ସମ୍ବଲପୁର, ୧୩/୦୩ : ଗାଧୋଇବା ବେଳେ କେନାଲରେ ବୁଡ଼ିଗଲେ ଭିସୁଟ୍ ଛାତ୍ର। ବୁର୍ଲା ଅଠର ହଜାର ଠାରେ ଗାଧୋଉଥିବା ବେଳେ ପାୱାର କେନାଲରେ ବୁଡ଼ିଗଲେ ଛାତ୍ର। ମୃତକ ଜଣଙ୍କ ହେଉଛନ୍ତି ସିଭିଲ ଇଞ୍ଜିନିୟରିଂ ପ୍ରଥମ ବର୍ଷର ପ୍ରିୟାଂଶୁ ପ୍ରକାଶ ବେହେରା (୧୯ ବର୍ଷ)।
ସୂଚନାନୁଯାୟୀ, ପ୍ରିୟାଂଶୁଙ୍କ ଘର ଢେଙ୍କାନାଳ ଜିଲ୍ଲାରେ। ସେ ଭିସୁଟ୍ରେ ପାଠ ପଢୁଥିଲେ। ଆଜି ପ୍ରିୟାଂଶୁ ସାଙ୍ଗମାନଙ୍କ ସହ ଅଠର ହଜାର ନିକଟ ପାୱାର କେନାଲକୁ ଗାଧୋଇବାକୁ ଯାଇଥିଲେ। ଅସାବଧାନତା ଯୋଗୁଁ ସେ ପାଣିରେ ବୁଡ଼ି ଯାଇଥିଲେ। ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
ଏହି ଖବରଟିକୁ ପଢନ୍ତୁ-ଦ୍ଵିତୀୟ ବିବାହ ପାଇଁ କଣ୍ଟା ସାଜିଲେ ୨ ପୁଅ, ହତ୍ୟା କରି ରାସ୍ତା ସଫା କରିଦେଲା ନୃଶଂସ ବାପା
