ହିନ୍ଦୋଳ, ୨୪/୧୦: ପୋଖରୀରେ ବୁଡ଼ି ଚାଲିଗଲା ମହିଳାଙ୍କ ଜୀବନ । ମୃତ ମହିଳା ଜଣକ ହିନ୍ଦୋଳ ବ୍ଲକ ରାସୋଳ ଥାନା ପଟାଳୁ ଗ୍ରାମର ସୁଲୋଚନା ପଧାନ ବୋଲି ଜଣାପଡ଼ିଛି । ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ରାସୋଳ ଥାନା ପଟାଳୁ ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବୁଧବାର ସନ୍ଧ୍ୟାଠାରୁ ସୁଲୋଚନା ଘରେ ନଥିବାରୁ ତାଙ୍କ ପରିବାର ଲୋକେ ଗାଁ ଲୋକଙ୍କ ସହ ମିଶି ଖୋଜାଖୋଜି କରିଥିଲେ । କିନ୍ତୁ ତାଙ୍କର କୌଣସି ପତ୍ତା ମିଳି ନଥିଲା । ଗୁରୁବାର ଭୋର ସମୟରେ କିଛି ଗାଁ ଲୋକ ପୋଖରୀକୁ ଶୌଚ ହେବାପାଇଁ ଯାଇଥିଲେ । ଏହି ସମୟରେ ଜଣେ ମହିଳା ପୋଖରୀରେ ଭାସୁଥିବାର ଦେଖିଥିଲେ ଲୋକେ । ଏହା ଦେଖି ତୁରନ୍ତ ଗ୍ରାମବାସୀମାନେ ରାସୋଳ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ । ଖବର ପାଇ ତୁରନ୍ତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଥିଲା । ସେଠାରେ ପହଞ୍ଚି ମହିଳାଙ୍କୁ ପୋଖରୀରୁ ଉଦ୍ଧାର କରିଥିଲା । ପରେ ତୁରନ୍ତ ଗ୍ରାମବାସୀ ମହିଳାଙ୍କୁ ହିନ୍ଦୋଳ ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତର ସେଠାରେ ସୁଲୋଚନାଙ୍କୁ ମୃତ ଘୋଷଣା କରିଛନ୍ତି । ଏହା ପରେ ମହିଳାଙ୍କ ପରିବାର ଲୋକେ ରାସୋଳ ପୋଲିସକୁ ଖବର ଦେଇଥିଲେ । ଖବର ପାଇ ରାସୋଳ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ବମ୍ପା ଏବଂ କୁଟୁଣିଆ ପଞ୍ଚାୟତରେ ୧୫ଦିନରେ ୪ଜଣ ପାଣିରେ ବୁଡ଼ି ମୃତ୍ୟୁବରଣ କରିସାରିଲେଣି।
