ବାଙ୍ଗିରିପୋଷି,୮/୬(ଆ.ପ୍ର): ନିଆଁ ଲାଗି ଜଳିଗଲା ଘର। ଜଳିପୋଡି ପାଉଁଶ ହୋଇଗଲା ଦୁଇ ବଖରା ଘର। ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ। ବଡ଼ଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ଚନ୍ଦନଡ଼ିହି ଗ୍ରାମରେ ଏହା ଦେଖିବାକୁ ମିଳିଛି।
ବଡ଼ଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ଚନ୍ଦନଡ଼ିହି ଗ୍ରାମର ସର୍ଗତଃ ଅର୍ଜୁନ ହେମ୍ବ୍ରମଙ୍କ ପୁଅ ପିଥ ହେମ୍ବ୍ରମ ଘରେ କୌଣସି କାରଣ ବସତଃ ହଠାତ ନିଆଁ ଲାଗିଥିଲା। ଚାହୁଁ ଚାହୁଁ ପୁରା ଘର ଜଳିବାକୁ ଲାଗିଲା। ଆସବାବ ପତ୍ର, ବାସନ କୁସନ, ଜରୁରୀ କାଗଜ ପତ୍ର ସହ ନଗଦ ଟଙ୍କା ମିଶି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇ ଗଲା। ଖବର ପାଇ ସମାଜସେବୀ ତଥା ବରିଷ୍ଠ ବିଜେପି ନେତା ପ୍ରଦୀପ ମହାପାତ୍ର, ୨୭ ନମ୍ବର ଜୋନ ମଣ୍ଡଳ ସଭାପତି ସୁଭାଶିଷ ଗିରି, ପୂର୍ବତନ ମଣ୍ଡଳ ସଭାପତି ଦୁଲାରାମ କିସ୍କୁ, ସମ୍ପାଦକ ରଞ୍ଜିତ ମଣ୍ଡଳ ଓ ବାମିଆ ସିଂ ପ୍ରମୁଖ ଘଟଣା ବିଷୟରେ ଜାଣି ଅଗ୍ନିଶମ ବିଭାଗ କୁ ଖବର ଦେଇଥିଲେ। ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତଃ କରିବାକୁ ପ୍ରଚେଷ୍ଟା କରିଥିଲେ ମଧ୍ୟ ଘର ଟି ସମ୍ପୂର୍ଣ ଜଳି ଯାଇଥିଲା। ଉପସ୍ଥିତ ନେତୃବୃନ୍ଦ ଅତିଶୀଘ୍ର କିପରି ସରକାରୀ ସହାୟତା ପାଇବେ ଏଥିନେଇ ବାଙ୍ଗିରିପୋଷି ତହସିଲଦାର ରଘୁନାଥ ଟୁଡୁଙ୍କ ସହ କଥା ହୋଇଥିଲେ। ଏହା ପରେ ତହସିଲଦାରଙ୍କ ନିର୍ଦ୍ଦେଶ କ୍ରମେ ସ୍ଥାନୀୟ ଆରଆଇ ଘଟଣା ସ୍ଥଳରେ ପହଞ୍ଚି ପଲିଥିନ ଯୋଗାଇ ଥିଲେ।
