ତେଲକୋଇ,୨୬।୫ : ତେଲକୋଇ ବନାଞ୍ଚଳ ଦେଉଳ ଡିହା ପଞ୍ଚାୟତ ମଧ୍ୟପୁର ଗ୍ରାମରେ ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି। ମୃତକ ହେଲେ ସେହି ଗ୍ରାମର ରାଧା ରଣଜିତ୍ (୫୬) ।
କାଜୁ ଜଙ୍ଗଲ ଆଡ଼କୁ ଶୌଚ ପାଇଁ ରାଧା ଯାଇଥିଲେ। ଅଞ୍ଜନା ଶୌଚ ପାଇଁ ଯାଇ ଘରକୁ ନ ଫେରିବାରୁ ପରିବାର ଲୋକ ଖୋଜା ଖୋଜି କରିଥିଲେ ।ଖୋଜିବା ପରେ କାଜୁ ଜଙ୍ଗଲରେ ତାଙ୍କର ମୃତ ଦେହ ପଡ଼ିଥିବା ଲୋକ ଦେଖିଥିଲେ । ହାତୀ ତାଙ୍କୁ ଅତି ବିଭତ୍ସ ଭାବେ ଆକ୍ରମଣ କରିଥିବା ପାରି ପାର୍ଶ୍ୱିକ ସ୍ଥିତିରୁ ଜଣା ପଡ଼ିଛି । ଏହି ଘଟଣା ପରେ ସ୍ଥାନୀୟ ଅଂଚଳରେ ଉତ୍ତେଜନା ପରିସ୍ଥିତି ଦେଖା ଦେଇଛି । ବନ ବିଭାଗ ହାତୀ ଓ ମଣିଷକୁ ସୁରକ୍ଷା ଯୋଗାଇ ବାରେ ବିଫଳ ହୋଇଥିବା ଅଭିଯୋଗ ହୋଇଛି । ଏପରିକି ଉକ୍ତ ଅଂଚଳରେ ହାତୀ ଗତିବିଧିକୁ ନେଇ ବନ ବିଭାଗ ଲୋକଙ୍କୁ ସତର୍କ ସୂଚନା ମଧ୍ୟ ଦେଇ ନଥିବା ଅଭିଯୋଗ ହୋଇଛି। ଏପରି ସ୍ଥଳେ ହାତୀ ସ୍କ୍ୱାର୍ଡ କର୍ମଚାରୀ ହାତୀ ନିରୀକ୍ଷଣ କରିବାରେ ଫେଲ ମାରିଥିବା ବେଳେ ବିଭାଗର କୋଟି କୋଟି ଟଙ୍କା ପାଣିରେ ପଡ଼ିଲା ବୋଲି ଅଭିଯୋଗ ହୋଇଛି ।
