ନୂଆଦିଲ୍ଲୀ,୧।୩: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ରବିବାର ଚମ୍ପିଆନ୍ସ ଟ୍ରମ୍ପି ୨୦୨୫ ଦୁଇବା ମୈଦାନରେ ଖେଳା ହେବାକୁ ଯାଉଛି। ବିରାଟ କୋହଲି ନ୍ୟୁଜିଲାଣ୍ଡ ବିପକ୍ଷ ମ୍ୟାଚ୍ରେ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗି ପାରନ୍ତି। ଭାରତର ଷ୍ଟାର ବ୍ୟାଟର ବିରାଟ କୋହଲି ନୂଆ ଇତିହାସ ରଚିବାକୁ ଯାଉଛନ୍ତି। କାରଣ କୋହଲି ଭାରତ ବନାମ ନ୍ୟୁଜିଲାଣ୍ଡ ଦିନିକିଆ ମ୍ୟାଚ୍ରେ ସଚିନଙ୍କୁ ପଛରେ ପକାଇ ସବୁଠାରୁ ଅଧିକ ରନ୍ କରିଥିବା ଖେଳାଳି ହୋଇପାରନ୍ତି। କୋହଲିଙ୍କ ଖାତାରେ ବର୍ତ୍ତମାନ ନ୍ୟୁଜିଲାଣ୍ଡ ବିପକ୍ଷରେ ୩୧ ଓ୍ବାନଡେ ମ୍ୟାଚ୍ରୁ ୫୮.୭୫ ଆଭରେଜ୍ରେ ୧୬୪୫ ରନ୍ ରହିଛି। ସେ ଏହି ସମୟରେ ୬ ଶତକ ଓ ୯ଟି ଅର୍ଦ୍ଧଶତକ କରିଛନ୍ତି। କୋହଲିଙ୍କୁ ଦୁବାଇରେ ସଚିନଙ୍କ ରେକର୍ଡ ଭାଙ୍ଗିବା ପାଇଁ ୧୦୫ ରନ୍ ଦରକାର ରହିଛି।
ମହାନ ବ୍ୟାଟର ସଚିନ ତେନ୍ଦୁଲକର ଇଣ୍ଡିଆ ଭର୍ସେସ୍ ନ୍ୟୁଜିଲାଣ୍ଡ ଓ୍ବାନଡୋ ମ୍ୟାଚ୍ରେ ସର୍ବାଧିକ ୧୭୫୦ ରନ୍ କରିଛନ୍ତି। ସେ ନ୍ୟୁଜିଲାଣ୍ଡ ବିପକ୍ଷରେ ୪୨ ଓ୍ବାନଡେ ମ୍ୟାଚ୍ ଖେଳିଛନ୍ତି, ଯେଉଁଥିରେ ୪୬.୦୫ର ଆଭରେଜ୍ ରହିଛି। ସଚିନ ନ୍ୟୁଜିଲାଣ୍ଡ ବିପକ୍ଷରେ ୫ ଶତକ ଓ ୮ଟି ଅର୍ଦ୍ଧଶତକ କରିଛନ୍ତି। ଲିଷ୍ଟର ତୃତୀୟ ନମ୍ବରରେ ରସ୍ ଟେଲର ରହିଛନ୍ତି। ନ୍ୟୁଜିଲାଣ୍ଡର ପୂର୍ବତନ ବ୍ୟାଟର ଟେଲର ଭାରତ ବିପକ୍ଷ ୩୫ ଓ୍ବାନଡେ୍ ୪୭.୭୫ ଆଭରେଜ୍ରେ ରନ୍ କରିଛନ୍ତି। ସେ ତିନୋଟି ସେଞ୍ଜୁରୀ ଓ ୮ଟି ଅର୍ଦ୍ଧଶତକ କରିଛନ୍ତି।
ନ୍ୟୁଜିଲାଣ୍ଡର ପୂର୍ବତନ ଓପନର ନାଥମ ଆଷ୍ଟେଲ ଚତୁର୍ଥ ସ୍ଥାନରେ ଅଛନ୍ତି। ସେ ଇଣ୍ଡିଆ ଭର୍ସେସ୍ ନ୍ୟୁଜିଲାଣ୍ଡ ଓ୍ବାନଡେ ମ୍ୟାଚ୍ରେ ୧୨୦୭ ରନ୍ କରିଛନ୍ତି। ସେ ଭାରତ ବିପକ୍ଷ ୨୯ ଓ୍ବାନଡେ ଖେଳିଛନ୍ତି, ଯେଉଁଥିରେ ୪୩.୧୦ ଆଭରେଜ୍ ରହିଛି। ଭାରତର ପୂର୍ବତନ ବିସ୍ଫୋରକ ବ୍ୟାଟର ବୀରେନ୍ଦ୍ର ସେହଓ୍ବାଗ ନ୍ୟୁଜିଲାଣ୍ଡ ବିପକ୍ଷ ୨୩ ଓ୍ବାନଡୋରେ ୫୨.୫୯ ଆଭରେଜ୍ରେ ୧୧୫୭ ରନ୍ ଯୋଡିଛନ୍ତି। ସେ ଏହି ସମୟରେ ୬ଟି ଶତକ ଓ ତିନୋଟି ଅର୍ଦ୍ଧଶତକ କରିଛନ୍ତି। ନ୍ୟୁଜିଲାଣ୍ଡର ଷ୍ଟାର ବ୍ୟାଟର କେନ୍ ଓ୍ବିଲିୟମସନ୍ ଷଷ୍ଠ ସ୍ଥାନରେ ରହିଛନ୍ତି। ସେ ଭାରତ ବିପକ୍ଷ ୨୯ ଓ୍ବାନଡେ ମୁକାବିଲାରେ ୧୧୪୭ ରନ୍ କରିଛନ୍ତି, ଯେଉଁଥିରେ ୪୪.୧୧ ଆଭରେଜ ରହିଛି। ସେ ଗୋଟିଏ ଶତକ ଓ ୧୦ଟି ଅର୍ଦ୍ଧଶତକ କରିଛନ୍ତି।
