ନୂଆଦିଲ୍ଲୀ ୦୩/୦୬: ପ୍ୟାରିସ୍ର ଏକ ପ୍ରସିଦ୍ଧ ମହମ ମୂର୍ତ୍ତି ମ୍ୟୁଜିୟମ୍ରୁ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ୍ଙ୍କ ମହମ ମୂର୍ତ୍ତି ଚୋରି ହୋଇଛି । ପୁଲିସ ଅନୁସାରେ, ଚୋରିରେ ସମ୍ପୃକ୍ତ ଏକାଧିକ ଲୋକ ନିଜକୁ ଗ୍ରୀନ୍ପିସ୍ ପରିବେଶ କର୍ମକର୍ତ୍ତା କହି ଏଭଳି କରିଛନ୍ତି । କିନ୍ତୁ ଗଣମାଧ୍ୟମର ରିପୋର୍ଟ ଅନୁସାରେ, ଦୁଇଜଣ ମହିଳା ଓ ଜଣେ ପୁରୁଷ ଗ୍ରେଭିନ୍ ମ୍ୟୁଜିୟମ୍କୁ ପର୍ଯ୍ୟଟକ ବେଶରେ ପ୍ରବେଶ କରିଥିଲେ । ସେମାନଙ୍କ ଉପରେ କାହାର ସନ୍ଦେହ ହୋଇନଥିଲା । ଇତିମଧ୍ୟରେ ସେମାନେ ରାଷ୍ଟ୍ରପତିଙ୍କ ମହମ ମୂର୍ତ୍ତି ଚୋରି କରି ଆପାତକାଳ ଦ୍ୱାର ଦେଇ ବାହାରକୁ ଚାଲିଗଲେ । ପୁଲିସ ଘଟଣାର ଯାଞ୍ଚ୍ ଚଳାଇଛି ।
ଗ୍ରେଭିନ୍ ମ୍ୟୁଜିୟମ୍ ପ୍ୟାରିସ୍ର ଏକ ପ୍ରମୁଖ ଆକର୍ଷଣର ସ୍ଥଳ । ଏଠାରେ ଉଦ୍ୟୋଗ, ରାଜନୀତି ଓ ସାଂସ୍କୃତିକ ବ୍ୟକ୍ତିବିଶେଷଙ୍କ ମହମ ମୂର୍ତ୍ତି ପ୍ରଦର୍ଶିତ କରାଯାଏ । ରାଷ୍ଟ୍ରପତି ମାକ୍ରନ୍ଙ୍କ ମହମ ମୂର୍ତ୍ତି ମଧ୍ୟ ଦର୍ଶକଙ୍କ ମଧ୍ୟରେ ଖୁବ୍ ଲୋକପ୍ରିୟ ଥିଲା । ଚୋରି ଘଟଣା ପଛରେ ପରିବେଶ ସଂରକ୍ଷଣର ମୋର୍ଚ୍ଚା ହୋଇପାରେ ବୋଲି ପୁଲିସ ଅଧିକାରୀମାନେ କହିଛନ୍ତି । ଗ୍ରୀନ୍ପିସ୍ ଏକ ଅନ୍ତର୍ଜାତୀୟ ପରିବେଶ ସଂଗଠନ, ଯାହା ପରିବେଶ ସୁରକ୍ଷା ବିଷୟକୁ ନେଇ ସକ୍ରିୟ ଥାଏ । ତେବେ ଅଦ୍ୟାବଧି ଘଟଣାରେ ସମ୍ପୃକ୍ତ ଲୋକଙ୍କୁ ଗିରଫ କିମ୍ବା ପଚରାଉଚରା କରାଯାଇ ନାହିଁ ।
