ନୂଆଦିଲ୍ଲୀ,୨୫/୦୭: ସୋସିଆଲ ମିଡିଆ କାର୍ଯ୍ୟକଳାପରେ ଲିପ୍ତ ଥିବା ପିଲାମାନଙ୍କୁ ଏବେ ନିୟନ୍ତ୍ରଣ କରାଯିବ । ପିଲାମାନଙ୍କ ଦ୍ୱାରା ସୋସିଆଲ ମିଡିଆର ମନମୁଖୀ ବ୍ୟବହାର ରୋକିବାକୁ ବିଶ୍ୱରେ ପ୍ରସ୍ତୁତି ଆରମ୍ଭ ହୋଇଛି । ଫ୍ରାନ୍ସ, ବ୍ରିଟେନ୍, ଅଷ୍ଟ୍ରେଲିଆ, ୟୁଏଇ ଏବଂ ମାଲେସିଆ ପରେ ଭିଏତନାମ ସରକାର ସୋସିଆଲ ମିଡିଆରେ ପିଲାମାନଙ୍କ ସ୍ୱାଧୀନ ଇଚ୍ଛା ଉପରେ କଟକଣା ଲଗାଇବା ପାଇଁ ଏକ ନୂତନ ନିୟମ ପ୍ରଣୟନ କରୁଛନ୍ତି । ୧୬ ବର୍ଷରୁ କମ୍ ବୟସର ପିଲା ଏବଂ କିଶୋରମାନେ ଆଉ ପୋଷ୍ଟ, ପୁନଃପୋଷ୍ଟ କିମ୍ବା ବିଷୟବସ୍ତୁକୁ ସେୟାର କରିପାରିବେ ନାହିଁ । ଏହା ଆକାଉଣ୍ଟ ତିଆରି କରିବାର ନିୟମରେ ପରିବର୍ତ୍ତନ କରିଛି ।
ଭିଏତନାମରେ ଏବେ ୧୬ ବର୍ଷରୁ କମ୍ ବୟସର ପିଲା ଏବଂ କିଶୋରମାନେ ସୋସିଆଲ ମିଡିଆରେ ପୋଷ୍ଟ, ପୁନଃପୋଷ୍ଟ, ଲାଇକ୍ ଇତ୍ୟାଦି କରିପାରିବେ ନାହିଁ । ଏହା ସହିତ ପିଲାମାନଙ୍କ ପାଇଁ ସୋସିଆଲ ମିଡିଆ ଆକାଉଣ୍ଟ ତିଆରି କରିବାର ନିୟମ ପରିବର୍ତ୍ତନ କରାଯିବ । ଭିଏତନାମ ସରକାର ଏହି ନିୟମ ପ୍ରଚଳନ କରିବାକୁ ପ୍ରସ୍ତୁତ ହେଉଛନ୍ତି । ଯେଉଁ ପିଲାମାନେ ମନଇଚ୍ଛା ସୋସିଆଲ ମିଡିଆ ବ୍ୟବହାର କରନ୍ତି ସେମାନଙ୍କ ଉପରେ କଟକଣା ଲାଗିବାର ସମ୍ଭାବନା ରହିଛି । ସରକାର ପିଲା ଏବଂ କିଶୋରମାନଙ୍କ ପାଇଁ କଠୋର ନିୟମ ଲାଗୁ କରିବାକୁ ଯାଉଛନ୍ତି । ନୂଆ ପ୍ରସ୍ତାବିତ ନିୟମ ଅନୁଯାୟୀ, ୧୬ ବର୍ଷରୁ କମ୍ ବୟସର ପିଲାମାନେ ସୋସିଆଲ ମିଡିଆରେ ପୋଷ୍ଟ କରିପାରିବେ ନାହିଁ । ଅନ୍ୟମାନଙ୍କ ପୋଷ୍ଟରେ ମନ୍ତବ୍ୟ ଦେବା, ଲାଇକ୍ କରିବା କିମ୍ବା ଅନ୍ୟଥା ପ୍ରତିକ୍ରିୟା ଦେବା ଉପରେ ମଧ୍ୟ କଟକଣା ରହିବ ।
ବାପାମାଆଙ୍କର ମଧ୍ୟ ଦାୟିତ୍ୱ ରହିବ- ପିଲାମାନେ ଦେଖୁଥିବା ବିଷୟବସ୍ତୁ ଏବଂ ସୋସିଆଲ ମିଡିଆରେ ବିତାଉଥିବା ସମୟ ଉପରେ ନଜର ରଖିବା ପିତାମାତାଙ୍କର ଦାୟିତ୍ୱ ହେବ। ପିଲାମାନେ ଯେପରି ସୋସିଆଲ ମିଡିଆ ବ୍ୟବହାର ନ କରନ୍ତି ସେ ଦିଗରେ ଅଭିଭାବକଙ୍କୁ ଧ୍ୟାନ ଦେବାକୁ ପଡିବ ।
