କଟକ ସଦର,୧୨/୦୬ : କଟକ ଗତିରାଉତପାଟଣା ସ୍ଥିତ କେଶବଧାମ ବିଦ୍ୟା ମନ୍ଦିର ପରିସରରେ ଚଳିତ ମାସ ୧୦ରୁ ପ୍ରାଦେଶିକ ପ୍ରଧାନ ଆଚାର୍ଯ୍ୟ ସମ୍ମିଳନୀ ଆରମ୍ଭ ହୋଇଛି । ଗୁରୁବାର ଏହି ସମ୍ବିଳନୀର ଉଦଯାପନ ଉତ୍ସବରେ ମୁଖ୍ୟ ଅତିଥି ଭାବେ କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସମ୍ମାନିତ ଅତିଥି ଭାବେ ରାଷ୍ଟ୍ରୀୟ ସ୍ୱୟଂ ସେବକ ସଂଘର ପ୍ରାନ୍ତ କାର୍ଯ୍ୟବାହକ ଡ. ଅନୀଲ କୁମାର ମିଶ୍ର ଓ ବିଦ୍ୟା ଭାରତୀ,ଅଖିଳ ଭାରତୀୟ ଶିକ୍ଷା ସଂସ୍ଥାନର ସଂଗଠନ ମନ୍ତ୍ରୀ ଗୋବିନ୍ଦ ଚନ୍ଦ୍ର ମହାନ୍ତ, ମୁଖ୍ୟବକ୍ତା ଭାବେ ବିଦ୍ୟାଭାରତୀ, ଅଖିଳ ଭାରତୀୟ ଶିକ୍ଷା ସଂସ୍ଥାନର ଅଧ୍ୟକ୍ଷ ଡ.ରବିନ୍ଦ୍ର କହ୍ନେରେ, ଶିକ୍ଷା ବିକାଶ ସମିତିର ଅଧ୍ୟକ୍ଷ ଡ. କିଶୋର ଚନ୍ଦ୍ର ମହାନ୍ତି ପ୍ରମୁଖ ଯୋଗଦେଇଥିଲେ ।
ସୂଚନା ଯୋଗ୍ୟ ଯେ, ଏହି ସମ୍ମିଳନୀର ଉଦ୍ଦେଶ୍ୟ ହେଉଛି ରାଷ୍ଟ୍ରୀୟ ଶିକ୍ଷାନୀତି-୨୦୨୦ ଅନୁଯାୟୀ ସରସ୍ୱତୀ ଶିଶୁ ବିଦ୍ୟା ମନ୍ଦିର ଗୁଡିକରେ ଶିକ୍ଷଣ ଗତିବିଧିର ଗୁଣାତ୍ମକ ମାନ ବୃଦ୍ଧି ନିମନ୍ତେ ଚଳିତ ବର୍ଷ ପ୍ରଦେଶ ସ୍ତରରେ ସମସ୍ତ ବିଦ୍ୟାଳୟର ପ୍ରଧାନ ଆଚାର୍ଯ୍ୟମାନଙ୍କୁ ନେଇ ପ୍ରାଦେଶିକ ପ୍ରଧାନ ଆଚାର୍ଯ୍ୟ ସମ୍ମିଳନୀ ଅନୁଷ୍ଠିତ ହେଉଛି ।
ରାଜ୍ୟରେ ବିଜେପି ସରକାରର ଏକ ବର୍ଷ ଓ କେନ୍ଦ୍ର ସରକାରଙ୍କ ୧୧ ବର୍ଷ ପୂର୍ତ୍ତି ଅବସରରେ ସାମ୍ବାଦିକ ସମ୍ମିଳନୀ ଜରିଆରେ ଲୋକଙ୍କ ସମ୍ମୁଖରେ ସମସ୍ତ କାର୍ଯ୍ୟର ହିସାବ ରଖିଲା ଦଳ । ରାଜ୍ୟ ଆଇନ ଓ ପୂର୍ତ୍ତ ବିଭାଗ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଓ ପୂର୍ବତନ ବିଜେପି ରାଜ୍ୟ ସଭାପତି ସମୀର ମହାନ୍ତି ଧନରେ ଏମଏସପି ବୃଦ୍ଧି, ସୁଭଦ୍ରା, ଲକ୍ଷପତି ଦିଦି, ମାଇକ୍ରୋ ଏକୋନୋମୀ, ୪୨ ହଜାର ନିଯୁକ୍ତି, ୧୭ ଲକ୍ଷ କୋଟି ଟଙ୍କାର ଶିଳ୍ପ ପାଇଁ ଏମଓୟୁ, ୬୮ ଟି ବ୍ଲକରେ ଗ୍ରାମୀଣ କୋର୍ଟ ନିର୍ମାଣ ହୋଇଛି । ତେବେ ୧୯୩୬ ମସିହା ବେଳକୁ ମୁଣ୍ଡ ପିଛା ଆୟ ସାଢେ ୯ ଲକ୍ଷ, ରାଜ୍ୟ ଜିଡିପି ୯.୩ ପ୍ରତିଶତ ଓ ୫୦୦ ବିଲିଅନ ଡଲାର ରାଜ୍ୟ ଅର୍ଥନୀତି କରାଯିବାକୁ ଲକ୍ଷ୍ୟ ରଖାଯାଇଥିବା ଆଇନ ଓ ପୂର୍ତ୍ତ ବିଭାଗ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସୂଚନା ଦେଇଛନ୍ତି ।
