ଭୁବନେଶ୍ୱର,୧୭/୧୧: ରାଜ୍ୟର ଅନେକ ସ୍ଥାନରେ ରାତି ତାପମାତ୍ରା ଖସିଛି । କିଛି ସ୍ଥାନରେ ତାପମାତ୍ରା ୧ରୁ ୨ ଡିଗ୍ରୀ ପର୍ଯ୍ୟନ୍ତ ଖସିଛି । ଜି ଉଦୟଗିରିରେ ପାରଦ ସବୁଠୁ ଅଧିକ ଖସିଛି । ଏଠାରେ ରାତି ତାପମାତ୍ରା ୯ ଡିଗ୍ରୀ ସେଲସିୟସ୍ ରହିବା ସହ ଏହା ରାଜ୍ୟର ସବୁଠୁ ଥଣ୍ଡା ଅଞ୍ଚଳ ପାଲଟିଛି ।
ଦାରିଙ୍ଗିବାଡ଼ି ଓ ଫୁଲବାଣୀରେ ସର୍ବନିମ୍ନ ତାପମାତ୍ରା ୧୨.୫ ଡିଗ୍ରୀ ରେକର୍ଡ ହୋଇଛି । ରାଉରକେଲାରେ ଏହା ୧୨.୭ ଡିଗ୍ରୀ ରହିଛି । ଅନୁଗୁଳ ଓ ଝାରସୁଗୁଡ଼ାରେ ୧୩ ଡିଗ୍ରୀ ରେକର୍ଡ ହୋଇଛି । ଅନୁଗୁଳରେ ରାତି ତାପମାତ୍ରା ସବୁଠୁ ଅଧିକ ବା ୪.୮ ଡିଗ୍ରୀ ଖସିଛି । ଝାରସୁଗୁଡ଼ାରେ ୪.୧ଡିଗ୍ରୀ, ଭୁବନେଶ୍ୱରରେ ୨, କଟକରେ ୧.୭ ଡିଗ୍ରୀ, ଭବାନୀପାଟଣାରେ ୧.୫, ଗୋପାଳପୁରରେ ୧.୩, ଚାନ୍ଦବାଲିରେ ୧.୨, ବାଲେଶ୍ୱରରେ ୧, ବାରିପଦାରେ ୧.୨ ଡିଗ୍ରୀ ସେଲସିୟସ୍ ଖସିଛି ।
ଗତକାଲି ରାଉରକେଲାରେ ରାତି ତାପମାତ୍ରା ୧୩.୯ଡିଗ୍ରୀ ଥିଲା । ଶନିବାର ଏହା ପ୍ରାୟ ୧.୫ ଡିଗ୍ରୀ ଖସିଛି । ଆହୁରି ଅନେକ ସ୍ଥାନରେ ରାତି ତାପମାତ୍ରା ଖସିଯାଇଛି । ୭ ସହରର ତାପମାତ୍ରା ୧୫ ଡିଗ୍ରୀ ତଳେ ରହିଛି । କେନ୍ଦୁଝରରେ ୧୪.୫, ଭବାନୀପାଟଣାରେ ୧୪.୮, ଭଦ୍ରକ ଓ ସୁନ୍ଦରଗଡ଼ରେ ରାତି ତାପମାତ୍ରା ୧୫ ଡିଗ୍ରୀ ରେକର୍ଡ ହୋଇଛି ।
ଢେଙ୍କାନାଳରେ ୧୫.୫, ସୋନପୁରରେ ୧୬, ସମ୍ବଲପୁର ଓ ନୟାଗଡ଼ରେ ୧୬.୪, ବାରିପଦାରେ ୧୬.୬, କଟକରେ ୧୭, ହୀରାକୁଦରେ ୧୭.୧, ଭୁବନେଶ୍ୱରରେ ୧୭.୪, ତାଳଚେରରେ ୧୭.୮, ଜଗତସିଂହପୁରରେ ୧୮, ରାୟଗଡ଼ାରେ ୧୮.୬, ବୌଦ୍ଧରେ ୧୮.୮, ଯାଜପୁରରେ ୧୯.୨ ଓ ଗୋପାଳପୁରରେ ସର୍ବନିମ୍ନ ତାପମାତ୍ରା ୧୯.୩ ଡିଗ୍ରୀ ରେକର୍ଡ ହୋଇଛି ।
