏମ୍ ଇଶାକ୍ ଡାର କହୁଛନ୍ତି ଶାନ୍ତି ଓ ସ୍ଥିରତାର କଥା
