ନୂଆଦିଲ୍ଲୀ,୧୨/୧୧: ଆମେରିକା ରାଷ୍ଟ୍ରପତି ନିର୍ବାଚନ ପରେ ଦ୍ବିତୀୟ ଥର ପାଇଁ ରାଷ୍ଟ୍ରପତି ହୋଇଛନ୍ତି ଡୋନାଲ୍ଡ ଟ୍ରମ୍ପ । ଆସନ୍ତାବର୍ଷ ଜାନୁଆରୀ ୨୦ ତାରିଖରେ ରାଷ୍ଟ୍ରପତି ଭାବେ ଶପଥ ନେବେ । କାର୍ଯ୍ୟକାଳ ଆରମ୍ଭ ନେଇ ପ୍ରସ୍ତୁତ ହେଉଛନ୍ତି ଟ୍ରମ୍ପ । ଏହା ପୂର୍ବରୁ ସେ ନିଯୁକ୍ତି ଦେବା ଆରମ୍ଭ କରି ଦେଇଛନ୍ତି । ସରକାର ଚଳାଇବା ପାଇଁ ଟ୍ରମ୍ପଙ୍କ ନୀତି ଇମିଗ୍ରେସନ ଦିଗରେ ଇସାରା ଦେଉଛି । ଯାହାର ସିଧାସଳଖ ପ୍ରଭାବ ବେଆଇନ ଭାବେ ଆମେରିକାରେ ରହୁଥିବା ପ୍ରବାସୀଙ୍କ ଉପରେ ପଡିବ । ଏହି ନୀତିରେ ବହୁ ସଂଖ୍ୟକ ପ୍ରବାସୀ ଭାରତୀୟ ପ୍ରଭାବିତ ହେବେ ।
ଡୋନାଲ୍ଡ ଟ୍ରମ୍ପ ଇମିଗ୍ରେସନ ଏବଂ କଷ୍ଟମ ଏନଫୋର୍ସମେଣ୍ଟର ପୂର୍ବ ଚିଫ୍ ଟମ୍ ହାସନଙ୍କୁ 'ବର୍ଡର ଜାର' ଭାବେ ନିଯୁକ୍ତି ଦିଆଯାଇଛି । ବର୍ଡର ଏନଫୋର୍ସମେଣ୍ଟର ମୁଖ୍ୟ ସମର୍ଥକ ହୋମନ ସିନେଟ ଦକ୍ଷିଣ ଏବଂ ଉତ୍ତର ସୀମାରେ ସମୁଦ୍ର ଓ ଆକାଶମାର୍ଗ ଉପରେ ନଜର ରଖିବେ । ସେ ନିଯୁକ୍ତି ପାଇବା ପରେ ଆମେରିକାରେ ସବୁଠାରୁ ବଡ ନିର୍ବାସନ ଅଭିଯାନ ଲାଗୁ କରିବାକୁ ପ୍ରତିଶ୍ରୁତି ଦେଇଛନ୍ତି ।
ଆମେରିକାରେ ଇମିଗ୍ରେସନ ନୀତି ଲାଗୁ ହେବା ପରେ ପ୍ରବାସୀ ଭାରତୀୟଙ୍କ ଚିନ୍ତା ବଢିଛି । କିଛି ଦିନ ପୂର୍ବରୁ ଆସିଥିବା ଏକ ରିପୋର୍ଟ ଅନୁସାରେ ଆମେରିକାରେ ବେଆଇନ ଭାବେ ପ୍ରବେଶ କରୁଥିବା ଭାରତୀୟଙ୍କ ସଂଖ୍ୟା ଅଧିକ । ବିଶେଷ କରି ପଞ୍ଜାବ ଓ ଗୁଜୁରାଟରୁ ଅଧିକ ସଂଖ୍ୟରେ ପ୍ରବାସୀ ସୀମା ଡେଇଁ ଆମେରିକାରେ ବେଆଇନ ଭାବେ ବସବାସ କରୁଛନ୍ତି । ମାନବ ତସ୍କରୀ ନେଇ ପ୍ରାୟ ୭୦ ହଜାର ଆମେରିକୀୟ ଡଲାର ଖର୍ଚ୍ଚ କରୁଛନ୍ତି । ଭାରତୀୟ ପ୍ରବାସୀଙ୍କୁ କାମ ଦେଉଥିବା କମ୍ପାନୀ ଉପରେ ଇମିଗ୍ରେସନ ନୀତି ପ୍ରଭାବ ପକାଇବା ବୋଲି ଅନୁମାନ କରାଯାଉଛି ।
