ନୂଆଦିଲ୍ଲୀ: ପଶ୍ଚିମବଙ୍ଗରେ ଅମୁଲ୍ ନିବେଶ କରିବ ୬୫୦ କୋଟି ଟଙ୍କା । ଯାହାକୁ ନେଇ ରାଜନୈତିକ ଏବଂ ଶିଳ୍ପ କ୍ଷେତ୍ରରେ ବେଶ ଚର୍ଚ୍ଚା ଆରମ୍ଭ ହୋଇଛି । ବଙ୍ଗର ଅନେକ ବିଜେପି ନେତା ଏହାକୁ ନେଇ ଦାବି କରୁଛନ୍ତି । ବିଜେପିତ ନେତା ଗୌରୀଶଙ୍କର ଘୋଷ ଫେସବୁକରେ ଏକ ପୋଷ୍ଟ ମଧ୍ୟ କରିଛନ୍ତି । ଯେଉଁଥିରେ ସେ ପ୍ରକାଶ କରିଛନ୍ତି କି, ରାଜ୍ୟରେ ଅମୁଲ୍ ପକ୍ଷରୁ ଡାଏରୀ ପ୍ରକଳ୍ପ ଆରମ୍ଭ ହେବ । ତେବେ ଏନେଇ ଚର୍ଚ୍ଚା ଜୋର ଧରିଥିବାବେଳେ କୌଣସି ସରକାରୀ ଘୋଷଣା ହୋଇନାହିଁ ।
ଦାବି କରାଯାଉଛି ଯେ, ପଶ୍ଚିମବଙ୍ଗରେ ଅମୁଲ୍ ସମ୍ପୂର୍ଣ୍ଣ ମାଲିକାନାରେ ଥିବା ଦୁଗ୍ଧ ପ୍ରକ୍ରିୟାକରଣ କାରଖାନା ପ୍ରତିଷ୍ଠା କରିବ । ଏଭଳି ହେଲେ ରାଜ୍ୟର ବହୁ ଦୁଗ୍ଧଚାଷୀ ଉପକୃତ ହେବେ । ଏହାସହ ଯଦି ଏହି ପ୍ରକଳ୍ପ କାର୍ଯ୍ୟକାରୀ ହୁଏ ତାହେଲେ ରାଜ୍ୟରେ ନିଯୁକ୍ତି ସୁଯୋଗ ସୃଷ୍ଟି ହେବ । ଏହାସହ ରାଜ୍ୟର କ୍ଷୀର ଉତ୍ପାଦନ ଶୀଳତ ଭଣ୍ଡାର ଯୋଗାଣ ଶୃଙ୍ଖଳ ନେଟଓ୍ବର୍କ ସୁଦୃଢ଼ ହେବ । ସେପଟେ ଅମୁଲ୍ ମଧ୍ୟ ଏନେଇ ଇଛା ପ୍ରକାଶ କରିଥିବା କୁହାଯାଉଛି ।
କିଛିଦିନ ପୂର୍ବେ ପଶ୍ଚିମବଙ୍ଗ ବିଜେପି ସଭାପତି ଶମିକ ଭଟ୍ଟାଚାର୍ଯ୍ୟ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଭେଟିଥିଲେ। ବୈଠକରେ ରାଜ୍ୟରେ ଶିଳ୍ପ ଏବଂ ନିବେଶ ବୃଦ୍ଧି ଉପରେ ଆଲୋଚନା ହୋଇଥିଲା। ବିଜେପି ବଙ୍ଗଳାରେ ଶିଳ୍ପ ବିକାଶ ପାଇଁ ପାଞ୍ଚଟି ସମ୍ଭାବ୍ୟ କ୍ଷେତ୍ରକୁ ମଧ୍ୟ ଚିହ୍ନଟ କରିଛି। ଏହି ସ୍ଥାନଗୁଡ଼ିକ ମଧ୍ୟରେ ସିଙ୍ଗୁର, ଅଶୋକନଗର, ରାଣାଘାଟ, ପୁରୁଲିଆ ଏବଂ ଝାରଗ୍ରାମ ଅନ୍ତର୍ଭୁକ୍ତ। ଦଳ ଦାବି କରୁଛି ଯେ ଏହି ଅଞ୍ଚଳଗୁଡ଼ିକରେ ଶିଳ୍ପ ବିକାଶ ପାଇଁ ଭଲ ସମ୍ଭାବନା ରହିଛି। ବର୍ତ୍ତମାନ, ଅମୂଲର ସମ୍ଭାବ୍ୟ ନିବେଶ ଖବର ରାଜନୈତିକ ଆଲୋଚନାକୁ ଆହୁରି ତୀବ୍ର କରିଛି। ସମସ୍ତଙ୍କ ନଜର ବର୍ତ୍ତମାନ ରାଜ୍ୟ ସରକାର ଏବଂ ଅମୂଲର ସରକାରୀ ଘୋଷଣା ଉପରେ ରହିଛି। ଯଦି ଏହି ପ୍ରକଳ୍ପ ଆଗକୁ ବଢ଼ିଥାଏ, ତେବେ ଏହାକୁ ପଶ୍ଚିମବଙ୍ଗରେ ଏକ ପ୍ରମୁଖ ଶିଳ୍ପ ନିବେଶ ଭାବରେ ଦେଖାଯିବ।
ଏହାସହ ପଢ଼ନ୍ତୁ : Viral Video: ସାମ୍ନାକୁ ଆସିଲା ଶାଶୁଘରୁ ନିଖୋଜ ହୋଇଥିବା ମହିଳାଙ୍କ ଭିଡିଓ, କହିଲେ....
