ମାଲକାନଗିରି,୧୮/୦୧: ଛତିଶଗଡ଼ରେ ମାଓବାଦୀଙ୍କୁ ଲାଗିଲା ବଡ଼ ଝଟକା । ବିଜାପୁର ସୁକୁମା ସିମାନ୍ତରେ ଏନକାଉଣ୍ଟର ପରେ ଯବାନଙ୍କ କୁମ୍ବିଂ ଅପରେସନ ବେଳେ ଜଙ୍ଗଲ ଭିତରେ ଠାବ ହେଲା ମାଓବାଦୀଙ୍କ ବିଶାଳ ସୁଡଙ୍ଗ । ସୁଡଙ୍ଗ ଭିତରେ ମାଓବାଦୀଙ୍କ ବନ୍ଧୁକ ତିଆରି କରିବା କାରଖାନା ଦେଖିବାକୁ ମିଳିଛି । ସେଠାରୁ ଶତାଧିକ ବନ୍ଧୁକ ସହ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି । ସେହି ସୁଡଙ୍ଗ ଭିତରେ ଦୀର୍ଘ ବର୍ଷ ଧରି ମାଓବାଦୀ ମାନେ ଅସ୍ତ୍ର ଶସ୍ତ୍ର ତିଆରି କରୁଥିଲେ ।
ସୂଚନା ମୁତାବକ, ପୂଜାରୀ ଲଙ୍କା ଜଙ୍ଗଲକୁ ନିଜର ସୁରକ୍ଷା ସ୍ଥାନ ଭାବି ନେଇଥିଲି ମାଓବାଦୀ । ହେଲେ ବିଜାପୁର ଓ ସୁକୁମା ଜିଲ୍ଲାର ଡିଆରଜି ଓ ଏସଟିଏଫ ବାହିନୀର ଯବାନ ମାନେ କୁମ୍ବିଂ ଅପରେସନ କରୁଥିବା ସମୟରେ ଜଙ୍ଗଲ ଭିତରେ ମାଓବାଦୀଙ୍କ ସୁଡଙ୍ଗକୁ ଠାବ କରିଥିଲେ । ପରେ ଏହି ସୁଡଙ୍ଗ ଭିତରେ ଯବାନ ମାନେ ପଶିଲା ପରେ ବନ୍ଧୁକ ତିଆରି ହେଉଥିବା ସମସ୍ତ ଯନ୍ତ୍ରପାତି ଦେଖି ଆଶ୍ଚର୍ଯ୍ୟ ହୋଇଥିଲେ । ପରେ ସମ୍ପୃକ୍ତ ଅଞ୍ଚଳକୁ ଘେରି ଶତାଧିକ ବନ୍ଧୁକ ସହ ଅନ୍ୟାନ୍ୟ ସାମଗ୍ରୀ ଜବତ କରିଥିବା ନେଇ ସୂଚନା ଦେଇଛନ୍ତି ସୁକୁମା ଏସପି କିରଣ ଚୌହାନ ।
