ନୂଆଦିଲ୍ଲୀ,୦୧/୦୬: ସରି ସରି ଆସୁଛି ଇଣ୍ଡିଆନ୍ ପ୍ରିମିୟର ଲିଗ୍ । ଆଉ ଦୁଇ ମ୍ୟାଚ ପରେ ମିଳିଯିବ ଚଳିତ ଆଇପିଏଲ ଚମ୍ପିଆନ । ଏହି ସିଜନରେ ବହୁ ଟ୍ୟାଲେଣ୍ଟେଡ ପ୍ଲେୟାର ସାମ୍ନାକୁ ଆସିଛନ୍ତି । ଯାହାଙ୍କୁ କ୍ରିକେଟ ଭବିଷ୍ୟତ ଭାବେ ଦେଖିବାକୁ ମିଳିଛି । ପ୍ରଭସିମରନଙ୍କଠୁ ନେଇ ଦୀଗଭେଶ୍ ରାଠୀଙ୍କ ଯାଏ ୫ ଅନକ୍ୟାପ ପ୍ଲେୟାର ରହିଛନ୍ତି ଯିଏକି ଇମ୍ପ୍ରେସ କରିଛନ୍ତି ।
ପ୍ରଭସିମରନ ସିଂହ- ପଞ୍ଜାବ କିଙ୍ଗସ୍ରେ ଜଣେ ଷ୍ଟାର ବ୍ୟାଟର ପ୍ରଭସିମରନ ସିଂହ । ଚଳିତ ଆଇପିଏଲରେ ସେ ସର୍ବାଧିକ ରନ୍ ସ୍କୋରର ହୋଇଛନ୍ତି । ସେ ଏଯାବତ ୧୪ ମ୍ୟାଚରେ ୪୯୯ ରନ୍ କରିଛନ୍ତି । ଷ୍ଟ୍ରାଇକ ରେଟ୍ ୧୬୫.୭୮ରେ ୪ ଅର୍ଦ୍ଧଶତକ ରହିଛି । ଚଳିତ ଆଇପିଏଲରେ ସେ ୫୩ଟି ଚୌକା ଓ ୨୭ ଛକା ମାରିଛନ୍ତି ।
ପ୍ରିୟାଂଶୁ ଆର୍ଯ୍ୟ- ଶ୍ରେୟାସ ଆୟରଙ୍କ ନେତୃତ୍ୱାଧୀନ ପଞ୍ଜାବ କିଙ୍ଗସ୍ର ଆଉ ଜଣେ ଷ୍ଟାର ଯୁବ ବ୍ୟାଟ୍ସମ୍ୟାନ ପ୍ରିୟାଂଶୁ ଆର୍ଯ୍ୟ । ସେ ତାଙ୍କ ବ୍ୟାଟିଂ ଷ୍ଟାଇଲରେ ଫ୍ୟାନ୍ସଙ୍କ ହୃଦୟ ଜିତିଛନ୍ତି । ବମହାତୀ ବ୍ୟାଟ୍ସମ୍ୟାନ ୧୪ ମ୍ୟାଚରେ ୪୨୪ ରନ୍ କରିଛନ୍ତି । ୧୮୩.୫୪ ଷ୍ଟ୍ରାଇକ୍ ରେଟ୍ରେ ତାଙ୍କ ନାମରେ ଗୋଟିଏ ଶତକ ଓ ୨ଟି ଅର୍ଦ୍ଧଶତକ ରହିଛି ।
ବୈଭବ ଅରୋରା- କୋଲକାତା ନାଇଟ୍ ରାଇଡର୍ସର ଷ୍ଟାର ବୋଲର ବୈଭବ ଅରୋରା । ସେ ୧୨ ମ୍ୟାଚରେ ୧୭ ୱିକେଟ ନେଇଛନ୍ତି । ଦଳ ପାଇଁ ସେ ୱିକେଟର ଟେକର, ଷ୍ଟ୍ରାଇକିଙ୍ଗ ଇନ୍ କ୍ରଞ୍ଚ ପ୍ଲେୟାର ସାବ୍ୟସ୍ତ ହୋଇଛନ୍ତି ।
ବିପ୍ରଜ ନିଗମ- ଦିଲ୍ଲୀ କ୍ୟାପିଟାଲ୍ସର ବିପ୍ରଜ ନିଗମ ଚଳିତ ସିଜନରେ ଅଲରାଉଣ୍ଡର ପ୍ରଦର୍ଶନ କରିଛନ୍ତି । ସେ ୧୩ ଇନିଂସରେ ୧୧ ୱିକେଟ ହାସଲ କରିଛନ୍ତି । ୧୮/୨ ତାଙ୍କର ବେଷ୍ଟ ଥିଲା । ଏହା ସହିତ ୮ ଇନିଂସରେ ୧୪୨ ରନ୍ କରିଛନ୍ତି । ତାଙ୍କ ଷ୍ଟ୍ରାଇକ୍ ରେଟ ୧୭୯.୭୪ ରହିଛି । ବିପ୍ରଜକୁ କ୍ରିକେଟର ଭବିଷ୍ୟତ ଭାବେ ଦେଖାଯାଉଛି ।
