ଭୁବନେଶ୍ଵର, ୧୬/୦୮ : ଛାଡ଼ିଗଲା ଲଜ୍ୟା ସରମ। ଭୁଲିଗଲେ ସୀମା ସରହଦ୍। ନା ମୁଣ୍ଡରେ ହେଲମେଟ୍, ନା ସୁରକ୍ଷାକୁ ନେଇ କୌଣସି ଚିନ୍ତା। ରାଜଧାନୀ ବିଚ୍ ରାସ୍ତାରେ ମତୁଆଲା ଯୁବକ ଯୁବତୀଙ୍କ ରୋମାନ୍ସ। ଟ୍ରାଫିକ୍ ନିୟମର ଉଡ଼ିଲା ଧଜିଆ। ଚଳନ୍ତା ବାଇକ୍ରେ ଯୁବତୀଙ୍କୁ ଟାଙ୍କି ଉପରେ ଓଲଟା ବସାଇ ବାଇକ୍ ଚଲାଇଲେ ଯୁବକ। ଭୁବନେଶ୍ଵରରେ ସୈୟାରା-୨ ସିନ୍। ଏଥର ପଛପଟେ ନୁହେଁ ତଡ଼ପ ଫିଲ୍ମରେ ତାରା ସୁତାରିଆଙ୍କ ଭଳି ଆଗପଟେ କୁଣ୍ଢେଇ ଧରିଛନ୍ତି ଯୁବତୀ। ପରବର୍ତ୍ତୀ ପିଢିଙ୍କୁ କ'ଣ ଶିକ୍ଷା ଦେଉଛନ୍ତି ଏମାନେ ?
ଭୁବନେଶ୍ଵର ଇନଫୋସିଟି ଅଞ୍ଚଳରେ ସନ୍ଧ୍ୟା ସମୟର ଦୃଶ୍ୟ। ହଳେ ପ୍ରେମୀ ଯୁଗଳ ଏକ ଚଳନ୍ତା ବାଇକ୍ରେ ରୋମାନ୍ସରେ କରୁଥିବା ଦୃଶ୍ୟ ଏବେ ଭାଇରାଲ୍ ହେବାରେ ଲାଗିଛି। ଯୁବକ-ଯୁବତୀ ଦୁହେଁ ଇନଫୋସିଟି ଥାନାରୁ ଇନଫୋସିଟି ଛକ ଆଡ଼େ ବାଇକରେ ଯାଉଥିଲେ। ଯୁବତୀ ଜଣଙ୍କ ବାଇକ୍ରେ ଓଲଟା ବସିବା ସହ ଯୁବକଙ୍କ କାନ୍ଧକୁ ଧରି ରୋମାନ୍ସ କରୁଥିଲେ। ଦୁହିଁଙ୍କ ମୁଣ୍ଡରେ ହେଲମେଟ୍ ନଥିଲା କି ପୁଲିସକୁ ଭୟ ନଥିଲା। ସମାଜକୁ ବି ଖାତିର୍ ନଥିଲା। ଦେଖଣାହାରୀ ଏହି ଦୃଶ୍ୟ ଦେଖି ବି ତାଜୁବ୍ ହୋଇଯାଇଥିଲେ। ତେବେ ଏହି ଭିଡିଓ ଭାଇରାଲ୍ ହେବା ପରେ ଏବେ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଟ୍ରାଫିକ୍ ନିୟମ ଅନୁଯାୟୀ, ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି।
