ସୋର,୧୬/୦୫: ସୋର ରେଳଷ୍ଟେସନ ଅନ୍ତର୍ଗତ ଇଟୁଆ ରେଳ ଫାଟକ ଏବଂ ତଳ ନଗର ରେଳ ଓଭରବ୍ରିଜ ମଧ୍ୟରେ ଥିବା ରେଳ ଧାରଣା କଡରୁ ଜଣେ ଅଜଣା ଯୁବକଙ୍କ ମୃତଦେହ ଉଦ୍ଧାର ହୋଇଛି । ଶୁକ୍ରବାର ପୂର୍ବାହ୍ନରେ ରେଳଧାରଣା କଡରେ ଜଣେ ଯୁବକଙ୍କ ମୃତଦେହ ପଡ଼ିଥିବା ଦେଖି ସ୍ଥାନୀୟ ଲୋକେ ସୋର ରେଳ ଷ୍ଟେସନରେ କାର୍ଯ୍ୟରତ ଆରପିଏଫ କର୍ମଚାରୀଙ୍କୁ ଖବର ଦେଇଥିଲେ ।
ଖବର ପାଇ ଆରପିଏଫ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ବାଲେଶ୍ୱରରୁ ଜିଆରପି ପୁଲିସ ଆସିବା ପରେ ମୃତଦେହ ବ୍ୟବଚ୍ଛେଦ ପାଇଁ ନିଆଯିବ ବୋଲି ଜଣାପଡିଛି। ତେବେ ଏହି ଯୁବକ ଜଣଙ୍କୁ କୌଣସି ଟ୍ରେନରୁ କେହି ପେଲି ଦେଇଥିବା କିମ୍ବା ଟ୍ରେନରୁ ଖସି ପଡ଼ିଥିବା ସନ୍ଦେହ କରାଯାଉଛି।
