ନବରଙ୍ଗପୁର,୨।୭(ଆପ୍ର) : ତେଲଙ୍ଗାନା ସଙ୍ଗାରେଡ୍ଡୀ ଜିଲ୍ଲାରେ କେମିକାଲ ଫ୍ୟାକ୍ସିର ରିଆକ୍ଟର ୟୁନିଟ୍ରେ ଘଟିଥିବା ବିସ୍ଫୋରଣରେ ୪୪ଜଣଙ୍କ ମୃତ୍ୟୁ ଘଟିଛି। ତେବେ ଏହି ଫ୍ୟାକ୍ଟ୍ରିରେ କାମ କରୁଥିବା ନବରଙ୍ଗପୁର ଜିଲ୍ଳାର ଝରିଗାଁ ବ୍ଳକର ୨ ଜଣ ଯୁବକ ନିଖୋଜ ହୋଇଛନ୍ତି। କୋଦଭଟ୍ଟା ଗାଁର ଦୁଇଜଣ ଶ୍ରମିକ ହେଲେ ରମେଶ ଗୌଡ ଓ ଚଇତୁ ଭତ୍ରା।
ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ଅଞ୍ଚଳର ଅନେକ ଶ୍ରମିକ ସେଠାକୁ କାମ କରିବାକୁ ଯାଇଥିଲେ। ସେଥ୍ ମଧ୍ୟରୁ କୋଦଭଟ୍ଟା ଗାଁର ଦୁଇଜଣ ଶ୍ରମିକ ରମେଶ ଗୌଡ ଓ ଚଇତୁ ଭତ୍ରା ଯାଇଥିଲେ। ଏମାନଙ୍କ କୌଣସି ଖୋଜ ଖବର ମିଳୁନଥିବା ବେଳେ ସେମାନଙ୍କ ସଂପର୍କୀୟ ଘଟଣା ସ୍ଥଳରେ ପହଞ୍ଚି ଡିଏନଏ ପରୀକ୍ଷା ପାଇଁ ନମୁନା ଦେଇଥିବା ଗ୍ରାମବାସୀଙ୍କ ସୂତ୍ରରୁ ଜଣାପଡିଛି। ଅନ୍ୟ ପକ୍ଷରେ ଜିଲ୍ଲାଶ୍ରମ ଅଧିକାରୀ ଛୋଟରାୟ ଟୁଡ଼ୁଙ୍କ ପ୍ରତିକ୍ରିୟା ନେବାକୁ ଉଦ୍ୟମ କରାଯାଇଥିବା ବେଳେ ଶ୍ରୀ ଟୁଡୁ ଫୋନ୍ ଉଠାଇ ନ ଥିଲେ।
