ନୂଆଦିଲ୍ଲୀ,୩।୭: କେରଳର ଥିରୁଅନନ୍ତପୁରମ୍ ଇଣ୍ଟରନ୍ୟାସନାଲ ଏୟାରପୋର୍ଟରେ ବ୍ରିଟିସ୍ ରୟାଲ ନାଭିର ଏଫ୍୩୫ବି ଫାଇଟର ଜେଟ୍ ୧୪ ଜୁନ୍ରେ ଏମର୍ଜେନ୍ସି ଲ୍ୟାଣ୍ଡିଂ କରିଥିଲା ଓ ୧୯ ଦିନ ପରେ ମଧ୍ୟ ଏହି ବିମାନରେ ସମସ୍ୟା ଦେଖିବାକୁ ମିଳିଛି। ଏବେ ସୁତ୍ରରୁ ମିଳିଥିବା ସୂଚନା ଅନୁସାରେ, ଫାଇଟର ଜେଟ୍କୁ ଟୁକୁଡା ଟୁକୁଡା କରି ସେନା କାର୍ଗୋ ବିମାନ ଜରିଆରେ ବ୍ରିଟେନ୍ ପଠାଇ ଦିଆଯିବ।
ବିମାନକୁ କେରଳରେ ଠିକ୍ କରିବା ପାଇଁ ବହୁବାର ଚେଷ୍ଟା ପରେ ବି ଫିଫଥ୍ ଜେନେରେସନର ଷ୍ଟିଲଥ୍ ଫାଇଟର ଜେଟ୍ ଇଞ୍ଜିନିୟରିଂରେ ଖରାପ କାରଣରୁ ଏପର୍ଯ୍ୟନ୍ତ ତିଆରି ହୋଇପାରିନି। ବିମାନକୁ ପୁଣିଥରେ ଉଡାଣ ଭରିବା ପାଇଁ ପ୍ରସ୍ତୁତ କରିବାର ସବୁ ଚେଷ୍ଟା ଏପର୍ଯ୍ୟନ୍ତ ଫେଲ୍ ପ୍ରମାଣିତ ହୋଇଛି। ଏଭଳି ସ୍ଥିତିରେ ବିମାନକୁ ଖଣ୍ଡ ଖଣ୍ଡ ଟୁକୁଡାରେ ନେଇଯିବା ଛଡା ଆଉ କୌଣସି ରାସ୍ତା ନାହିଁ।
ଲଗାତାର ହେଉଥିବା ବିଳମ୍ବ ବ୍ୟତୀତ, ୟୁନାଇଟେଡ୍ କିଙ୍ଗଡମ୍ରୁ କୌଣସି ଇଞ୍ଜିନିୟରିଂ ଟିମ୍ ଏପର୍ଯ୍ୟନ୍ତ ଭାରତରେ ପହଁଞ୍ଚି ପାରିନି। ସୁତ୍ରରୁ ମିଳିଥିବା ସୂଚନା ଅନୁସାରେ, ମରାମତି ପାଇଁ ତିରିଶ ଇଞ୍ଜିନିୟରଙ୍କ ଏକ ଗ୍ରୁପ୍ ଥିରୁଅନନ୍ତପୁରମ୍ ପହଁଞ୍ଚିବାର ଆଶା ଥିଲା, କିନ୍ତୁ ଏପର୍ଯ୍ୟନ୍ତ ପହଁଞ୍ଚି ପାରିନି। ବିମାକୁ ଫେରାଇ ଆଣିବାର କୌଣସି ଟାଇମ୍ ଲାଇନ ନହେବା କାରଣରୁ ବ୍ରିଟିସ୍ ଅଧିକାରୀ ଏବେ ବିମାନକୁ ଫେରାଇ ନେବା ପାଇଁ ବିକଳ୍ପ ଯୋଜନା ଉପରେ କାମ କରୁଛନ୍ତି। ବିମାନକୁ ଆଶିଂକ ରୂପରେ ଭାଙ୍ଗିବା କିମ୍ବା ଡିସମେଣ୍ଟାଲ କରିବା, ମିଲିଟାରୀ ଟ୍ରାନ୍ସପୋର୍ଟ ଦୃଷ୍ଟିରୁ ବିମାନକୁ ଫେରାଇ ଦେବା ପାଇଁ ସବୁଠାରୁ ଭଲ ବିକଳ୍ପ ଭାବରେ ରହିଛି। ରିପୋର୍ଟ ଅନୁସାରେ, ବ୍ରିଟେନ୍ ଏପର୍ଯ୍ୟନ୍ତ ଏହି ଫାଇଟର ଜେଟ୍କୁ ସି-୧୭ ଗ୍ଲୋବମାଷ୍ଟର ବିମାନକୁ ଫେରାଇ ନେବା ଉପରେ ବିଚାର କରୁଛି, ଯାହାକି ଏହି ବିମାନ ପାଇଁ ଅଲଗା ଏକ ପଦକ୍ଷେପ ରହିବ। ବିମାନର ଯନ୍ତ୍ରାଶଂକୁ ଖୋଲି ତାକୁ ଗ୍ଲୋବମାଷ୍ଟର ଜରିଆରେ ସୁରକ୍ଷିତ ଫେରାଇ ନେବାର ପ୍ରସ୍ତୁତି ଚାଲିଛି। ଏମ୍ଏଚ୍ ପ୍ରିନ୍ସ ଅଫ୍ ଓ୍ବେଲସ୍ କ୍ୟାରିୟର ଷ୍ଟ୍ରାଇକ୍ ଗ୍ରୁପ୍ର ଅଂଶ ଏଫ୍-୩୫ବି କେରଳ ଉପକୂଳରୁ ୧୦୦ ସମୁଦ୍ର ମାଇଲ ଦୂରରେ ଅପରେସନ୍ କରୁଥିଲା, ଯେତେବେଳେ ଖରାପ ପାଣିପାଗ ଓ ଫୁଏଲର ଅଭାବ କାରଣରୁ ବିମାନକୁ ଏମର୍ଜେନ୍ସି ସ୍ଥିତିରେ ଥିରୁଅନନ୍ତପୁରମ୍ ଏୟାରପୋର୍ଟରେ ଲ୍ୟାଣ୍ଡ କରାଯାଇଥିଲା। ଭାରତୀୟ ବାୟୁସେନା ସୁରକ୍ଷିତ ଲ୍ୟାଣ୍ଡିଂରେ ସାହାଯ୍ୟ କରିଛି ଓ ଫୁଏଲ ଭରିବାଠାରୁ ନେଇ ଲଜିଷ୍ଟିକ୍ ପହଁଞ୍ଚାଇବାର ସହାୟତା କରିଛି।
