ପାଟଣା,୧୭/୧୦: କେନ୍ଦୁଝର ଜିଲ୍ଲା ପାଟଣା ଥାନା ଅଞ୍ଚଳର ଦୁଇ ପୃଥକ ସ୍ଥାନରୁ ଦୁଇ ଜଣଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ଦ୍ୱୟ ଦାମାହୁଦା ପଞ୍ଚାୟତ ବେଲସରେଇ ଗାଁର ବୃଦ୍ଧା ସୁଶୀଳା ମହାନ୍ତ ଏବଂ ଦୁଧନାଳୀ ଗ୍ରାମର ଜଗବନ୍ଧୁ ମୁଣ୍ଡା ବୋଲି ଜଣାପଡ଼ିଛି । ଉଭୟଙ୍କ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି ।
ସୂଚନା ମୁତାବକ, କେନ୍ଦୁଝର ଜିଲ୍ଲା ପାଟଣା ଥାନା ଅଞ୍ଚଳରେ ଅଘଟଣ । ଦୁଇଟି ପୃଥକ ସ୍ଥାନରୁ ଦୁଇ ଜଣଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା । ତନ୍ମଧ୍ୟରୁ ପ୍ରଥମଟି ଦାମାହୁଦା ପଞ୍ଚାୟତ ବେଲସରେଇ ଗାଁରେ ଘର ଭିତରୁ ଜଣେ ବୃଦ୍ଧାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା । ମୃତକ ଶତ୍ରୁଘ୍ନ ମହାନ୍ତଙ୍କ ସ୍ତ୍ରୀ ସୁଶୀଳା ମହାନ୍ତ ବୋଲି ଜଣାପଡ଼ିଛି । ତେବେ ଦ୍ବିତୀୟଟି ଦୁଧନାଳୀ ଗ୍ରାମରେ ଘର ନିକଟ ପଣସ ଗଛରୁ ଜଣେ ବିବାହିତ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା । ମୃତକ ହେଲେ ଜଗବନ୍ଧୁ ମୁଣ୍ଡା । ଉଭୟଙ୍କ ପରିବାର ଲୋକେ ଆତ୍ମହତ୍ୟା କରିଥିବା ଦେଖି ପାଟଣା ପୋଲିସକୁ ଖବର ଦେଇଥିଲେ । ଖବର ପାଇ ଉଭୟ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଦ୍ୱୟ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଉଭୟଙ୍କ ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ଘଟଣାର ଚତଦନ୍ତ ଚଳାଇଛି ପୋଲିସ ।
