ୱାଶିଂଟନ୍,୦୬/୧୧: ବିଶ୍ବର ସବୁଠୁ ଶକ୍ତିଶାଳୀ ଦେଶ ଆମେରିକା ରାଷ୍ଟ୍ରପତି ନିର୍ବାଚନ ନେଇ ମତଦାନ ହୋଇଛି । କିଏ ହେବ ଆମେରିକାର ପରବର୍ତ୍ତୀ ରାଷ୍ଟ୍ରପତି କାହାର ହେବ ହ୍ବାଇଟ ହାଉସ ତାହା ଉପରେ ସମସ୍ତଙ୍କ ନଜର ରହିଛି । କାହା ହାତକୁ ଯିବ ଶକ୍ତିଶାଳୀ ଦେଶ ଆମେରିକା କିଏ ହେବ ବସ୍ । ଭାରତୀୟ ବଂଶୋଦ୍ଭବ ତଥା ଡେମୋକ୍ରାଟ୍ ପାର୍ଟିର କମଳା ହାରିସ ବାଜି ମାରିବେ ନା କମବ୍ୟାକ କରିବେ ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନର ଡୋନାଲ୍ଡ ଟ୍ରମ୍ପ । ଆଜି ଆସିପାରେ ଆମେରିକା ରାଷ୍ଟ୍ରପତି ନିର୍ବାଚନ । କିଛି ସ୍ଥାନରେ ଭୋଟିଂ ଜାରି ରହିଥିବା ବେଲେ ଭୋଟ ଗଣତି ଜାରି ରହିଛି । ଦୁଇ ହେବିୱେଟଙ୍କ ମଧ୍ୟରେ କଡ୍ଡା ଟକ୍କର ହୋଇଥିବା ସୂଚନା ମିଳିଛି ।
ଦୁଇ ନେତାଙ୍କ ଭାଗ୍ୟ ନିର୍ଧାରଣ କରୁଛନ୍ତି ୧୬ କୋଟିକୁ ଅଧିକ ଭୋଟର । ପୂର୍ବରୁ ୮ କୋଟିରୁ ଅଧିକ ଭୋଟର ଆଗୁଆ ମତଦାନ କରି ସାରିଛନ୍ତି । ୭ ରାଜ୍ୟ ଉପରେ ସମସ୍ତଙ୍କ ନଜର ରହିଛି । ୭ ୱିଙ୍ଗ ଷ୍ଟେଟ ବା ଝୁଲା ରାଜ୍ୟ ପେନସିଲଭାନିଆ, ଆରିଜୋନା, ଜର୍ଜିଆ, ମିଶିଗାନ, ନେଭାଡା, ନର୍ଥ କାରୋଲିନା, ୱିସକନସିନର ଫଳାଫଳ ନିର୍ବାଚନରେ ବିଜୟ ପାଇଁ ବେଶ୍ ଗୁରୁତ୍ବ ରଖୁଛି । ସବୁଠୁ ବଡ ରାଜ୍ୟ ପେନସିଲଭାନିଆ ସୋମବାର ଯାଏ ଦୁଇ ନେତା ଟ୍ରମ୍ପ ଓ ହାରିସ ସମାନ ରହିଥିଲେ ।
ଆମେରିକାରେ ୫୦ ରାଜ୍ୟରେ ୫୩୮ ଇଲେକ୍ଟୋରାଲ କଲେଜ ଭୋଟ ରହିଛି । ନିର୍ବାଚନ ଜିତିବାକୁ ପ୍ରାର୍ଥୀଙ୍କୁ ମ୍ୟାଜିକ ନମ୍ବର ୨୭୦ ଆଙ୍କ ଛୁଇଁବାକୁ ପଡିବ । ରିପୋର୍ଟ ଲେଖା ହେବା ସୁଦ୍ଧା ପ୍ଲୋରିଡା ସମେତ ୪ ରାଜ୍ୟରେ ବାଜି ମାରି ନେଇଛନ୍ତି । କମଳା ହାରିସ ମାସାଚୁଟେସ ଓ ମାରିଲାର୍ଡକେ ବିଜୟୀ ହୋଇଛନ୍ତି ।
