ନୂଆଦିଲ୍ଲୀ,୦୮/୦୭; ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ପରିବର୍ତ୍ତନ ହେବାକୁ ଯାଉଛି । ପୂର୍ବତନ କ୍ରିକେଟର ଭିଭିଏସ ଲକ୍ଷ୍ମଣ ଜିମ୍ବାୱେ ଗସ୍ତ ପାଇଁ ଗୌତମ ଗମ୍ଭୀରଙ୍କ ସ୍ଥାନରେ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ହେବେ । ଲକ୍ଷ୍ମଣ କେବଳ ଜିମ୍ବାୱେ ସିରିଜ ପାଇଁ ନୁହେଁ ବରଂ ୨୦୨୬ ଏସୀୟ କ୍ରୀଡା ପାଇଁ ମଧ୍ୟ ହେଡ୍ କୋଚ୍ ହେବେ । ଭିଭିଏସ ଲକ୍ଷ୍ମଣ ବିସିସିଆଇର ସେଣ୍ଟର ଅଫ୍ ଏକ୍ସଲେନ୍ସ (ସିଓଇ)ର ମୁଖ୍ୟ । ଗୌତମ ଗମ୍ଭୀରଙ୍କ ସ୍ଥାନ ନେଇପାରନ୍ତି ଭିଭିଏସ ଲକ୍ଷ୍ମଣ । ସଞ୍ଜୁ ସାମସନ ଟିମ୍ ଇଣ୍ଡିଆରୁ ବାଦ୍ ପଡିବା ପରେ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ ମଧ୍ୟ ବିଶ୍ରାମ ଦିଆଯାଇପାରେ । ଭାରତୀୟ କ୍ରିକେଟ୍ ଦଳର ବ୍ୟସ୍ତବହୁଳ କାର୍ଯ୍ୟସୂଚୀ ରହିଥିବାରୁ ଟିମ୍ ଏବଂ କୋଚିଂ ବ୍ୟବସ୍ଥାକୁ ଅଲଗା ଅଲଗା କରିବାକୁ ପଡିଛି ।
କୋଚ୍ ବଦଳାଇବ ଭାରତ- ଏସିଆନ୍ ଗେମ୍ସ ସେପ୍ଟେମ୍ବର ୧୯ ରୁ ଅକ୍ଟୋବର ୪ ପର୍ଯ୍ୟନ୍ତ ଜାପାନରେ ଅନୁଷ୍ଠିତ ହେବ । ଭାରତୀୟ ଦଳ ଏସୀୟ ଗେମ୍ସ ପାଇଁ ଜାପାନ ଯାତ୍ରା କରିବ, ଯାହା ପାଇଁ ବିସିସିଆଇ ପୂର୍ବରୁ ଦଳ ଘୋଷଣା କରିଛି । ଏହି ସମୟ ମଧ୍ୟରେ, ୱେଷ୍ଟଇଣ୍ଡିଜ୍ ଦଳ ଭାରତ ଗସ୍ତ କରିବ । ସେପ୍ଟେମ୍ବର ୨୭ ରୁ ଅକ୍ଟୋବର ୧୭ ପର୍ଯ୍ୟନ୍ତ ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତିନୋଟି ଦିନିକିଆ ଏବଂ ପାଞ୍ଚଟି ଟି-୨୦ ଖେଳାଯିବ। ଏସୀୟ କ୍ରୀଡ଼ା ଏବଂ ଭାରତ-ୱେଷ୍ଟଇଣ୍ଡିଜ୍ ସିରିଜ୍ କାର୍ଯ୍ୟସୂଚୀରେ ମୁକାବିଲା ହେଉଥିବାରୁ, ଗୌତମ ଗମ୍ଭୀର ୱେଷ୍ଟଇଣ୍ଡିଜ୍ ସିରିଜ୍ ପାଇଁ ଏକଦିବସୀୟ ଦଳ ସହିତ ସାମିଲ ହେବେ। ଏହି ସମୟରେ, ଶ୍ରେୟସ ଆୟରଙ୍କ ଅଧିନାୟକତ୍ୱରେ ଥିବା ଟି-୨୦ ଦଳ ଭିଭିଏସ ଲକ୍ଷ୍ମଣଙ୍କ ପ୍ରଶିକ୍ଷିତ ଏସୀୟ କ୍ରୀଡ଼ାରେ ଖେଳିବ । ଲକ୍ଷ୍ମଣ ଜିମ୍ବାୱେ ଗସ୍ତ ପାଇଁ ଟିମ୍ ଇଣ୍ଡିଆର କୋଚ୍ ରହିବେ ଭିଭିଏସ୍ ଲକ୍ଷ୍ମଣ । ଜିମ୍ବାୱେ ଗସ୍ତ ପାଇଁ ଭାରତୀୟ ଦଳର କୋଚିଂ ଷ୍ଟାଫ୍ ମଧ୍ୟରେ ମଧ୍ୟ କିଛି ପରିବର୍ତ୍ତନ ହେବ । ପୂର୍ବତନ ଭାରତୀୟ ସ୍ପିନ୍ ବୋଲର ସୁନୀଲ ଜୋଶୀ ବୋଲିଂ ପ୍ରଶିକ୍ଷକ ହେବେ । ଋଷିକେଶ କାନିତକର ବ୍ୟାଟିଂ ପ୍ରଶିକ୍ଷକ ହେବେ । ଆଶା କରାଯାଉଛି ଯେ, ସେହି ପ୍ରଶିକ୍ଷକ କର୍ମଚାରୀମାନେ ଏସୀୟ କ୍ରୀଡ଼ାରେ ଟିମ୍ ଇଣ୍ଡିଆ ସହିତ ରହିବେ ।
ଏହା ବି ପଢନ୍ତୁ...ENG vs IND: ୭୦ ବଲ୍ରେ ଅଲ୍ଆଉଟ୍...ସବୁଠାରୁ ବଡ଼ ପରାଜୟ, ନଟିଂହାମରେ ଭାରତୀୟ ବ୍ୟାଟରଙ୍କ ସରେଣ୍ଡର
ଜିମ୍ବାୱେ ଗସ୍ତ ସୂଚୀ- ଆୟରଙ୍କ ନେତୃତ୍ୱରେ ଭାରତୀୟ ଦଳର ଜିମ୍ବାୱେ ଗସ୍ତ ଜୁଲାଇ ୨୩ରୁ ୨୬ ଜୁଲାଇ ପର୍ଯ୍ୟନ୍ତ ରହିଛି । ଦୁଇ ଦଳ ତିନୋଟି ଟି-୨୦ ମ୍ୟାଚ୍ ଖେଳିବେ। ପ୍ରଥମ ମ୍ୟାଚ୍ ୨୩ ଜୁଲାଇ, ଦ୍ୱିତୀୟ ମ୍ୟାଚ୍ ୨୫ ଜୁଲାଇ ଏବଂ ତୃତୀୟ ମ୍ୟାଚ୍ ୨୬ ଜୁଲାଇରେ ଖେଳାଯିବ । ସମସ୍ତ ତିନୋଟି ମ୍ୟାଚ୍ ହରାରେରେ ଖେଳାଯିବ। ଏହା ପରେ ଏସିଆନ ଗେମ୍ସ ରହିଛି ।
ଟି-ଟ୍ୱେଣ୍ଟି ବିଶ୍ୱକପ ବିଜୟୀ ଭାରତର ପ୍ରଦର୍ଶନ କଥା କହିବାକୁ ଗଲେ, ଶ୍ରେୟସ ଆୟରଙ୍କ ନେତୃତ୍ୱରେ ଭାରତ ଆୟର୍ଲାଣ୍ଡ ବିପକ୍ଷ ଟି-ଟ୍ୱେଣ୍ଟି ସିରିଜରେ ୨-୦ରେ ହ୍ୱାଉଟ୍ୱାସ୍ ହୋଇଥିଲା । ଏହାପରେ ଇଂଲଣ୍ଡ ବିପକ୍ଷରେ ଟି-ଟ୍ୱେଣ୍ଟି ସିରିଜ୍ ଖେଳୁଛି । ପ୍ରଥମ ମ୍ୟାଚ୍ ବାତିଲ ହୋଇଥିଲା । ଦ୍ୱିତୀୟ ମ୍ୟାଚ୍ ଏବଂ ତୃତୀୟ ମ୍ୟାଚ୍ ଜିତି ଇଂଲଣ୍ଡ ୨-୦ରେ ସିରିଜ ଆଗୁଆ ରହିଛି ।
