ଉମରକୋଟ, ୨।୭ ଉମରକୋଟ ଠାରୁ ନବରଙ୍ଗପୁର କୁ ସଂଯୋଗ କରୁଥିବା ୩୯ ନମ୍ବର ରାଜ୍ୟ ରାଜପଥ ଝରିଗାଁ ବ୍ଲକ ଧୋଡ୍ରା ନିକଟସ୍ଥ ନାଗି ନଦୀ ଉପରେ ଥିବା ଅସ୍ଥାୟୀ ପୋଲ ଉପର ଦେଇ ବନ୍ୟା ଜଳ ପ୍ରବାହିତ ହେଉଛି। ଏଥି ଯୋଗୁଁ ପୋଲ ଉପର ଦେଇ ଯାତାୟାତ ବନ୍ଦ ରହିଛି । ଫଳରେ ଉକ୍ତ ରାସ୍ତା ଦେଇ ଉମରକୋଟ ରୁ ନବରଙ୍ଗପୁର ଯୋଗାଯୋଗ ବିଛିନ୍ନ ହୋଇଯାଇଥିଲା । ଫଳରେ ରାସ୍ତାର ଉଭୟ ପାର୍ଶ୍ଵ ରେ ଅନେକ ଗାଡି ଅଟକି ରହିଛି । ତେବେ କେହି ଗାଡି କିମ୍ବା ଯାତ୍ରୀ ଉକ୍ତ ପୋଲ ଉପରେ ଯାତାୟାତ କରି ଦୁର୍ଘଟଣା ର ଶିକାର ହେବାର ଆଶଙ୍କା ପ୍ରକାଶ କରି ଅସ୍ଥାୟୀ ପୋଲକୁ ପ୍ରଶାସନ ପକ୍ଷରୁ ଭାଙ୍ଗି ଦିଆ ଯାଇଛି ।
ତେଣୁ ଏହି ରାସ୍ତାରେ ଯାତାୟତ କରୁଥିବା ଯାନବାହାନକୁ ବିକଳ୍ପ ରାସ୍ତା ଦେଇ ଯିବା ନିମନ୍ତେ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି । ବଡ଼ଭରଣ୍ଡୀ ମହୁଲି ଦେଇ ଧୋଡ୍ର ଉମରକୋଟ ଗରମ୍ଭା ପୂର୍ଲା ଛକ ଦେଇ ବିକଳ୍ପ ରାସ୍ତାରେ ଯାତାୟତ ପାଇଁ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି । ଉମରକୋଟ ଠାରୁ ଯାଉଥିବା ଦୂରଗାମୀ ବସ ଗୁଡିକ ବର୍ତ୍ତମାନ ଉକ୍ତ ବିକଳ୍ପ ରାସ୍ତାଦେଇ ଯାତାୟାତ କରୁଛି ।
