ପ୍ରମୂଖ ଖବର
  • ପୋପ୍ ପ୍ରାନ୍‌ସିସ୍‌ଙ୍କ ବିୟୋଗରେ ରାଜ୍ୟରେ ୩ ଦିନିଆ ଶୋକ
  • ||
  • ପୁରୀ: ବୁଧବାର ଶ୍ରୀବିଗ୍ରହଙ୍କ ବନକଲାଗି ନୀତି, ଅପରାହ୍ନ ୫ଟାରୁ ରାତି ୧୦ଟା ସର୍ବସାଧାରଣ ଦର୍ଶନ ବନ୍ଦ
  • ||
  • ବାଣୀବିହାର କ୍ୟାମ୍ପସ୍‌ରୁ ହଟିବେ ଅଣଛାତ୍ର, ପୁଲିସ ଡିଜିଙ୍କୁ ଚିଠି ଲେଖିଲେ କୁଳପତି
  • ||
  • କଳାହାଣ୍ଡି: ଲୁଗା ଶୁଖାଇବା ବେଳେ ଲାଗିଲା ବିଦ୍ୟୁତ୍‌ ଝଟ୍‌କା, ମା’ କୁ ବଞ୍ଚାଇବାକୁ ଯାଇ ଚାଲିଗଲା ପୁଅର ଜୀବ
  • ||
  • କେନାଲ ନିକଟରେ ଯୁବକଙ୍କ ରକ୍ତାକ୍ତ ମୃତ ଦେହ ଠାବ, ହତ୍ୟା ସନ୍ଦେହ
  • ||
  • ମଙ୍ଗଳବାର ସରିବ ଶ୍ରୀକ୍ଷେତ୍ର ସାହିଯାତ, ରାମାଭିଷେକ ସହ ରାମଲୀଳାର ଅନ୍ତ ଘଟିବ
  • ||
  • IPL 2025: ଆଜି ଦିଲ୍ଲୀ କ୍ୟାପିଟାଲ୍ସକୁ ଭେଟିବ ଲକ୍ଷ୍ନୌ ସୁପରଜାଏଣ୍ଟ୍‌ସ, ଏକାନ୍ନାରେ ପୁଣି ହେବ ରାହୁଲ ରାଜୁତି
  • ||
  • କଟକ ଗତିରାଉତପାଟଣା ନିକଟରେ ପିସିଆର ଗାଡ଼ିକୁ ଧକ୍କା ଦେଲା ହାଇୱା, ୨ ପୋଲିସ କର୍ମଚାରୀ ମୃତ, ଜଣେ ଆହତ
  • ||
  • ପଶ୍ଚିମ, ଆଭ୍ୟନ୍ତରୀଣରେ ବର୍ଷୁଛି ନିଆଁ, ୪୫ ଡିଗ୍ରୀ ଡେଇଁଲା ପାରଦ: ଆଜିଠାରୁ ଗ୍ରୀଷ୍ମ ଲହରୀ, ୨୩ରୁ ସାଂଘାତିକ ତାତି
  • ||

ମସ୍କ ହଟାଇଥିବା ଟୁଇଟର ଲୋଗୋ ନିଲାମ, ୩୦ ଲକ୍ଷ ଟଙ୍କାରେ ହେଲା ବିକ୍ରି

Published By : Prameya | March 24, 2025 3:06 PM

ନୂଆଦିଲ୍ଲୀ ୨୪/୦୩: ସୋସିଆଲ ମିଡିଆ ପ୍ଲାଟଫର୍ମ ଟୁଇଟର (ଏବେ ଏକ୍ସ)ର ପୁରୁଣା ଲୋଗୋ ନିଲାମରେ ବିକ୍ରି ହୋଇଛି । ଏକ ବ୍ଲୁ ବାର୍ଡ ବା ନୀଳ ରଙ୍ଗର ଚଢ଼େଇର ଏହି ଲୋଗୋ ୩୪,୩୭୫ ଡଲାର ବା ପ୍ରାୟ ୩୦ ଲକ୍ଷ ଟଙ୍କାରେ ନିଲାମ ଯାଇଛି । ୨୦୧୨ରୁ ୨୦୨୩ ପର୍ଯ୍ୟନ୍ତ ଟୁଇଟର ଅଫିସ୍‌ରେ ଝୁଲୁଥିବା ଏହି ବ୍ଲୁ ବାର୍ଡ ଲୋଗୋ କ୍ରେତାଙ୍କ ନାଁ ସାର୍ବଜନୀନ ହୋଇନାହିଁ । ସ୍ପେସ୍‌ଏକ୍ସ ମାଲିକ ଏଲନ ମସ୍କ ଟୁଇଟର କିଣିବା ପରେ ଏହାର ରି-ବ୍ରାଣ୍ଡିଂ କରିଥିଲେ । ଏଥିସହ ଟୁଇଟର ନାଁ ବଦଳାଇ ତାହାକୁ ‘ଏକ୍ସ’ ରଖିଥିଲେ । ଏହା ପରେ ବ୍ଲୁ ବାର୍ଡ ଇତିହାସ ପାଲଟିଥିଲା ।

ବିରଳ ଜିନିଷର ନିଲାମ ଡିଲ୍‌ କରୁଥିବା ଆର୍‌ଆର୍‌ ଅକ୍ସନ ପକ୍ଷରୁ କୁହାଯାଇଛି, ଟୁଇଟର ସାଇନବୋର୍ଡର ଓଜନ ପ୍ରାୟ ୨୫୪ କେଜି, ଉଚ୍ଚତା ୧୨ ଫୁଟ୍‌ ଏବଂ ଓସାର ୯ କେଜି । ଏବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ଟିମ୍‌ରେ ଥାଇ ଡିଓଜିଇ ବିଭାଗ ସମ୍ଭାଳୁଥିବା ମସ୍କ ପୂର୍ବରୁ ମଧ୍ୟ ଟୁଇଟରର ଅନେକ ସାମଗ୍ରୀ ନିଲାମ ଡକାଇସାରିଛନ୍ତି । ସୂଚନାଯୋଗ୍ୟ ଯେ, ୨୦୨୨ ଅକ୍ଟୋବରରେ ମସ୍କ ୪୪ ବିଲିୟନ ଡଲାରରେ ଟୁଇଟର କିଣିଥିଲେ । ପରେ ଏହାର ନାଁ ଏକ୍ସ ରଖିଥିଲେ । ଏଥିରେ ମସ୍କ ଅନେକ ପରିବର୍ତ୍ତନ ଆଣିଥିଲେ । ମସ୍କଙ୍କ ତରଫରୁ ବ୍ଲୁ ସବ୍‌ସ୍କ୍ରିପ୍‌ସନ ସର୍ଭିସ୍‌ ପାଇଁ ୟୁଜର୍ସଙ୍କଠାରୁ ଅର୍ଥ ଦାବି କରାଯାଇଥିଲା । ଟୁଇଟର ଲୋଗୋ ମସ୍କଙ୍କୁ ପସନ୍ଦ ଆସି ନ ଥିଲା । ତେଣୁ ଏହାକୁ ବଦଳାଇ ଇଂରାଜୀ ଅକ୍ଷର ଏକ୍ସ ଚିହ୍ନର ଲୋଗୋ ବନାଇଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.