ନୂଆଦିଲ୍ଲୀ : ଚାଲିଛି ଆଇପିଏଲ କମାଲ କରୁଛନ୍ତି ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀ । ଅନ୍ତର୍ଜାତୀୟ ସ୍ତରର ବୋଲରଙ୍କୁ ଧୂଲେଇ କରୁଥିବା ବୈଭବଙ୍କୁ ଏବେ ସବୁଠି ପ୍ରଂଶସା କରାଯାଉଛି । ପ୍ରତି ମ୍ୟାଚରେ ବଡ଼ ସଟ୍ ଖେଳି ରେକର୍ଡ କରୁଥିବା ସୂର୍ଯ୍ୟବଂଶୀଙ୍କ ପ୍ରଂଶସା କରିଛନ୍ତି ପୂର୍ବତନ ଦକ୍ଷିଣଆଫ୍ରିକୀୟ ଅଧିନାୟକ ଗ୍ରେମ୍ ସ୍ମିଥ୍ । ସେ କହିଛନ୍ତି ବୈଭବ ହେଉଛନ୍ତି ୨୦୨୬ର ସୁପରଷ୍ଟାର ।
ବୈଭବ ସୂର୍ଯ୍ୟବଂଶୀଙ୍କୁ ପ୍ରଶଂସା କରି ଗ୍ରେମ୍ ସ୍ମିଥ୍ କହିଛନ୍ତି, "ଆଇପିଏଲ୍ ମୋ ଆଶା ଅନୁଯାୟୀ ଆରମ୍ଭ ହୋଇଛି, ଫ୍ଲାଟ୍ ପିଚ୍ ଏବଂ ହାଇ-ସ୍କୋରିଂ ମ୍ୟାଚ୍ ସହିତ। ସବୁବେଳେ ପରି, ରୋହିତ ଶର୍ମା ଏବଂ ବିରାଟ କୋହଲିଙ୍କ ପରି ଅଭିଜ୍ଞ ସୁପରଷ୍ଟାରଙ୍କ ପ୍ରଦର୍ଶନ ଦେଖିବା ଆକର୍ଷଣୀୟ ହେବ, କିନ୍ତୁ ମୁଁ ଭାବୁଛି ପ୍ରଥମ କିଛି ସପ୍ତାହରେ ରାଜସ୍ଥାନ ରୟାଲ୍ସର ଯୁବ ଖେଳାଳି ବୈଭବ ସୂର୍ଯ୍ୟବଂଶୀଙ୍କ ଉପରେ ଧ୍ୟାନ ଦିଆଯିବ।" ପୂର୍ବତନ ଦକ୍ଷିଣ ଆଫ୍ରିକା ଅଧିନାୟକ ଆହୁରି ମଧ୍ୟ କହିଛନ୍ତି, "ସେ ପ୍ରଥମ ବଲ୍ ରୁ ହିଁ ତାଙ୍କର ଦକ୍ଷତା ପ୍ରଦର୍ଶନ କରିଛନ୍ତି। ଜଣେ ଯୁବ ଖେଳାଳି ଭାବରେ, ସେ ଟୁର୍ଣ୍ଣାମେଣ୍ଟ ସମୟରେ ସୁପରଷ୍ଟାର ହୋଇପାରିବେ, ଏବଂ ମୁଁ ତାଙ୍କ ପ୍ରଦର୍ଶନ ଦେଖି ବହୁତ ଉତ୍ସାହିତ।"
ସେପଟେ ଆମେ ଯଦି ସ୍ମିଥଙ୍କ ସମ୍ପର୍କରେ କହିବା ତାହେଲେ ସେ ମଧ୍ୟ ଆଇପିଏଲ ଖେଳିଛନ୍ତି । ସେ ୨୦୦୮ରେ IPL ଟାଇଟଲ ଜିତିଥିବା ରାଜସ୍ଥାନ ରୟାଲ୍ସର ଅଂଶ ଥିଲେ। ସ୍ମିଥ ୨୯ଟି IPL ମ୍ୟାଚ୍ରେ ୨୮.୪ ହାରରେ ୭୩୯ ରନ୍ କରିଛନ୍ତି। ସେ ଚାରୋଟି ଅର୍ଦ୍ଧଶତକ ମଧ୍ୟ କରିଛନ୍ତି। ସ୍ମିଥ ଟେଷ୍ଟ କ୍ରିକେଟ୍ ଇତିହାସରେ ସର୍ବାଧିକ ବିଜୟୀ ଅଧିନାୟକ। ସେ ଦକ୍ଷିଣ ଆଫ୍ରିକାର ୧୦୯ଟି ଟେଷ୍ଟ ମ୍ୟାଚ୍ରେ ଅଧିନାୟକତ୍ୱ କରିଥିଲେ, ସେଥିମଧ୍ୟରୁ ୫୩ଟିରେ ବିଜୟୀ ହୋଇଥିଲେ। ସେ କେବଳ ୨୯ଟିରେ ପରାସ୍ତ ହୋଇଥିଲେ। ସେ ଏକମାତ୍ର ଅଧିନାୟକ ଯିଏ ୧୦୦ରୁ ଅଧିକ ଟେଷ୍ଟ ମ୍ୟାଚ୍ରେ ଅଧିନାୟକତ୍ୱ କରିଛନ୍ତି।
ଏହାସହ ପଢ଼ନ୍ତୁ : ଯୌତୁକ ନିର୍ଯାତନାର ଶିକାର ଜାତୀୟ ସ୍ତରର ଭଲିବଲ୍ ଖେଳାଳି, ମାଆ ବଖାଣିଲେ ଦୁଃଖ କାହାଣୀ
