ନୂଆଦିଲ୍ଲୀ,୧୯/୧୦: ଇସ୍ରାଏଲ ଗୁରୁବାର ୟାହିୟା ସିନାଓ୍ବରଙ୍କୁ ହତ୍ୟା କରିଛି। ଗତ ଏକ ବର୍ଷ ଧରି ଚାଲିଆସୁଥିବା ଯୁଦ୍ଧରେ ଏହା ଏକ ଗୁରୁତ୍ୱପୂର୍ଣ୍ଣ ଘଟଣା। ୨୦୧୭ ମସିହାରୁ ସିନାଓ୍ବର ହମାସର ଏକ ପ୍ରମୁଖ ବ୍ୟକ୍ତିତ୍ୱ ଭାବେ ଦାୟିତ୍ବ ନିଭାଇ ଆସୁଥିଲେ। ସେ ହାମାସର ସାମରିକ ଅପରେସନ୍ ଦାୟିତ୍ୱରେ ମଧ୍ୟ ଥିଲେ। ଗତ ବର୍ଷ ଅକ୍ଟୋବର 7 ରେ ଇସ୍ରାଏଲରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ୟାହିୟା ସିନୱାର ବୋଲି କୁହାଯାଉଥିଲା। ସିନୱାରକୁ ମାରିବା ଇସ୍ରାଏଲର ପ୍ରଥମ ଉଦ୍ଦେଶ୍ୟ ଥିଲା।

କାହିଁକି ହମାସ୍‌ ପାଇଁ ଜରୁରୀ ଥିଲା ସିନାଓ୍ବର?

ସିନୱାର ହମାସର ସବୁଠାରୁ କ୍ଷମତାଶାଳି ବ୍ୟକ୍ତି ଥିଲେ। ଇସ୍ରାଏଲ ହାମାସର ରାଜନୈତିକ ବ୍ୟୁରୋର ମୁଖ୍ୟ ଇସ୍ମାଇଲ ହାନିୟା ଏବଂ ସୈନ୍ୟ କମାଣ୍ଡର ମହମ୍ମଦ ଡେଫଙ୍କ ପରି ଲୋକଙ୍କ ମୃତ୍ୟୁ ପରେ ସିନୱାର ହିଁ ଏକମାତ୍ର ବ୍ୟକ୍ତି ଥିଲା ଯିଏକି ସବୁ ନିଷ୍ପତ୍ତି ନେଉଥିଲା। ସେ ଅଧିକରୁ ଅଧିକ ଇସ୍ରାଏଲୀୟଙ୍କୁ ହତ୍ୟା କଲାପରେ ସେ ଅଧିକ ଶକ୍ତିଶାଳୀ ହୋଇଉଠିଥିଲା। ଇସ୍ରାଏଲର ଟାର୍ଗେଟ ତାଲିକାରେ ସିନୱାରଙ୍କ ନାମ ପୂର୍ବରୁ ଥିଲା। ସିନୱାର ଗାଜାରେ ରହି ସାମରିକ ଅପରେସନ ଜାରି ରଖିଥିଲେ। ଶେଷରେ ଗ୍ରାଉଣ୍ଡ ଆକ୍ରମଣରେ ତାଙ୍କୁ ହତ୍ୟା କରାଯାଇଥିଲା।

୨୨ ବର୍ଷରୁ ଅଧିକ କାରାଦଣ୍ଡ ପରେ ୨୦୧୧ ରେ ସିନୱାର ଇସ୍ରାଏଲ ଜେଲରୁ ମୁକ୍ତ ହୋଇଥିଲେ। ୧୯୮୦ ଦଶକରେ ଦୁଇ ଇସ୍ରାଏଲ୍ ସୈନିକ ଏବଂ ୧୨ ଜଣ ପାଲେଷ୍ଟାଇନ ସହକର୍ମୀଙ୍କ ହତ୍ୟା ମାମଲାରେ ସେ ଆଜୀବନ କାରାଦଣ୍ଡ ଭୋଗୁଥିଲେ। ସେ ଇସ୍ରାଏଲର ଜେଲରୁ ମୁକ୍ତ ହୋଇଥିବା ସବୁଠାରୁ ହାଇ-ପ୍ରୋଫାଇଲ୍ ବ୍ୟକ୍ତି ଥିଲା। ୨୦୧୭ରେ ସେ ହମାସର ରାଜନୈତିକ ମୁଖ୍ୟ ହୋଇଥିଲା। ସେ ମିଶର ସହିତ କ୍ଷତିଗ୍ରସ୍ତ ସମ୍ପର୍କକୁ ପୁନଃ ସ୍ଥାପିତ କରିବା ପାଇଁ କାମ ଆରମ୍ଭ କରିଥିଲା ଏବଂ ଇରାନ ହମାସକୁ ସୁରକ୍ଷା ଦେଉଥିଲା।

ସିନୱାରଙ୍କ ସ୍ଥିତିକୁ ଦେଖି ତାଙ୍କ ମୃତ୍ୟୁ ହମାସରେ ଏକ ଶୂନ୍ୟସ୍ଥାନ ସୃଷ୍ଟି କରିଛି। ଖାଲିଦ ମଶଲଙ୍କୁ ତାଙ୍କ ସ୍ଥାନରେ ମୁଖ୍ୟ କରାଯାଇଛି। ତାଙ୍କର ଭାବମୂର୍ତ୍ତି ମଧ୍ୟ ବହୁତ ଶକ୍ତିଶାଳୀ, କିନ୍ତୁ ସେ ସିନୱାରଙ୍କ ପରି ବିଶ୍ୱସ୍ତତା ପାଇଁ ଜଣାଶୁଣା। ନିଜକୁ ପୁନଃ ପ୍ରତିଷ୍ଠା କରିବା ପାଇଁ ହମାସକୁ ଅନେକ ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡ଼ିବ। କୁହାଯାଉଛି ଯେ ହମାସକୁ ପୃଥିବୀ ପୃଷ୍ଠରୁ ବିଲୋପ କରିବାକୁ ଇସ୍ରାଏଲର ପ୍ରଧାନମନ୍ତ୍ରୀ ନେତାନ୍ୟାହୁ ପ୍ରତିଶୃତି ଦେଇଛନ୍ତି। କିଛି ବିଶେଷଜ୍ଞ କହିବା କଥା ହେଲା ଆଗାମୀ ଦିନରେ ଗାଜାରେ ବିବାଦ ଇସ୍ରାଏଲ୍ ପାଇଁ ବହୁତ କଷ୍ଟସାଧ୍ୟ ହେବ।