ଉମରକୋଟ ୩୦/୫ ସାପ କାମୁଡାରେ ଜଣେ ବୃଦ୍ଧା ମୃତ୍ୟୁ ବରଣ କରିଛନ୍ତି। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅଧୀନରେ। ମୃତ ବୃଦ୍ଧା ଜଣକ ହେଲେ ଉମରକୋଟ ବ୍ଲକ ଚିକଲ ପଦର ଗ୍ରାମର ଫୁଲମାଳା ମାଲାକାର(୭୩)। ମିଳିଥିବା ସୂଚନା ଅନୁସାରେ ଫୁଲମାଳା ଗତକାଲି ସଂଧ୍ୟା ସମୟରେ ଘରେ ରୋଷେଇ କରୁଥିଲେ। ଏହି ସମୟରେ ଏକ ବିଷାକ୍ତ ସାପ ଫୁଲମାଳାଙ୍କ ଡାହାଣ ହାତର ମଝି ଆଙ୍ଗୁଠିକୁ କାମୁଡି ଦେଇଥିଲା। ଫଳରେ ଫୁଲମାଳାଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ହେବାରୁ ପରିବାର ଲୋକେ ଉମରକୋଟ ଉପଖଣ୍ଡ ଚିକିତ୍ସାଳୟରେ ଆଣି ଭର୍ତ୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ ରାତ୍ର ୧୦.୩୦ ମିନିଟ ସମୟରେ ଡ଼ାକ୍ତର ଫୁଲମାଳାଙ୍କୁ ମୃତ ଘୋଷଣା କରିଥିଲେ। ଏନେଇ ପରିବାର ଲୋକଙ୍କ ପକ୍ଷରୁ ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତି କରି ପୋଲିସ ଡାକ୍ତରଖାନାରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲା। ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।