ସୋସିଆଲ ମିଡିଆ କମ୍ପାନୀ ଦାୟୀ ରହିବେ- ଭିଏତନାମ ସରକାରଙ୍କ ଦ୍ୱାରା ପ୍ରସ୍ତୁତ ଡ୍ରାଫ୍ଟ ଅନୁଯାୟୀ, ସୋସିଆଲ ମିଡିଆ କମ୍ପାନୀଗୁଡିକର ମଧ୍ୟ ଗୁରୁତ୍ୱପୂର୍ଣ୍ଣ ଦାୟିତ୍ୱ ରହିବ । କମ୍ପାନୀଗୁଡିକୁ ୟୁଜରଙ୍କ ବୟସ ଚିହ୍ନଟ କରିବା ପାଇଁ ଆଧୁନିକ ପ୍ରଯୁକ୍ତିବିଦ୍ୟା ବ୍ୟବହାର କରିବାକୁ ପଡିବ । ଏହା ନିଶ୍ଚିତ କରିବାକୁ ପଡିବ ଯେ ପିଲାମାନେ କେବଳ ସେମାନଙ୍କ ବୟସ ଅନୁସାରେ ଉପଯୁକତ୍ ବିଷୟବସ୍ତୁ ଦେଖିପାରିବେ । ପିଲାଙ୍କ ଗୋପନୀୟତା ପ୍ରତି ମଧ୍ୟ ଯତ୍ନ ଦେବାକୁ ପଡିବ । ସୁରକ୍ଷା ପ୍ରଦାନ, ହିଂସା, ଆତ୍ମହତ୍ୟା କିମ୍ବା ଅନ୍ୟାନ୍ୟ କ୍ଷତିକାରକ ବିଷୟବସ୍ତୁକୁ ଚିହ୍ନଟ ଏବଂ ଅବରୋଧ ପଦକ୍ଷେପ ନେବାକୁ ବାଧ୍ୟତାମୂଳକ ହେବ ।
ଏହା ବି ପଢନ୍ତୁ...Social Media Ban: ଜୋହୋ ପ୍ରତିଷ୍ଠାତା ଶ୍ରୀଧର ଭେମ୍ବୁଙ୍କ ସୋସିଆଲ ମିଡିଆ ବ୍ୟାନ୍ ଦାବି, ଇଣ୍ଟରନେଟ୍ରେ ଜୋରଦାର କାଉଣ୍ଟର
କହି ରଖୁଛି କି, ବିଭିନ୍ନ ଦେଶରେ ପିଲାମାନଙ୍କ ପାଇଁ ସୋସିଆଲ ମିଡିଆ ବ୍ୟାନ ହେବା ପରେ ଭାରତର ଏପରି ପଦକ୍ଷେପ ନେବାକୁ ଦାବି କରାଯାଉଛି । ଦେଶରେ ଚାଲିଥିବା ବିଭିନ୍ନ ପ୍ରଦର୍ଶନ ଏବଂ ସୋସିଆଲ ମିଡିଆର ବ୍ୟାପକ ପ୍ରଭାବ ମଧ୍ୟରେ ଜୋହୋର ପ୍ରତିଷ୍ଠାତା ତଥା ପ୍ରମୁଖ ଟେକ୍ ଦିଗ୍ଜୟୀ ଶ୍ରୀଧର ଭେମ୍ବୁ ଏକ ବଡ଼ ଦାବି କରିଛନ୍ତି । ସେ ଭାରତରେ ଛୋଟ ପିଲାଙ୍କ ପାଇଁ ସୋସିଆଲ ମିଡିଆ ବ୍ୟବହାରକୁ ସମ୍ପୂର୍ଣ୍ଣ ବ୍ୟାନ୍ କରିବାକୁ ଦାବି କରିଛନ୍ତି । ନିଜର ସୋସିଆଲ ମିଡିଆ ପୋଷ୍ଟରେ ଶ୍ରୀଧର ଭେମ୍ବୁ ଲେଖିଛନ୍ତି ଯେ, ଭାରତରେ ମଧ୍ୟ ଛୋଟ ପିଲାଙ୍କ ପାଇଁ ସୋସିଆଲ ମିଡିଆକୁ ବ୍ୟାନ୍ କରିବା ଜରୁରୀ । ତାଙ୍କ ମତରେ, ପିଲାମାନେ ସୋସିଆଲ ମିଡିଆଠାରୁ ଦୂରେଇ ରହିବା ଉଚିତ୍ । ସେମାନଙ୍କର ଧ୍ୟାନ ବହି ପଢ଼ିବା ଏବଂ ବାହାରେ ଖେଳାକୁଦ କରିବା ଉପରେ ରହିବା ଦରକାର ।
